مشاركتي في مسابقة شاف كوزينتنا (الحلويات)

[ام اماني77]

السلام عليكم غالياتي
كيف الحال نتمنى تكونو كامل بخير
مازال عندي مشكل التصفح في المنتدى بصعوبة باه قدرت ندخل
باذن الله نحاول نحط الموضوع لان النت عندي ثقيلة
بما ان المكون السري هو البرتقال وانا صراحة اولادي مايحبوش البرتقال داخل الحلويات لذلك قلت نعمل كيكة باردة بعصير البرتقال ذوقها راااائع وساهلة في التحضير
الطبقة الاولى:
2 بيض،3 م ك سكر،6 م ك عصير برتقال،6 م ك زيت،6 م ك فرينة،1خميرة،فاني
https://]
بواسطة الخلاط الكهربائي نخلط البيض مع السكر والفاني جيدا ثم نضيف الزيت ونحرك ثم عصير البرتقال واخيرا نضيف الخميرة والفرينة لنكونو غربلناهم ونحرك من فوق لتحت حتى يتجانس الخليط
ندهن المول نتاع الكيك لي يكون يتفتح نحط الخليط
https://
ندخلها تطيب في فرن يكون سخون مسبقا على درجة حرارة180 درجة ونخليها تبرد تماما
انا نزعتها من المول وحطيتها داخل هذا السغكل ولي ما عندهاش تخليها في مول الكيك لي طيبنا فيه لي يتفتح
https://

الطبقة الثانية:
نقوم بتحضير كريم باتسيير ونحتاج الى
نصف لتر حليب، صفار بيضتين،3 م ك سكر،2 م ك نشا،فاني،قطعة زبدة
نسخن الحليب على النار
من جهة نخلط صفار البيض مع النشا والفاني والسكر ونضيفلهم شوية حليب سخون نحرك ونسكب الخليط فوق الحليب حتى يعقد نطفي عليه ونضيف قطعة الزبدة ونحرك وهذا شكلها

https://
نفرغ كريم باتسيير على طبقة الكيكة
https://

https://

نغطيها ونخليها تبرد شوية من بعد ندخلها للثلاجة تبرد تماما
الطبقة الثالثة:
نحتاج الى المكونات التالية
نصف لتر عصير برتقال،3 م ك سكر،2 باكي فلان فاني،2 م ك نشا
https://
هنا نسيت نصور السكر والنشا
ننخلط المقادير ونحطها فوق النار مع التحريك حتى يعقد ونصب فوق طبقة الكريم باتسيير

https://

ندخلها للثلاجة حتى تبرد وتتماسك جيدا بعدها ننزعها من المول
بعدها نزينها حسب الرغبة
انا زينتها بالكيوي والكرز و الكريم شانتي والبرتقال
وهذا شكلها النهائي

https://

وهنا كي قطعتها اممممم مع كاس عصير روووووووعة

https://

وهنا عن قرب لاحظو الطبقات يمي يمي

https://

نتمنى تعجبكم الكيكة وتجربوها لانها هااااايلة
في امان الله