انا ضائعة بين كرامتي واختي

[مشكلتي]

قد تكون مشكلتي تصلح لفيلم او مسلسل معقد وكئيب ارجو لمن يقرا موضوعي ان يصع نفسه مكاني ويجيبني بصراحة تامة ودون مجاملة لانني لا استطيع اكمال حياتي اذا لم اجد حل لمشكلتي........
مشكلتي تتلخص في انني كنت على علاقة بصديق اختي وكان بمثابة اخوها كيما نقولو احنا وكنا على وشك اتمام الحلم المنتظر لاي ثنائي ولكني طوال سنة وانا الاحط اهتمامه الزائد باختي كان يستشيرها قبلي في كل شيء ولاحظت انها دائما تسبقني بخطوات كثيرة وكنت اتشاجر معهما دائما هي تقول خويا وهو يقول احنا عشرة قديمة وبقيت حاصلة بيناتهم
بعد ما فاض الكاس قررت نبعد عليه لاني حسيت روحي نتبدل على اختي وليت نغير منها ونقلبلها تيليفونها ونشك فيها ما قدرتش نكمل وتخيلت حياتي معاه لوكان كتبلنا ربي بقيت بعيدة عليه شهرين ولا اكثر امبعد رجع يحوس عليا خبرت اختي وقلتلها شوفي راهو غير يلحق فيا ويقولي غير انتي الي نديك بصح........... ما خفي كان اعظم هاذيك كونترا على اختي في بالكم في هاذوك شهرين كان يخمم فيا ولا يحوس عليا؟؟؟؟
الاجابة لالا كان يحوس يقنع اختي باه يجي يخطبها وقاللها انا نبغيك انتي مشي اختك تخيلو شعوري نهار الي عرفت بالاك كي تقراو هاذي المشكلة تصيبو الافكار مخلطة وبالاك ما تفهمونيش بصح نقوللكم هاذي القصة عندها 3 سنين بصح ما قدرتش نتخطاها حتى راني نخمم نشوف طبيب نفسي لانو المشكلة الكبيرة وين راهي؟ انا خلاص نسيتو وكملت وربي عوضني براجل حلالي وراني نحضر لعرسي ان شاء الله بصح المشكلة اختي مازالت تهدر معاه وراني شاكة فيه تبغيه هدرت معاها شحال من مرة كيفاش قاع شادار بيناتنا ومازالك تهدري وتضحكي معاه بالسوايع مع العلم هذا السيد تزوج وعندو طفلة بصح مازال مع اختي مانيش قادرة نشوف في اختي ولا نحط عيني في عينها مرات نخاف نكرها ولا ندعي عليها راني حاسة بلي هانتلي كرامتي وشكون يقبل حاجة كيما هكا؟؟؟ راني باغية نعيش طبيعي راني خايفة اذا تعقدت راني باغية نوجد لعرسي وانا فرحانة
ربي يجازيكم الي يقدر يرايي عليا كيفاش نتخطى هذا المشكل ونكمل حياتي انا مشي هو الي راهو غابني اختي هي المشكل

[houda4]

يا اختي كان الله في عونك
نصيحتي كملي زواجك متفكريش فيه نهائيا لانو انسان منحط جدا جدا كيفاه يعمل علاقة مع اختين
اختي احمدي ربي بلي متزوجش باختك فلو حدث هذا هي الكارثة بصح مدامو تزوج باخرى ميهمكمش
اختك غالطة واش تستنا فيه مدامو تزوج؟؟ واكيد يجي نهار وتفهم كيما فهمتيه انتي
خليها تدير واش تبغي لانها كون خدات برايك كون قطعت العلاقة منذ سنوات ماشي غير اليوم
نصيحتي ليك ميهمكش ومتقلقيش حضري لعرسك وانتي فرحانة لانك رايحة تستري روحك وربي هو الستير اللي ستر عليك والعلاقة هذي متجاوزتش حدود الله
كاين مرة فيلم شفتو واحد نذل كيما هذا عمل علاقة محرمة مع الاخوات ال3 فقتلتوا الاخت الكبرى؟
واش كون صراتلكم كيما هك
احمدي ربي اللي ستر عليك ورايحة تتزوجي
واختك خليها نهار تقنع تندم وتتصالحوا وربي اللي عالم كيفاه تقنع ؟ المهم فقط ادعيلها ربي ينجيها من الخطيئة وتتوب وتشوف حياتها
اختي فكري في نفسك اولا وهذي اختي اللي قلبها ماشي علي ومتسمعش النصيحة وتقبل تتشارك معي الحبيب وترضى هذاك الوضع صدقيني متستهاهلش كلمة اختي
ربي يهديها
وربي يكملك زواجك على خير
صدقيني ستنسين كل شيئ بعد الزواج

[عُضو مُحترم]

مجرد تفكيرك به وانتي ستُصبحين زوجة لرجُل

يُعتبر خيانة له



اتلهاي في عرسك و زوجك

و اختك تدبّر راسها راها كبيرة و تعرف صلاحها
انتي انصحيها وادعيلها ربي يرزقها الزواج الصالح

[*بسمة أمل*]

الحمد لله على نعمة الاسلام
الحمد لله على نعمة العقل
ربي يكتبلك الي فيه الخير

[الورود المنسية]

مجرد تفكيرك به وانتي ستُصبحين زوجة لرجُل

يُعتبر خيانة له



اتلهاي في عرسك و زوجك

و اختك تدبّر راسها راها كبيرة و تعرف صلاحها
انتي انصحيها وادعيلها ربي يرزقها الزواج الصالح

[soso sirin]

انتي اختي تهلاي في عرسك و انسايه بلي كان اصلا في حياتك و زيد هذا الشخص بلاك انوغمال كان معاك على جال اختك و راه مع اختك و هو متزوج هذا ماشي نيشان انتي اهدري مع اختك مي نقلك حاجة والله و كون جيت في بلاصتك و اختك هاذي العلاقة بيناتكم عادي والله كون بلاك ضربتها لانو راهي مع واحد كان معول يخطب اختها و الكارثة انو راه متزوج معنتها اصلا ممنوع باه تهدر معاه و اذا مابغاتش تفهم اهدري مع يماك هي تصيب حل لانو اختي والله هاذي اختك راهي تضيع في روحها معاه.

[بنت الباهية]

عندك الحق تجربة صعيبة انا غير قريتها تأثرت و حسيت بيك وين انت حتى لي عشتيها
شوفي ختي نحيهم في زوج من راسك و نستعرف بيك كي نهيتي العلاقة معاه اهتمي بعرسك و زوجك و المستقبل و التجربة الأولى ماضي و خلاص انسيها
و ختك ربي يهديها هذا ما نقول

[بلسم الجراح]

انا اظن انك ما تجاوزتيش القصة و الدليل الانفعال المبالغ فيه المفروض تهدري مع اختك و تحاولي تعقليها لأنه كرامتها هي الي راهي على المحك و انت اعتبارك رجع ليك نهار اللي تخطبتي فغضبك ليس له مبرر و لا داع للمبالغة و احترمي خطيبك

[*أمنيآت لآمتنآهية*]

الحمد لله لي ربي عوضك ورزقك بزوج،ياربي تتهناو
أختك راهي عاقلة وكبيرة وتفهم،واش راهي قاعدة تدير مع راجل متزوج منعرف،انت شوفي في روحك وتلهاي في عرسك وفي راجلك وبركاي ما تخمي في هذاك الانسان،أنا والله يالي خرج من قلبي انا مانحوس عليه
ربي يهنيك ويرزقك الذرية الصالحة افرحي ياختي وخطيك من هاذ التوسويس وربي يهدي أختك ويرزقها بزوج صالح يرضيها ويسعدها

[الوداع]

لا مسلسل ولا هم يحزنون أنت وأختك مع رجل واحد ؟؟؟؟؟ كيف لما تخافا من الله ؟؟؟؟؟ ثم كل ما قلتيه يبين أن كل ما هنالك هو أنك وأختك ما تعرفوش ربي ... أستغفر الله

[منهاج]

السلام عليكم

الهاي في عرسك وفي مستقبلك ربي يهنيك

[samarina]

الحمد لله على نعمة الاسلام
الحمد لله على نعمة العقل
ربي يكتبلك الي فيه الخير

[ام يحي الجزائرية]

استفزتني ردود الرجال كثيرا هذه الفتاة لم تقل انها تفكر فيه حتى اتهمتموها بالخيانة هي قالت ان المشكلة في علاقة اختها به
انا ننصحك يا اختي بالدعاء وشكر الله على نعمة العقل والصبر الذي الهمك اياه فمن منا تستطيع العيش مع اخت كهذه؟ ربي يهديها ويهنيك وحاولي انك تنساي باه تقدري تفرحي في حياتك وزواجك

[اناناسة]

ارى ان تقنعي اختك بالابتعاد عنه ثم تجلسا انت و هي و تحدثا كاختين بكل صراحة ، حاولي افهامها طبيعة هذا الرجل و بانه متزوج الان . حاولي إقناعها الى أبعد الحدود و اخبرينا أنكي كأخت لا ترضين. لاختك ان تصير لعبة في يد رجل متزوج ، بعد ذلك ان هي اقتنعت او لم تقتنع فقد قمت بواجبك تجاهها كأخت و ما ستفعله بعد ذلك سيكون نتيجة اختيارها هي . هذا ان كنت فهمت جيدا مشكلتك ، ربي يصلح حال المسلمين أجمعين

[بلسم غرام2018]

مجرد تفكيرك به وانتي ستُصبحين زوجة لرجُل

يُعتبر خيانة له



اتلهاي في عرسك و زوجك

و اختك تدبّر راسها راها كبيرة و تعرف صلاحها
انتي انصحيها وادعيلها ربي يرزقها الزواج الصالح