لوبيا ماشطو بطرق جديدة

[راجية غفران ربها]

وقت الماشطو و لازم انوعو فيها باش ماتنكرهش

معليش المقادير نفسها مي الشكل لازم يتبدل باش يحسو بلي بدلتي شويا

لقيت في النت هذه الطرق حبيت تشاركوني فيها لصاحبتها ام منذر ربي يجلزيها في هذا الشهر الفضيل

نحي الريسان تاع الماشطو برك و خليها بطولها ماتقطعيهاش

غليها فالماء، ملح و شويا فلفل( ماتخليهاش تطيب مليح باش ماتتكسرش كي تلميها)
صفيها و مبعد لمي كل 7 حبات و قطعيهم بطول واحد
و اللي بقى منها قطعيه رقيق بزاف و زيديه لافارس

و جدي لافارس بالفيونداشي+ الماشطو المقطعة رقيقة + مغيرفة روز+ بصل + سنة ثوم+ شوية معدنوس + فلفل+ ملح+ شوية زيت+ بياض بيضة

شمخي يديك بالماء و لكل ربطة ماشطو حطيلها شويا من لافارس من 2 جوايه (كيما حلوة القوفرات المغمسة فالشكولا من الأطراف)

شدي كل وحدة من النص و رمدي لطراف فالفرينة و حطيها فالزيت تنقلى

نحيهم و قطريهم

و اذا بقاولك حبات ماشطو بلا رباط كيما أنا زيدي قليهم مليح فالزيت

في هذيك الزيت تاع القليان رابي شويا ثوم و بصلة و زيديلهم التوابل مع 2 حبات طو ماطيش مرابين+ تومات كونسونتري و قليها مليح

حطي الماشطو و عليها الربطات و فرغي عليها لاصوص تومات و مرقي بالما حتى تغطيها و خليها تزيد تطيب و تعقد (تقدري دريها فالفور)

قلي البطاطا و قدميها مع الماشطو

[راجية غفران ربها]

لوبيا خضراء شكل جديد

نوريلكم الصورة ومن بعد نبدا فلاروسات

هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 2048×1536.

وها مقطع عرضي
هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 2048×1536.
واش نحط لا خوسات ولا لا؟
نبدى المقادير:
1/ لازملنا لوبيا ماشطو تكون جديدة اللي تمتم تتكسر في يديك (بحال طرية ) انزعيلها الرئسين فقط اغسليها وغليها بالماء والملح او فوريها بالملح وفلفل اسود طفي عليها خليها تبرد
2/ لحم مرحي انت وقدرتك مثلا نجيب قيس نصف رطل نضيفولو ملعقة اكل روزمرحي ولا حب (من الاحسن مرحي ) باه يشد روحو انا ديما نخدم بقدر 200دج تبليه بالفلفل اسود وقسبر يابس مطحون واخضر مقطع وثوم مرحي وبياض بيضة او بياضين وملح شوية كمون نخلط الكل ونشكل اصابع من اللحم كما في الصورة
هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 2048×1536.

ثم نبدا بتسييج اللحم باللوبيا كما في الصورة ونضغط عليه جيدا حتى تلتصق اللوبيا باللحم بحيث يكون طول حبات اللوبيا متجانس (الطويلة مع الطوية والقصيرة خليها من بعد اصنعيها مع القصيرة ) كما في الصور لما تخلصي حبة جيبي خيط خاص بالطبخ او عادي المهم يكون نضيف ولويه على اللوبيا بشرط ماتضغطيش بزاف عيها بالخيط وماترخفيهاش بزا ف شي خمس او ست لفات ولاداعي انك تحزمي الخيط وحدو رح يتشد كما في الصورة :

هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 2048×1536.
هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 2048×1536.
هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 2048×1536.

هادي الخطوة انا نسيت مادرتهاش بصح لازم تديروها بمقص ولا موس جانبي كل حبة قصوهم باه تكون على طول واحد ويكون شكلها جميل مش كيما راهي فالصورة
ركزو الخيط لوين راه واصل مش غير فالوسط باه ماتتفتحش من بعد كي ننزعو الخيط
وهادو الحبات كملتهوم وزايدلي اللحم درتو على شكل كورات
هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 2048×1536.

نجو اللصوص
حبة بصل الزيت او ازبدة نضيفولها ثوم فلفل اسود رشة ملح ثم الماء طماطم مصبرة وحبة طماطم نخلوها حتى تغلي لما تغلي نضيف حبات اللوبيا حطيهم غير بشوية لازم لمرق يغمر كامل اللوبيا
رجعوها تطيب لما تحسو اللحم دخلو الطياب انزعو حبات اللوبيا ماتخلوهم يطولو بزاف رح تفسدلك الطبخة ويتنزع اللحم عن اللوبيا
هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 2048×1536.
قد ما يبردو انزعي الخيط من كل الحبات وحافظي عليها بشوية ماتنسايش رجعي المرق يعقد حتى تبقى ربع الكمية ضيفيلها (فنجان ماء مخلط بالفرينة )باه تثقال ضيفي رشة فلفل اسود وطفي عليها

رجعي لحبات اللوبيا وجدي زوج حبات بيض مضربين وفيهم رشة ملح
وصحن ديري فيه الفرينة وصحن اخر ديري فيه لاشابور (خبز مرحي)
هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 2048×1536.

ابداي رمدي كل حبة فالفرينة اولا ثم فالبيض ومن بعد فلاشابلور حتى تكملي كل الحبات وجدي الان مقلاة كبيرة توفال فيها زيت مش مغمورة ابداي اقلي الحبات وكل مرة غيري الجهة حتى تحمر (كيما تقلي المعقودة )مليح حطيهم في ورق ماص زيت
اثناء التقديم حطي الحبات فالوسط قسميهم على زوج سقيهم بلاصوص اللي طابو فيها وفيكي كاضافة تقلي البطاطا بشكل دوائر وزيني حواف الصحن

ملاحظة تقدري تديري لاصوص بيضا بدل الطماطم مصبرة تديري زعفران انا نحبها بيضاء تجي بنينة بزااف
هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 2048×1536.منقووووول

[راجية غفران ربها]

فوائد الفاصوليا:

أفادت دراسة علمية حديثة بأن الفاصوليا قد ثبت فعاليتها في تنشيط ضربات القلب وتحسين أدائه، وذلك لإحتوائها على نسبة من مادة تسمى "اينوزيت"، كما تعتبر الفاصوليا مهدئة للأعصاب و مدرة للبول و منقية للدم ومقوية للكبد والبنكرياس.

وأوضحت الدراسة أنه يستخرج من الفاصوليا مستحضر طبي يستطيع وقف إنقاص كرات الدم البيضاء من الجسم، وذلك لأنها تحتوى على نسبة عالية من حمض النيكوتين المساعد في تجديد كرات الدم، كما أنها تحتوي على مادة تسمى "البنتونين" المفيدة جداً في تخليص الجسم وتنقيته من السموم.

وأضافت الدراسة أن أغلفة وقشور الفاصوليا غنية بالمواد المضادة للأكسدة التي تمنحها خصائص مضادة للشيخوخة، وذلك فضلاً عن فائدتها فى محاربة أمراض القلب والسرطان

طاجن اللوبيا او الفاصوليا الخضراءعلى الطريقة المغربية:

المقادير:

لحم مقطع قطع صغيرة
بصلة مفرومة
فص ثوم مفروم
حبة طماطم مفرومة
باقة بقدونس و كزبرة
ملح
بهار اسود
زنجبيل مسحوق
كركم
زيت
ماء

الطريقة:

في طنجرة يوضع الزيت
البصل و الطماطم و فص الثوم
التوابل و الملح

يترك يتقلى لمدة 10 د

يضاف الماء الكافي لنضج اللحم
تضاف باقة الكزبرة و البقدونس
عندما يقارب اللحم من النضج
تضاف اللوبيا الخضرا و تترك حتى تنضج
تزال باقة الكزبرة و البقدونس
و يقدم

لا تنسوني من صالح دعائكن
منقوووول

[imene-5]

بارك الله فيك اختي على هذه الكيفيات

[*سماح 94*]

بارك الله فيك عزيزتي شكرااااااااااا جزيلا
ان عجبتني الثانية بزااااف
ربي يتقبل صيامك وصح رمضانك

[فاطمة شمس الاصيل]

يعطيك الصحة اختي والله هذي طريقتي في طياب اللوبيا وتجي شابة وبنينة صح رمضانك

[عروبتي]

روووووعة ربي يجازيك الخير وكل ماتتمناي

[فاااطمة]

بارك الله فيك ان شاء الله مأجورة

[راجية غفران ربها]

شكرا لمروركن يا العاليات
رمضان كريم

[الأمنيات]

[rasiza]

يعطيك الصحة اختي شيء جديد و رائع برافو عليك أبدعتي

[dalal batna]

ya3tik saha ana mwalfa ndir tari9a 1 w ndiralha sauce blanche mais 3ajbatni 2 nchalah njarabha w ndirlha sauce blanche puisque fi ramdane ma kanach gad sauce blanche

[عهد الله]

ربي يحفضك هايلين وريلاي الغراتا تاع اللوبيا

[oum hamza]

Barak allah fik

[راجية غفران ربها]

المشاركة الأصلية كتبت بواسطة الأمنيات

شكرا لمرووووورك