لأفراحكم ومناسباتكم السعيدة حلوى السلطانيات من مطبخ ام اماني

[ام اماني77]

السلام عليكم غالياتي
المقادير:
العجينة:
3كيلات فرينة
كيلة الا ربع زبدة التوريق ذايبة وباردة
ملعقة صغيرة فاني
ماء+ماء الزهر لجمع العجينة
ملون ابيض+ملون بني
الحشو:
3كيلات لوز مرحي رقيق
كيلة ناقصة شوية سكر احرش
م ك قشور ليمون
ملعقة صغيرة فاني
بيض
ملون بني
نحتاج ايضا الى
كمية من اللوز مرحي خشن
بياض بيض
حبات بندق
ناباج
للتعسيل :نحتاج الى
كيلة عسل+كيلة شربات
الطريقة:
اولا نحضر العجينة
في وعاء نحط الفرينة والفاني وزبدة التوريق ذايبة وباردة نحرك بالاصابع جيدا نقسم العجينة الى قسمين جزء نضيفلو م ص من الملون الابيض نتاع الميزان في شوية ماء الزهر ونلم العجينة بالماء وماء الزهر لازم تكون العجينة متماسكة
ام القسم الثاني نضيفلو ملون بني مذوب في شوية ماء الزهر ونلم العجينة بالماء وماء الزهر نغطي العجينة ونخليها ترتاح
ثانيا نحضر الحشو نخلط اللوز+السكر+زاست ليمون+فاني+ملون بني مذوب في القليل من ماء الزهر ونضيف البيض تدريجيا حتى نتحصل على عجينة متماسكة وهذي نقطة مهمة
نحتاج ايضا الى هذا القطاعات لتشكيل الحلوى

https://

ناخذ الحشو ونشكل كويرات بحجم 23غ حتى نكمل الحشو
https://

من جهة نرش طاولة العمل بالمايزينا ونبسط العجينة بالحلال ونرققها في الماشية حتى الرقم ماقبل الاخير
بواسطة قطاعة نقطع دوائر

https://

ناخدكويرات الحشو نحطهم في بياض البيض ثم في اللوز المرحي خشن ندهن الدوائر لي قطعنا ببياض البيض ونحط كويرات اللوز

https://

نبسط العجينة البنية ونفوتها في الماشينة كيما عملنا مع العجينة البيضاء وبواسطة القطاعات نشكل وريدات 2بني وواحدة بيضاء

https://

نحط الوريدات فوق كويرات اللوز من الاكبر الى الاصغر وندهن بينهم ببياض البيض في كل مرة
ناخذ حبة بندق ونزين في وسط الوريدات

https://

وهكذا حتى نكمل الحلوى وماننساش نحط ورق الطبخ للبلاطو قبل مانحط فوقه الحلوى

https://

نغطي الحلوى ونخليها ترتاح على الاقل 4 ساعات من بعد نطهيها في فرن على نار هادئة من فوق ومن تحت مع مراقبة الطهي لازم يبقى لونها ابيض
التعسيل:
نحضر شاربات نحط كيلة سكر+كيلة ونصف ماء على النار لمدة 15د
بعدها نخلط كيلة شربات مع كيلة عسل ونعسل الحلوى

https://

نحطها تقطر وندهنها بالناباج ونحطها في لي كيسات ونقدمها وهذا شكلها النهائي



https://

https://

عن قرب

https://


نتمنى تعجبكم الحلوى ولاتنسوني غالياتي من صالح الدعاء ولكن بالمثل
في امان الله
ملاحظة:
1.كي نشكل الدوائر ندهنهم من فوق بالبيض ونحط كويرات اللوز ونزيد ندهن بالبياض ونحط الوريدات وكل مانحط واحدة ندهن ببياض البيض
2.ممكن نعوض الملون البني بالكاكاو

[/زهرة عصفور الجنة/]

ربي يحفظك يا ام أماني رائعة

[*بيتي مملكتي*]

رووووووووعة جاوك هايلين حبيبتي

[الأمنيات]

تبارك الله اختي خرجت هايلة تحمر الوجه تسلم ايدك

[ام اماني77]

شكرا غالياتي سعدت بمروركن

[ام لقمان02]

روعة الله يبارك ويزيد

[oum anas 69]

ما شاء الله عليك هايلة تليق للأفراح بأنواعه يعطيك الصحة

[sarah..]

ماشاء الله ماشاء الله
تسلم الايادي ام اماااااااني روووووعة يعطيك الصحة

[dr.omahmed]

[أم محمد تاج]

والله العظيم فنانة فنانة فنانة يسلم يديك حنونة وربي يخليك لينا آمين ولدارك ولوليداتك ووووووووو

[أم ياسين الزهراء]

واووووووووووو على الابداع هدي تحمر الوجه وحطى الله يبارك فيك

[natacabell]

شكرا لكي حلوة السلطنيات من يدين سلطانة المطبخ بارك الله فيك

[ام بسومة]

ماشاء الله ماشاء الله
تسلم الايادي ام اماااااااني روووووعة يعطيك الصحة

[أمل العرب]

يعطيك ألف عافية أختي أم أماني هاااااايلة
وتسلم الايادي...

[ام خيرو]

رووووووووعة