لعيونكم غالياتي صابلي جديد بنيسلي ونوتيلا روووووعة

[ام اماني77]

السلام عليكم اخواتي

اليوم جبتلكم وصفة لحلوى الصابلي مختلفة على لي متعاودين عليه بدل السكر الرطب راح نعمل نيسلي عادي مش طايب ونزين بنوتيلا والسيقار واللوز يعني بمقادير بسيطة ممكن نعمل حلوى رائعة شكلا وذوقا بدون اطالة نخليكم مع الوصفة


https://

المقادير:

مقادير العجينة:

250غ مرقرين
100غ سكر رطب
بيضة وصفار بيضة
كاس نشاء
م ص خميرة الحلوى
فاني
فرينة
نحتاج ايضا الى
نيسلي عادي مش طايب
معجون،كاوكاو محمص ومدشش،نوتيلا،حبات لوز،قوفريط على شكل سيقار

الطريقة

بواسطة الخلاط الكهربائي نخلط المرقرين مع السكر جيدا نضيف البيض والفاني ونستمر في الخلط من بعد نضيف الفرينة والنشا والخميرة ونلم العجينة من دون ما نعجنها لازم العجينة ماتكون يابسة ماتكون طرية بزاف
نغطيها ونخليها ترتاح نصف ساعة في الثلاجة لتسهيل عملية فردها

نرش طاولة العمل بالفرينة ونبسط العجينة بالحلال ونطبع دوائر تكون عادية والاخرى تكون مثقوبة لي ما عندهاش الطابع المثقوب في المنتصف ممكن تستعمل بوشون نتاع قارورة نتاع الماء المعدني
ندخل الحلوى تطيب لازم يبقى لونها ابيض
نخليها تبرد تماما

ناخذ الحبات المثقوبين ونغطسهم من فوق في نيسلي عادي مش طايب ونحطهم فوق المشبك حتى ينشفو تماما هذا شكلهم بعد مانشفو

https://

نلصق زوج حبات بالمعجون حبة عادية وحبة مثقوبة لي فوقها نيسلي
من بعد بالبانسو نعمل المعجون على الجوانب ونحطهم في الكاوكاو المحمص والمرحي
نحط نوتيلا في لابوش ونحط كمية في الثقبة

https://

ناخذ القوفريط على شكل سيقار نقطع على اربعة نحط في وسط كل حبة قطعة سيقار وحبة لوز نحط الحلوى في ليكيسات ونقدمها

https://

https://

عن قرب اممممم

https://

نتمنى تعجبكم الحلوى وتجربوها لانها بنينة بزااااف وشكلها شباب
في امان الله