لن أتزوج

[مشكلتي]

عندي مشكلة أنا وحدة عمري 21 سنة تخرجت هاد العام من الجامعة ديت الماستر الحمد لله موقة في دراستي و راني رايحة نشارك في مسابقة التعليم مشكلتي راني حاسة بلي مانيش رايحة نتزوج صحاباتي كامل تزوجو و في وقتنا هاذا لي تحكي في التلفون تتزوج

[mina minouna]

omrak 21ans w kayfa matzawjich rabi yahdik ya okhti raki sghiiiiira

[abdel02]

هذا من تلبيس إبليس يا اختي الكريمة...وتزيينه للأمور...ولن يهنأ له بال حتى يراك مائلة مميلة...أختي أنت في مقتبل العمر ولا تدري حيثما يخبأ لكي الله شريكك...فاصبري واحتسبي وادعي الله .

[le fugitif]

لالا ختيتو ممكن تتزوجي ما زالك شابة بزاف الله يبارك ما عليك الا الدعاء اكثري من الدعاء وقولي يا رب ارزقني بابن حلال يحبني ويحترمني ادعي الله باسماءه الحسنى وادعي من قلبك وكوني موقنة بالاجابة راه ربي يستجيبلك وانا اسال الله ان يرزقك بشاب يحبك امين

[staifia]

تتزوجي تتزوجي ان شاء الله وكل وحدة ومكتوبها يا ختي لعزيزة .... ادا مكتبلك تتزوجي راح تتزوجي وادا ممش مكتبلك معندك ماديري , نطلب من ربي يرزقك بالزوج الصالح

[mimi jiji]

ياطفلة راكي صغيرة 21 سنة وتخرجت من الجامعة وكتاه دخلتي تقراي هههههه
ماتخافيش تتزوجي بربي ان شاء الله

[arc en ciel]

21 سنة و راكي تخمي ؟؟؟؟؟؟؟؟؟؟؟؟؟؟؟

مازلت صغيرة اختي علاه القلق

ولا راكي حابة تحكي فالتلفون و راكي تشاوري ؟؟؟

لا يا اختي العزيزة مكتوبك جاي جاي غير ديري ربي و النبي في قلبك و خلي روحك نقية

و ماتنسايش الطيبون للطيبات و الطيبات للطيبين
الخبيثون للخبيثات و الخبيثات للخبيثو

و انت اختاري

ربي يرزقك زوج صالح

[سارة البوسعادية]

مزلتي صغيرة كي كنت في عمرك كنت انا مش باغيه نتزوج ونحوس على الخدمة
تدي مكتوبك غير اخطيك من فكرة الهدرة في التلفون او الهدرة في الشات

[جسر الأمل]

اودي تتزوجي ماتخافيش ههههههههههههههههههههههههههههههه
سؤال كي داير؟؟؟؟؟؟؟؟؟
ههههههههههههههههههههه
الله يهديك 21 وخايفة

[ikramoran]

اختي مازلتي صغيرة .ان شاء تتزوجي ماتتقلقيش

[faty05]

واحد و عشرون سنه كي كنت في عمرك كنت نكره يجبدولي علي الزواج
كنت حابة نخدم و نواصل تعليمي العالي و نحوس و نتعلم بزاف حوايج ما تعلمتهمش بسبب انشغالي في دراسة لسنوات
مازالك صغيرة
بالتوفيق في امتحان التوظيف

[*سلامة*]

لاحول ولا قوة الا بالله الي في عمرك مازالهم يقراو ومازالهم اطفال وانت تقولي مانيش راح نتزوج

يا بنتي اتقي الله مازالك صغيرة وجيا للدنيا

وانت راهي زهرتلك وكملتي قرايتك في وقت مبكر على هذا تحسي ان الوقت راح يفوتك رغم انه كل شيء بيد الله

رانا في رمضان الاخت استغفري مولاك

وابتسمي لحياة مادامك صغيرة

والزواج لاحقين عليه كيما يقولو

[توكل]

السلام عليكم اكملتى الماستر فى سن 21 ماشاء الله
مازلتى صغيرة اختى من رايى اكملى دراستك
شوفى مكتوب رايح يجى لعندك غير ما تقلقيش ومارايح ناخدو غير الى كاتبه لينا ربى فهمتى
ديريها فى مخك هده
علمت ان رزقى لن ياخده غيرى فاطمئن قلبى

[mohamed160]

المشاركة الأصلية كتبت بواسطة مشكلتي

عندي مشكلة أنا وحدة عمري 21 سنة تخرجت هاد العام من الجامعة ديت الماستر الحمد لله موقة في دراستي و راني رايحة نشارك في مسابقة التعليم مشكلتي راني حاسة بلي مانيش رايحة نتزوج صحاباتي كامل تزوجو و في وقتنا هاذا لي تحكي في التلفون تتزوج

سلام عليكم وصح فطورك اضبرى جتى يفراح ربى وكل شى بالمكتوب

[نهال الجزائرية]

للا أعرف لماذا تكلمتي هكذا الزواج قسمة ونصيب وكل شيئ بالمكتوووووب وأنت في مقتبل العمر وقارية الله يبارك إنزعي هذاه لافكار من رأسك ........ ربي يجيب لي فيه لخير