ارجوكم

[مشكلتي]

السلام عليكم
ضربت زوجتي في وجهها اربعة كفوف في وجهها وبسلك الكهرباء ضربة واحدة في فخذها بسبب قولها لي انت لست برجل ولا استاهل اخدمك وقولها اذا انت رجال طلقني وغير ذلك
وكان هذا الامر في نهاية رجب
بعد ان ضربتها اعتذرت مني عما صدر منها من سب لي فذهبت انا وهي الى السوق وشريت لها هدية زجاجة عطر عادية وللاولاد العاب ولكن لم ينفع هذا الشي
ففي اليوم الثاني من ضربي لها هربت من البيت مع اخوها واخذت اولادي معها
وذهبت للصلح فقبلوا الصلح بشرط دفع مبلغ كتعويض للضرر الجسدي فرفضت هذا المبدأ فما رأيكم ؟ علما اني معي منها ثلاثة اطفال
كرهت حياتي اصبح بيتي فارغ من الاولاد و متسخ و ثيابي امرها على الله لكنني لا اريد دفع المال كتعويض لانه يحق لي ضربها و ان اعطيتهم المال فمعناه انني ضعيف تعرفون سوق النساء
ماذا افعل...؟؟ ارجوكم

[EVE]

لا لا دربوكة كي تحلالك تنوض ليها ، مليح الي خلاتك هاكا تعرف واش راهي ادير على جالك او وش مالخير الي رديتهولها

[da3dou3]

يا اخي مش من حقك تضربها و انا نقولك اصبر وروح معاها بل عقل راهو بناتكم 3 اطفال و بصراحة جات دالتك باه ضحي. ربي يجمع شملكم.

[faty05]

وعلاه تخشن راسك راهي ام اولادك و زوجتك مش خسارة فيها تدفعلها تعويض علا الضرب
ياوو راك ضربتها بالسلك الكهربائي
الله يصلح اموركم

[سومية88]

حرام عليك وعلاش تضربها وتزيد تقول من حقها وعلاش انت لي خلقتها باش تعيفلها دنيتها ولوكان غير ندمت كي شفت دارك توسخت حبيت ترجعها اسمحلي نقولك لوكان عندك شوية ضمير متفكرش هكا ربي معاها اللهم اهدينا وتقولوا رجال الرجلة ماشي الضرب بسلك هدي سموها حقرة راجل كي يضرب راجل ماشي كي يضرب المراءة يقول انا راجل

[torkia18]

بالاك كاين طرف ثالث دخل بيناتكم وعمر للها راسها .هو مالازمكش تضبها من غير سبب .بصح زيد جرب اعتدرلها بعيد عن اهلها.

[اسماء 28]

ربي يهديك اخي الكريم رفقا بالقوارير مع اني ا ظن حتى زوجتك ربي يهديها غلطت في حقك
مي عادي ممكن تتغاضى وتدفع المال لاجل استقرار اولادك وهذا الشرط اكيد لكي لا تضربها مرة اخرى وتفكر قبل ذلك
اخي اكيد لكل منا حسنات وسيئات فاذكر حسنات زوجتك ومرر هذا الموقف واصلحه
ممكن تستعين بامام مسجد تاخذه معك
ربي يصلح احوالك

[ايمان نور الجزائر]

انها زوجتك رفيقة دربك حافظة نفسك وعرضك
فلم تضرب زوجتك يا اخ ؟؟ الا تعلم ما يتركه ذلك في نفسها من دمااااااااار نفسي اكثر منه جسدي
نقولهالك ضرب الزوجة لا يفيد ولا ينفع ابدا ...وجامي الواحدة تحب واحد يضربها
جامي مع انو غلطت في حقك لاكن لازم تحكم عقلك مليح راك تعرف المرأة احيانا تهدر بلا ما تفكر
هدرة وخلاص المهمم تقلق الشخص في هاديك اللحظة ولو بينت لها بطرق اخرى انزعاجك من كلامها
لكانت عادت الى صوابها واعتذرت بالحسنى
وبما انو عندكم اولاد خمم في اولاد وفي دارك وانعل بليس دراهم يروحو ويجو
لكن اسرة واولاد ما يتعوضوش ابداااا....تخسر شوية دراهم خير من تخسر حاجاااات اهم

[نور اليقين جيداء]

السلام عليكم
و شافيها كي تدفع المال تبقى مرتك و ام ولداتك و دراهم يروحو يرجوعو ليك و لولادكم

[حنان شلفية]

حرام عليك كيفاش تقول من حقك
هدى زوجة وام اولادك ولا حشاكم حمار
اتقي الله المعاملة الحسنة هي دواء لكل الخلافات
وتزيد تشريلها قرعة ريحة عادية ههههههههههههه كون في بلاصتها كون فرغتها فوق راسك
انعل بليس وروح جيب مرتك وحسن من معاملتك بلاك هي قالتها في حالة غضب وطلبت السماح مي ضرب يا اخى وعلاش حرام عليك دروك تولي تكره وتعيشو حياة مزيرية وزيد انت حب ترجع مرتك لدار غير على جال لولاد وتخدم بونيشة
اقرا مليح سيرة الرسول وتعلم منو معاملة الزوج لزوجة ربي يهديك ربي يهديك ربي يهديك

[عربية الهوية]

انت اصلا محكيتناش علاه قاتلك مشي راجل واذا كنت راجل طلقني خويا منحكموش على كلام طرف واحد

[تائبة الى ربها]

حسبي الله و نعم الوكيل
يا أخي لقد أجابوك الاخوة قبلي فلا داعي أن أعيد نفس الكلام
أردت فقط أن أقول أنه صحيح لديك الحق أن تضربها, لكن هذا ليس ضرب يا أخي... هذا جلد بسلك كهربائي؟؟
الرسول عليه الصلاة و السلام قال (اضربوهن ضربا غير مبرح) زد على ذلك ضربتها كف , و الضرب على الوجه لا يجوز و الله أعلم
اتق الله يا أخي و استرجع زوجتك و لا تقل أنك ضعيف لأنك تريد أن تستعيد أم أولادك ... و أتمنى انك لا ترغب استرجاعها فقط لأن بيتك كله وسخ كما قلت

[aek_1211]

ليس منحقك ضربها وعلى حسب فهمي انت لا تحتاج لها بل لخدمتها وعلى العموم رح تعرف قيمتها

[hamsa1987]

يااااااااا و يزيد يقول من حقي نضربها حقيقية راك شوكيتيني تضربها بسلك كهرباء هل انت في عقلك ام تظنها حيوان ؟؟؟؟ علابالك كون تشكي بيك تباصي على حاطر شفت بعيني قضة مشابهة القاضي بهدل الراجل
فهمن علاش حتى قاتلك انت ماش راجل بالاك نلقاوك داير كارثة بالرغم كانت غالطة كي قاتلك هك

انا تبانلي لازم توب على فعالك هاذو و تطلب السماح من مرتك و ترجعها و خمم مليح و بدل شوية من افكارك لان هذه المراة هي زوجتك و ليست حيوان

[j-med]

عندها الصح انت لست رجل, بسبب و بدون سبب لا يوجد اي مبرر للضرب او الاهانة

نصيحة لكل النساء, اذا ضربك زوجك اذهبي الى طبيب شرعي يعطيك certificat على الجروح ,,, احتفضي بهذه الورقة و اذا اعادها مرة اخرى اذهبي مرة اخرى الى طبيب شرعي يعطيك certificat ,, ثم اشتكي به بانه متعود على ضربك ,, ليس من حقه ظربك!!!!!!