مساعدة من الاخوات

[افنان القران]

السلام عليكم
انا لقيت وصفة نتاع قاطو
في التزيين حاطين شوكولا بيضة وشوكولا سوداااا
رحت نشريها اعطاني نتاع الميزان
مي كي دوبتها على النار وحدها رجت كيما السكر مين ندوبوه وبلخف تجمد ؟؟؟
ممكن تساعدوني كيفاه نستعملها انا مبتدئة في الطبخ

[بنت الحجاج]

ما تذوبيهاش ديراكت على النار

يعني

ديريلها حمام مائي

و زيديلها لحليبْ

[عاشقة الفرقان]

حطيها على حمام مائي حتى تذوب و مبعدا نحيها ع النار و رجعي كبي عليها شوية حليب و خلطي بسرعة و اذا رجعتلك كيما السكر كبي عليها شوية تاع ماء بارد

[*أم كوثر*]

الشوكولا تع الميزان لا يضافلها شيئ
فقط سكرفجيها ودوبيها على حمام مائي وماتخليش الماءاللي يغلي يقيس الوعاءاللي فيه الشوكولا خليهافقط تدوب على بخارالحمام المائي
وكل ما تجمد عاوديدوبيها
الشوكولا البيضاءتع الميزان عادي تقدري تزيديلها الحليب لكن لونها يصبح شفاف بعدما تزيني بيها وتنشف ماتبقاش بيضاء
هدا عن تجربة

[لينا11]

[quote=*أم كوثر*;10541842]الشوكولا تع الميزان لا يضافلها شيئ
فقط سكرفجيها ودوبيها على حمام مائي وماتخليش الماءاللي يغلي يقيس الوعاءاللي فيه الشوكولا خليهافقط تدوب على بخارالحمام المائي
وكل ما تجمد عاوديدوبيها
الشوكولا البيضاءتع الميزان عادي تقدري تزيديلها الحليب لكن لونها يصبح شفاف بعدما تزيني بيها وتنشف ماتبقاش بيضاء
هدا عن تجربة[/quote]

اختي ام كوثر ماجربتيش تزيدي لها ملون ابيض معاها