معايرة الاهل منذ الطفولة

كاميلا · 2012-07-30, 12:44

السلام عليكم اخوتي الكرام
وددت طرح تاشكال اعاني منه انا شخصيا

معايرة الاهل للطفل منذ مرحلة الطفولة 14 -15 سنة كيف يكون اثرها في المستقبل وكيف نواجه ذلك خصوصا ان هذه المعايرة تستمر معي الى اليوم وانا 24 سنة
شخصيا عانيت كثيرا منذ صغري خاصة في مرحلة حصولي على شهادة التعليم المتوسط وتوجيهي الى شعبة الاداب بدا الجحيم بدا المعايرة من قبل كل الناس خاصة اللي يهمني من اهلي وتحديدا اخوتي مناداتي بكل الالفاظ الجارحة انا لا انسى يوم توجيهي يوم جنازة الكل وجهه مسود فضيحة "راكي فضحتينا" احنا علميين انت يا "داب " يا شعبة الحمير معنوياتي في ذلك الوقت 00 انتقلت الى الطور الثانوي وانا الوم نفسي لما انا غبية حاولت اثبات انني رغم انني ادبي ساكون من الاوائل وبالفعل كنت انا الثانية في قسمي كي عرفوا قالولي تبقاي حمارة مهما درتي
وصلت للباك قريت وديتو كي ديتو قالولي الناس كامل نجحوا المستوى متدني كي ولاو الدواب يديو الباك درت حقوق ونجحت بعرق جبيني لاني دخلت لكلية لا اعرف فيها حتى البواب العساس يعني لا املك معريفة نجحت في الليسنس ومبعد الماستر وبقاو يقولولي سيستام تاع الدواب اللي عندوا بصلة سيسائية برك ينجحوه
الان راني في شهادة الكفاءة المهنية وراني لا اعمل استمرار المعايرة بالبطالة والفقيرة ووصلت بيهم الدرجة لنعتي بالحسودة لا لشيء لانني ارفض ان يتصدقوا علي ببضع دراهم لاني والحمد لله عايشة في دار والديا حتى يمدولي منطلبش ومنيش من نوع اللي متطلب توصلت بيهم يقولوا علاه هادي عندها كرامة
بالمختصر المفيد انا الان نحس انني اللاشعور تاعي راهو تعمر بالعقد والالك والجروح
لم اجد تفسيرا لهذا
حتى انه راني نجري على روحي ونحوس على الخدمة الله يباركلهم كامل بمناصب يخدمو الدكتورة والاستاذة الجامعية والمهندس واحد جا يقولي ديري ديبلوم تاع مستوى متدني يديروه تاع 9 متوسط ديريه باش ندخلك تخدمي وواحدة قاتلي اخدمي سكريتيرة وواحدة قاتلي اخدمي vacataire اللي قلقني حتى في هاد الشي يقولولي وقانعين باللي راني بدون مستوى مع العلم هاد الهداير مارحش يجريو عليا ويخدموني

مع العلم ايضا انا كي حكيت حكايتي واش دارولي مانيش نبين في روحي ملاك بصح حابة رايكم كيفاش ندير راني كرهت هادو خاوة والا عديان

faty05 · 2012-07-30, 13:54

ما عنداك بلادنا مش تع علوم و تكنولوجيا
بلادنا تع حقوق و اقتصاد و أدب و تاريخ ووووو الا العلوم
شاركي في المسابقات او واصلي تعليمك العالي خير
او حلي مكتب محاماه

مريم الصابرة · 2012-07-30, 16:24

السلام عليكم أختي والله ما تعمري راسك خليهم معليش مهما كان خاوتك كاين شي خاوة تقولي نقتلهم لكن ربي خير إنت كملي فالمستوى وأقرا وأذخلي المسابقات وربي يوفقك وما نعمريش راسك هكذا وين تروحي الادبيين مطيحين بيهم مع إنها شعبة اخلاق والإنسان الادبي إنسان حساس وما يزعفوش مني لخرين هذا واقع أختي ما تتقلقي ما والو أرمي حملك على ربي وخليهم والله وجيت انا منك ما نعمر راسي يعليرو للصباح المهم قريتي ثقفتي وصلت لمستوى كبير الله يبارك وتزيدي إن شاء الله تلقاي خدمة مليحة موفقة وما تتقلقيش صحا فطورك

جسر الأمل · 2012-07-30, 16:27

تبانلي هوما المعقدين وصافي بليزير كي كملت قرايتك ووصلت لمراتب عليا قليل وين الواحد يوصللهم وهدا الشي دارلهم شوكة في الحلق انت كملي وماتسمعي حتى لواحد فيهم وجامي تفشلي هده هي الغيرة باغيين يخرجو عقدهم النفسية فيك ماعليش
شوفي اتكلي على ربي صحا ومايهمك حتى واحد هوما صح سيونتيفيك ولقاو مناصب مرموقة بصح هدا مايعنيش ينغرو ويتكبرو ويطعنو الواحد بكلام مسموم
ان شاء الله يجي ولد الحلال اللي يديك ويهنيك
وصحا فطوووووووووووورك

أم معاذ أم معاذ · 2012-07-30, 23:20

أختي هاذم إخوتك
و كلامهم ممكن يضحكو معاك برك في الثانوي و إنت اديتيهم بجدية و بحساسية كبيرة
يعني حتى إحنا الخاوة نمرقو ببعضانا
و أيضا كي يمدولك دراهم مش معناها يتصدقو عليك حابين يعاونوك في مصروفك برك بما أنهم يخدمو و إنت لالا

و أيضا كي يدبرو عليك في الخدمات هاذاك وش خرج معاهم و كون جا بيديهم يوفرولك خدمة أحسن ما ظنيتش يبخلو عليك
يعني نشوف أنك مدية الموضوع بحساسية زايدة و الله أعلم

ربي يصلح الأحوال بينك و بين إخوتك يا رب

تقبلي مروري أختك في الله

أضحكي و نحي عليك الهم

كاميلا · 2012-07-30, 23:43

اقتباس:

المشاركة الأصلية كتبت بواسطة faty05

ما عنداك بلادنا مش تع علوم و تكنولوجيا
بلادنا تع حقوق و اقتصاد و أدب و تاريخ ووووو الا العلوم
شاركي في المسابقات او واصلي تعليمك العالي خير
او حلي مكتب محاماه

شكرا جزيلا

كاميلا · 2012-07-30, 23:44

اقتباس:

المشاركة الأصلية كتبت بواسطة مريم الصابرة

السلام عليكم أختي والله ما تعمري راسك خليهم معليش مهما كان خاوتك كاين شي خاوة تقولي نقتلهم لكن ربي خير إنت كملي فالمستوى وأقرا وأذخلي المسابقات وربي يوفقك وما نعمريش راسك هكذا وين تروحي الادبيين مطيحين بيهم مع إنها شعبة اخلاق والإنسان الادبي إنسان حساس وما يزعفوش مني لخرين هذا واقع أختي ما تتقلقي ما والو أرمي حملك على ربي وخليهم والله وجيت انا منك ما نعمر راسي يعليرو للصباح المهم قريتي ثقفتي وصلت لمستوى كبير الله يبارك وتزيدي إن شاء الله تلقاي خدمة مليحة موفقة وما تتقلقيش صحا فطورك

دايما نحاول نعمر راسي والله المشكل زاد عن حده الى درجة انني اريد مراجعة طبيب نفسي

كاميلا · 2012-07-30, 23:46

اقتباس:

المشاركة الأصلية كتبت بواسطة جسر الأمل

تبانلي هوما المعقدين وصافي بليزير كي كملت قرايتك ووصلت لمراتب عليا قليل وين الواحد يوصللهم وهدا الشي دارلهم شوكة في الحلق انت كملي وماتسمعي حتى لواحد فيهم وجامي تفشلي هده هي الغيرة باغيين يخرجو عقدهم النفسية فيك ماعليش
شوفي اتكلي على ربي صحا ومايهمك حتى واحد هوما صح سيونتيفيك ولقاو مناصب مرموقة بصح هدا مايعنيش ينغرو ويتكبرو ويطعنو الواحد بكلام مسموم
ان شاء الله يجي ولد الحلال اللي يديك ويهنيك
وصحا فطوووووووووووورك

مهما وصلت ديما يحسوني بشكل صريح اني لا ارقى لمستواهم وانا عار عليهم لانني ادبي المشكل ليس هنا المشكل انهم اعتادوا يعايروني في كل حاجة دائما كل هاد التعايير تحت مظلة احنا لكبار واحنا اللي نفهموا حتى درجة وصفهم لي بصفة لا اريد ان اقولها

كاميلا · 2012-07-30, 23:53

اقتباس:

المشاركة الأصلية كتبت بواسطة om mo3ad

أختي هاذم إخوتك
و كلامهم ممكن يضحكو معاك برك في الثانوي و إنت اديتيهم بجدية و بحساسية كبيرة
يعني حتى إحنا الخاوة نمرقو ببعضانا
و أيضا كي يمدولك دراهم مش معناها يتصدقو عليك حابين يعاونوك في مصروفك برك بما أنهم يخدمو و إنت لالا

و أيضا كي يدبرو عليك في الخدمات هاذاك وش خرج معاهم و كون جا بيديهم يوفرولك خدمة أحسن ما ظنيتش يبخلو عليك
يعني نشوف أنك مدية الموضوع بحساسية زايدة و الله أعلم

ربي يصلح الأحوال بينك و بين إخوتك يا رب

تقبلي مروري أختك في الله

أضحكي و نحي عليك الهم

راني في شهر رمضان والله على ما اقول شهيد وكلامي صادق 100 بالمية لا ادري انت لا تصدقين ما اقول ام ماذا؟

انا مقلتش يضحكوا معايا كانوا يتشاجروا معايا ويعايروني نكتبلك بالدارجة ممكن تفهميني اكثر واذا حبوا يمزحوا ماشي هكا هذا كلام جارح لو نعتك بالغبية الان ونقولك نمزح يعجبك الحال
حكاية الدراهم مثال نمدهولك يجيو يمدولك مبلغ ومن بعدها يعايروك يقولولك راكي لاصقة فينا راكي عالة علينا مع اني اقسم بالله العظيم لا اطلب منهم دينارا "المن والاذى"
مثال آخر عن المعايرة انا الان تقدم شاب لخطبتي درت رؤية شرعية هو مازال مكونش روحو مليح وصلت بيهم الجرأة الى معايرتي به لانه فقير "طلاب" كيما نقولو
هي ليست حساسية زايدة هي كاس وفاض بيا وهم وغم تعمر في مساحة اللاشعور واللاوعي

~ أســـرآر ~ · 2012-07-31, 11:56

السلآمـ عليكم ورحمة الله وبركآته

ربي يصلح الأحوال ويهدي إخوتك وصح الظلمـ صعيب بزآآآآآف

أختي أنت كملي حياتك ومتعمريش راسك بيهمـ وإذا حسبو روحهم خير عليك بالشهادة خلي نتي روحك خير عليهم بالمعاملة الحسنة والأخلاق والأدب والإحترآم ويجي النهآر اللي يعرفو بلي ظلموووك ...........

ورانا في شهر رمضان ادعيلهم ديما ربي يصلح أحوالهم ويندمو على أفعالهمـ وراهم يبقاو ديما إخوتك رغم كل شيء

sraya · 2012-07-31, 15:00

انا في رأيي ................
في رأييهم اللي يروحو يقرو في الجامعة نتاع الحقوق الكل يروحو و هوما مهبطين راسهم من الحشمة و الا لابسين عجارات باش ميعرفوهمش
اذا كان اخوتك قرو علمي و الا نجحو و الا دكاترة او بروفيسور او او و لكن تبقى ديمة عقليتهم 0 0 0 0 ....0 لانو العالم يقدر مستوى العلم مهما كانت درجتو انا من جهتي نقرا دكتورا في الاعلام الالي و نخدم في مخبر الابحاث الخاص بالجامعة و نقدر كثيرا الي يقرا في محو الامية و نعتز به اكثر من البرفيسار الي دا رسائل التخرج نتاعو على ظهر الطلبة و زيد و زيد

أختي أعرفي مليح بلي مشكل البطالة في الجزائر كاين و لازال و ميتنحاش و اذا خرج منشور وزاري و قالولك باللي بوتفليقة دار 9921555202562145522154521 منصب شغل فهذا ميخصش الزواولة بل يخص للمعارف و اللي عندهم لكتاف اما نحن راهم يمدولنا مناصب الحجر على روسنا برك؟؟؟؟؟؟؟؟؟؟؟؟؟؟؟؟؟؟؟
واش نقول لاختي انا عندي تجربة كبيرة مع الخدمة كنت علوم دقيقة باك 2000 كيما كان الباك عندو قيمة قريت اعلام الي و تخرجة الاولى في الدفعة مهندس دولة حوس على خدمة في المجال اي بوست يطلبو خبرة منين نجيب خبرة و انا كنت نقرا قلتلهم ابدو انتم الاول خدموني ةو اعطوني خبرة بالصح يحبو كانش مانعرف فلان و الا باباك اشكون و الا هذا يتطلب دراهم يعني قبل ماتبدي باش تكسبي دراهم الحلال تحرميهم و زيد وزيد وزيد....
اتصوري وين خدمت واللهو الله و الله خدمت في رستورو عند واحد تونسي نقشر البطاطا المهم نعول على ذراعي من بعد حكيت مع واحد جاء للرسترو يشكي من الخدامة نتاعو يسرقو فيه كان عندو فندق كبير و معروف 05 اتوال اقترحت عليه نديرلو لوجسيال وافق درتهولو و بعتهولو ب 10000000 عجبو و طلب مني نخدمة امعاه نديرو الفاتورات للشركات اللي يتعامل معاهم و بدات نخدم في الدومان نتاعي و كونت روحي مليح و دخلت في كنكور في الجامعة نجحت بمجهودي و زدت غير عام ودرت ماجستير و الان راني دكتورا .....المهم حابة نفهمك انو باسراري و دعاوي الوالدين و كي تكوني كابابل صح و عندك عزيمة و ايمان بالله قوي تدي واش حابة
اعرفي اختي انو الي عطاهولك ربي عمرو ما ينحيه البشر مهما كانت صيفتو
متأسيش و الا تسخري من المستويات و الا الخدمة المعروضة عليك غير كوني عندك شخصية قوية انت تعرفي روحك اكثر من الناس و انت تحاسبي روحك قبل مايحاسبوك
الحقوق برونش مليحة و فيها مستقبل انا نعرف وحدة قرات حقوق و من بعد زادت 02 سنتين كبا و دارت كنكور في الجزائر عولت على روحها يعني قرات كلش انت حاولي تقري كانك تضمني 20/20 و هوما اذا نقصولك راح يعطوك 12 نجحت و راها الان عندها مكتب موثق و مكانش واحد ميعرفهاش و ميعرفش خبرتها لانو البوست داتو بجهدها اما نتاع المعارف صدقيني كي يصيبو خدمة من بعد يوحلو و انا جربت وحايد
المهم ننصحك متخليش مكان متديريش فيه دوسي و الي كونكور نتاع قراية و متقريشو المهم خلطيها و الكنكور يعلنو عليهم عادة في سبتمبر
نتمنالك التوفيق

أم معاذ أم معاذ · 2012-07-31, 21:08

اقتباس:

راني في شهر رمضان والله على ما اقول شهيد وكلامي صادق 100 بالمية لا ادري انت لا تصدقين ما اقول ام ماذا؟

انا مقلتش يضحكوا معايا كانوا يتشاجروا معايا ويعايروني نكتبلك بالدارجة ممكن تفهميني اكثر واذا حبوا يمزحوا ماشي هكا هذا كلام جارح لو نعتك بالغبية الان ونقولك نمزح يعجبك الحال
حكاية الدراهم مثال نمدهولك يجيو يمدولك مبلغ ومن بعدها يعايروك يقولولك راكي لاصقة فينا راكي عالة علينا مع اني اقسم بالله العظيم لا اطلب منهم دينارا "المن والاذى"
مثال آخر عن المعايرة انا الان تقدم شاب لخطبتي درت رؤية شرعية هو مازال مكونش روحو مليح وصلت بيهم الجرأة الى معايرتي به لانه فقير "طلاب" كيما نقولو
هي ليست حساسية زايدة هي كاس وفاض بيا وهم وغم تعمر في مساحة اللاشعور واللاوعي

ربي يفرج عليك أختي
أبدا كلامي ليس معناه أني لا أصدقك
حاشا لله
ربي يفرج عليك أختي و يهدي أخوتك و ربي يرزقك من حيث لا تحتسبين
الإخوة الأعضاء كفو في الردود
ربي يصلح أحوالك مع إخوتك
و الشعبة تاعك ولا الفقر ليس عيب

**د لا ل** · 2012-08-02, 01:51

اختي كملي دراستك ونجحي في ميدانك وكملي مسيرة المحاماة وربي يوفقك

و مايهمكش فيهم

العبرة بالخاتمة والشاطر الي يضحك اخيرا

ادعي الله دائما بالتوفيق وخذي بالاسباب

وباذن الله راح يخليكي احسن وحده فيهم

abdallah1983 · 2012-08-03, 00:03

ربي يبارك
وربي يكملك بعقلك اختي
اعرف ان ما قيل لك كلام محبط ولكن لبد ان يكون كلامك جبال كي تصعدي عليها الى القمم واصل نجاحتك فا والله انها الغيرة من النجاح و من الناجح

ربي يزيدك نجاح عن نجاح كي تخرسي اللسن الحسدا

عربية الهوية · 2012-08-03, 13:32

السلام عليكم
صح اختي مزالو في عقليتهم هاذي
انا تاني قالوهالي
واحد يقولك ديري طبيبة والاخر مهندسة
انا عطاوني علوم بصح انا بدلت حبيت اداب واصلا اداب احسن
انا نشوف واش يخرج عليا وواش نحب نقرا وممبعد الغاشي خليهم يهدرو
المشكل انو اللي نعدلو هابط بزاف يديروه اداب مفهمتش علاه