انا في حيرة

مشكلتي · 2012-07-28, 11:18

صباح الخير
كيفاش نبدا نحكي.ايا فتاة كانت عندي صحبتي اخطبني خونا ومقبلتش لانو عاطل عن العمل .من ثمة ماعادتش تهدر امعايا وبعد مرور اشهر عيطلي نيميرو معرفتش انتاعمن اهدرت . صبتو خو صحبتي قالي غير انا يالي نتزوج بيك واحد منسمحلو يديك من بين يديا. درك انا تخطبت وعرسي راهو قريب راني خايف كاشما ايديرلي مشاكل مع خطيبي راني انبات انخمم كل يوم ينقص مني كيلو
انا اختكم في الله تعيشو ادعولي ربي يستر

جزائري وفقط · 2012-07-28, 16:38

على ما أعتقد

أن الأمور أنتهت عندما قلت له لا

إذا لم يفهم ذلك

وفعل شيئا سيئا

أكيد لديك إخوة وهو يعرفون ماذا يفعلوزن به

جسر الأمل · 2012-07-28, 16:47

نورمال ماتخمي ماوالو ماعنده مايديرلك لوكان جا صح ناوي يديرلك لوكان راه دار وكمل هدا في شحال
هو غلط كي جا تقدملك وهو حيطيست وحس بلي كرامته تهانت كي رفضتيه يعني كلامه مجرد تفريغ للغضب
مادام عندك رب يحميك وهو اللي مسطرلك حياتك امالا ماعند ماتخافي
اتهلي في صحتتتتتتتتتتتتتتتتتتتتتتتتتتتتتتتتتتتتتتتتتتتتتتك ونامي مطئنة البال
....................
وصحا فطووووووووووورك

صُبح الأندلس · 2012-07-28, 17:06

مادامت لم تكن هناك سابق علاقة بينكما فماذا يمكنه أن يفعل ؟
غيري رقم هاتفك و انسي أمره وإن استدعى الأمر بلغي رجال أسرتك يتكفلون بأمره

غروب الشجن · 2012-07-28, 17:15

ماتخافي ما والو اختي مادام ماكنتيش على علاقه بيه ماعنده مايدير يخوف فيك وهدا انسان مريض الحديث القدسي يقول الله تعالى لو اجتمعت الانس والجن على ان يضروك بشئ لم يضروك الابشئ قد كتبه الله لك
يا أاختي وحده مالعائله واحد كان يضلي يخوف فيها مانخليكش تتزوجي ندير اي طريقه .........كلام سحر ,,,,,,,,,,,,,,,,,,,وراهي عند زوجها قبل رمضان رفدوها والحمد لله

♥' سندس الفردوس ♥" · 2012-07-28, 18:55

ربي معااااك حنونة و لي فيها الخير ربي يخيبها و إن شاء الله ماعنده ما يدير و توكلي على ربي

amiramira2012 · 2012-07-29, 02:06

السلام عليكم

يا اختي عندك اسرة و إذا مادرتي اي شيء يغضب الاهل تاعك اين المشكل

زواج موفق ان شاء الله

موح الحراشي · 2012-07-29, 06:48

ما يدير والو و كلشي مبروك

abdel02 · 2012-07-29, 12:43

عليكي بقص الحكاية على خطيبك كي لا يحدث سوء تفاهم
وتغيير رقم الهاتف...ولا بد ان تحكي مع صديقتك في الموضوع.

arc en ciel · 2012-07-29, 14:38

و انتي علاه معمرة راسك بيه ؟؟
ياك خطبك و ماقبلتيش خلاص
غير ادا كانت عندك علاقة معاه يتجراَ و يقولك هاكا

ماعندو مايديرلك اصلا كون يسمع بيه غير باباك ولا خوك يصرط روحو

ماتقيميهش و ادا اعترضلك فالطريق هدديه اشكي بيه او الدنيا سايبة ؟؟؟

الله يسهلك و مبروك عليك مسبقا

imi02i · 2012-07-29, 15:34

شوفي اختى الكريمـة
إن لم تكن لك أيـّة سوابق مع أخ زميلتكـ فلا تخافي وهناك من سيحميك

dolph05 · 2012-07-31, 11:19

السلام عليكم رمضان كريم تقبل الله منا ومنكم الصيام والقيام وصالح الأعمال وتجاوز الله عنا تقصيرنا
غيري رقم الهاتف وانتهى الأمر