موضوع مميز ♦○• "مُشاركتي في تحَدّيات و إبْـدآاع في رِحَآاب رَمَضَآان 彡•○♦[[أسْـيــــاآ 25 ]]

آسيا 25 · 2016-06-13, 12:23

السلام عليكم و رحمة الله و بركاته

بداية لا يفوتني أن أشكر مشرفات قسم الطبخ على هذه المبادرة الطيبة التي جعلتنا نجتهد حتى نبدع و نفرح عائلاتنا فبارك الله فيكن كما لا أنسى أن أحيي كل العضوات المشاركات دون إستثناء.

كما هو مطلوب قمت بتحضير طبق رئيسي و تحلية:
بسم الله الطبق الرئيسي عملت أرز محشي في الفرن بلمستي الخاصة العصرية:

بالنسبة لطريقة التحضير:
نحمر فخد دججاج في الزيت ثم نضيف بصلة مسكرفجة و 4 سنينات ثوم, ملح فلفل أبيض زنجبيل فلفل عكري, راس الحانوت, قصبر و حبة حلاوة و نترك الكل يتقلى ثم نضيف حبة طماطم مرحية و نصف ملعقة طماطم مصبرة و ورقتين رند و نترك المزيج يتقلى حتى يذبال كلش و الزيت يطفو على السطح, حينها نمرق بكمية قليلة من الماء الساخن أنا مرقت بحوالي 0.75 لتر و نغلق عليها و نخليها تطيب و تتخثر.

من جهة أخرى نجيب كمية من الأرز أنا استعملت أرز ستار المفور حقيقة رائع نحبوأكثر من البسمتي و نقسم الكمية تاعي على 2 نصف نغليه مع شوية ملح فقط و الجزء الثاني نغليه مع ملح و كركم باش نعطيه لون جميل و لا نكثر من عمليةالغلي 5 دقائق كافية باش من بعد يشرب المرق ممممم

كما نقوم بتقطيع بعض الخضر أنا إستعملت بطاطا+ جزر+جلبانة و نفورها مع رشة ملح ثم نحمرها شوية مع ملعقة زبدة و نضعها جانبا

و نذبل حبة بصل صغيرة فالزيت ثم نضيفلها لحم مفروم مع رشة ملح و لما تطيب نحطها بجهة

و أخيرا عملية المونتاج: في دي مول تاع السيليكون مدهونين نحط كمية من الأرز الأصفر بعد ما نخلطو مع شوية بيض (على حسب كمية الأرز) ثم نسقيه بكمية من المرق ثم طبقة خضر ثم طبقة لحم مفروم ثم طبقة أرزأبيض و نسقي بالمرق مليح ثم نحطهم يطيبو فالفرن

و في الأخير نقلبهم على صحن التقديم بحذر و نزينهم بوردات من الجزر المبري و نحط فخد الدجاج فالمنتصف مع الخضر المتبقية الممزوجة باللحم المفروم و صدقوني روعة روعة ماناش موالفين ناكلو بزاف في رمضان لكن هاد الطبق لحسناه

التحلية

تحلية بالكريمة الإنجليزية بالقشدة و بافوا الشكولاطة:
نخدم كريمة إنجليزية بضرب 4 صفار بيض مع 4 ملاعق كبار سكر و رشة فانيليا حتى يبيض الخليط

من جهة أخرى نحط 20 سل حليب+15 سل كريمة فراش سائلة فوق النار حتى يغلو ثم نحيهم و نضيف نصف الكمية على البيض المخفوق مع التحريك بسرعة ثم نرجع كلشي للكسرونة و نخلط و نردها فوق نار هادئة مع التحريك المستمر حتى تعقد (لا يجب أن تغلي الكريمة) ثم ننزعها و نضعها مباشرة في كؤوس التقديم و إلى الثلاجة

ثم نقوم بصنع البافوا حيث نضرب صفار 2 بيض مع 3 ملاعق سكر تماما مثل المرة السابقة لكن هذه المرة نسخن 15 سل حليب لوحدها مع فانيليا و نعمل مثل الكريمة الإنجليزية يعني نحط كمية من الحليب الساخن على البيض مع التحريك السريع ثم نرجع البيض و الحليب إلى الكسرونة و نحرك فوق النار حتى تعقد الكريمة ثم ننزعها من النار و نضيفلها 100 غ شكولاطة سوداء مبشورة أنا إستخدمت أمباسادور و نخلط حتى نتحصل على كريمة ملساء

ثم لما تكون الكريمة بدرجة حرارة الغرفة نخفق بالفوي 20 سل كريم فراش سائلة حتى تتماسك و نضيفها لكريمة الشكولاطة مع الخلط برفق فنتحصل على البافوا بهذا الشكل:

و نحطها في الكؤوس فوق الكريمة الأولى و نضعها على الأقل 4 ساعات في الثلاجة.

و أخيرا نطلع 2 بياض بيض مع رشة ملح حتى يصبح كالثلج ثم نضيف حوالي 70غ سكر بالتدريج مع الخفق المتواصل حتى نحصل على ميرانغ

نأخذ بالملعقة الميرانغ و نطهوه في حليب ساخن ثم نصفيه بالصفاية

و نحطهم فوق البافوا ثم نزين بنجارة الشكولاطة أو مكسرات أو كراميل كل واحد و ذوقو

نتمنى أطباقي يكونو عجبوكم و إلى اللقاء في التحديين المقبلين بإذن الله

آسيا 25 · 2016-06-13, 12:25

السلام عليكم و رحمة الله و بركاته

حبيباتي هذه مشاركتي البسيطة في التحدي الثاني للمسابقة, عملت الأطباق البارحة و كنت مزروبة ما أعطيتش للديكور حقو المهم الأطباق لذيذة جدا و مغذية .
بالنسبة للسلطة:
من جهة فرغت زوج حبات طماطم من اللب تاعها و احتفظت بيه و ملحت الطماطم و قلبتها في صحن و وضعتها في الثلاجة حتى نتخلص من الماء اللي فيها.
وعملت سلطة روسية بالشمندر و الجزر و البطاطا ; حيث سلقت الخضر كل على حدى مع ملح ثم هرستها و عملت فوق ورق فيلم طبقة شمندر و فوقها طبقة جزر دون الضغط حتى لا تتلون بالشمندر ثم طبقة مايونيز فوقها طبقة البطاطا ثم طبقة من البيض المبشور ثم مايونيز و الصور توضح:
إضغط هنا لرؤية الصورة بحجمها الطبيعي.إضغط هنا لرؤية الصورة بحجمها الطبيعي.إضغط هنا لرؤية الصورة بحجمها الطبيعي.
ثم عملت الحشو المتكون من بصل مقطع+جلبانة مفورة+جبن طري+طماطم مقطعة+ملح +فلفل أسود+تونة مفرغة من الزيت تاعها و روليت السلطة تاعي باستعمال ورق الفيلم و وضعتها في الثلاجة لمدة ساعتين باش تشد روحها شوية
إضغط هنا لرؤية الصورة بحجمها الطبيعي.إضغط هنا لرؤية الصورة بحجمها الطبيعي.إضغط هنا لرؤية الصورة بحجمها الطبيعي.
و حشيت أنصاف الطماطم بأرز مغلي+لب الطماطم المنزوع سابقا+ملح+فلفل أسود+تونة+جبن+جلبانة مفورة
و سلقت حبات قرنون عرب مع ملح و فلفل أسود و زيت زيتون و ثوم مهروس ثم صفيتها و وضعتها جانبا و سلقت زوج بيضات نحيتلهم الصفار تاعهم و مزجتو بشوية ياغورت طبيعي و عاودت حشيت البيضات بيه
إضغط هنا لرؤية الصورة بحجمها الطبيعي.
التقديم:
فرشت سلطة الخس و وضعت باقي السلطات كيما نحب, بعد ما قطعت الرولي تاعي حطيت أجزاء منو+حبات القرنون مطلية بالمايونيز+البيض المحشي+أنصاف الطماطم المحشية و اللي كنت دورت عليها رونديلات من الجزر اللي زينتها بالجلبانة و وضعت الفينيقرات اللي هي: خل+زيت زيتون+ملح+فلفل أسود+ثوم و رابيت فوقها شوية غرويار و قدمتها
إضغط هنا لرؤية الصورة بحجمها الطبيعي.إضغط هنا لرؤية الصورة بحجمها الطبيعي.إضغط هنا لرؤية الصورة بحجمها الطبيعي.إضغط هنا لرؤية الصورة بحجمها الطبيعي.
بالنسبة للمقبلة عملت vol au vent باللحم المفروم:
les vols au vent كنت موجدة كمية منهم من قبل رمضان و وضعتهم في المجمد صنعتهم بالعجينة المورقة السحرية و اللي كامل تعرفوها
إضغط هنا لرؤية الصورة بحجمها الطبيعي.
عملت الحشو حيث قليت حبة بصل فشوية زيت و أضفت كمية من اللحم المفروم , ملح+فلفل أسود+كمون+ثوم بودرة وبعد الطهي أضفت قطعة جبن طري و شرائح زيتون أسود و عمرت بيهم les vols au vent و رشيت غرويار مبشور من فوق و دخلتهم للفرن شعلت من فوق فقط لبضع دقائق و طفيت عليهم و قدمتهم
إضغط هنا لرؤية الصورة بحجمها الطبيعي.إضغط هنا لرؤية الصورة بحجمها الطبيعي.إضغط هنا لرؤية الصورة بحجمها الطبيعي.إضغط هنا لرؤية الصورة بحجمها الطبيعي.إضغط هنا لرؤية الصورة بحجمها الطبيعي.
في أمان الله و بالتوفيق للجميع.

آسيا 25 · 2016-06-13, 12:26

السلام عليكم
بداية أريد أن أشكر مرة أخرى مشرفات القسم اللواتي أتحن لنا هته الفرصة للإجتهاد من أجل إسعاد عائلاتنا, كما لا يفوتني أن أشكر كافة المتسابقات اللواتي إستفدت كثيرا من خبراتهن و أطباقهن التي كانت أكثرمن متميزة .
هذا التحدي الثالث و الأخير أقدمه بين أيديكم و أتمنى أن ينال رضاكم:
1) حلوى الكنافة الشامية بلمستي الخاصة:

حليت 500g شعرة القطايف في قصعة و قصيتها بيدي ثم سقيتها بكاس زبدة مذوبة و بسستها و حطيت نصف الكمية في مول و دخلتها للفرن تتحمر, ثم حشيتها بهاد الحشو: 6 ملاعق نستلي+كاس ماء على النار حتى تغلي ثم نضيفلها 2 ملاعق نشاء محلحلين في شوية ماء و نحرك حتى تثخن ثم نطفي عليها و نضيفلها كمية من الفستق المهروش و لما تبرد نحطها فوق طبقة القطايف المحمرة و نسويها و نكمل نغطي بالقطايف و ندخلها الفرن تتحمر من فوق ثم نخرجها و نسقيها بشاربات باردة مضاف إليها ملعقة عسل طبيعي حر أممممم و نزينها بالفستق و نقطعها.
2) عصيرالفراولة:

كمية من الفراولة+كاس حليب أوبي+علبة بوظة ذوق فراولة+فاني+سكر و نميكسي مليح ثم نقدمو بارد.
أخيراأتمنى كل التوفيق لكن عزيزاتي وأتمنى أن أنال حظا و لو بسيطا في التصويتات إلى اللقاء في مسابقات أخرى بإذن الله.
بالتوفيق للجميع