ميني سويسرول بكريمة الليمون ....لا يقاااااااوم من مطبخي

[ام اماني77]

بسم الله الرحمان الرحيم

السلام عليكم اخواتي في الله

وصفة اليوم عبارة عن ميني سويس رول بكريمة الليمون ذوقه رااائع وشكله اروووع


https://

بالنسبة لمقادير البيسكوي نعطيكم الوصفة لي معتمدتها

مقادير البيسكوي:
4بيضات
100غ سكر عادي
75غ فرينة
25غ نشاء
فاني
نصف م ص خميرة كيميائية

كريمة الليمون:

100مل عصير ليمون لي ما يحبش الحموضة بزاف كيما انا ممكن نخفف العصير بشوية ماء ونقيس 100مل
120غ سكر رطب
75غ زبدة
زاست حبة ليمون
2حبات بيض كبار

اولا نحضر الكريمة

في حمام مائي نضع جميع المكونات ماعدا البيض ونحرك حتى تذوب الزبدة
من جهة نخلط البيض ونضيفو للخليط الاول ونتركه على نار هادئة مع التحريك بملعقة خشبية حتى تخثار بلا مانخليها تغلي وحتى نعرف انها طابت نضع خط فوق الملعقة اذا ماعاودش تغلق معناها راهي واجدة هكذا

https://

هنا راهي واجدة نخليها تبرد في الثلاجة

https://

من جهة نحضر البيسكوي

اولا نشعل الفرن على180درجة

بواسطة الخلاط الكهربائي نخلط البيض مع السكر والفاني جيدا حتى يبياض الخليط ويتضاعف حجمه

من جهة نغربل الفرينة و النشا والخميرة ونضيفهم على دفعات لخليط البيض ونحرك بالسباتولا من فوق لتحت بلا مانخرج الهواء
ناخذ صينية الفرن نغطيها بورق الزبدة ونحط الخليط نسويه جيدا

https://

ندخله للفرن يطيب انا دائما نشعل الفرن من فوق ومن تحت في نفس الوقت ونخليه 6د وكل اخت والفرن الخاص بها المهم مانخليوهش يحمار حتى نقدر نلفه

https://

نكون حضرنا منديل نظيف ومندي بالماء ونحط فوقه ورق الزبدة هذا الرطوبة تساعد على لفه ونحط فوقه البيسكوي وننزع منه ورق الزبدة هكذا

https://

عادة نلف البيسكوي عرضيا لكن هذا المرة نلفه بشكل طولي حتى نتحصل على ميني سويس رول طبعا نلفه قبل مايبرد

https://

نخليه حوالي 10د حتى يتماسك ويحافظ على الشكل
من بعد نعاود نفتحه ونقطعه طوليا

https://

وندهن كل جزء بكريمة الليمون

https://


ونعاود نرد نروليه كيما كان في الاول

https://

ونقطع كل جزء على 4 او 5 من ميني سويسرول انا قطعته على 5

https://

ناخذ قطعة ورق ونحطها في المنتصف ونرش السكر الرطب على كل قطعة

https://

ونزين كل قطعة بكريمة الليمون في المنتصف امممممممممم

https://

https://

عن قرب

https://

شوفو الكريمة اممممم

https://

بالنسبة للكريمة لي بقات عملت بها تحلية هي عبارة عن تارت الليمون لكن هذا المرة في الكؤوس كنوع من التجديد
عملت الطبقة الاولي صابلي مفتت وممكن نعوضه باي بسكويت من بعد الكريمة وفوقها المورانغ

https://

بواسطة الشاليمو الخاص بالمطبخ نحمر المورانغ من فوق

https://

شوفو شكلها ما احلاه والطعم مانحكيش

https://


https://

ملاحظة:
بالنسبة للكريمة هذا المقادير لاتكفي لابد ان نضاعف المقادير ولي بقى نعمل به هذا التحلية

تم بحمد الله

ان شاء الله تعجبكم الوصفة وتجربوها وتنجحو فيها ولا تنسوني اخواتي من صالح دعائكن ولكن بالمثل
في امان الله