سوفلي البطاطا بالمرقاز

ladymillion · 2013-05-05, 20:04

بسم الله الرحمن الرحيم

مقبلة سوفلي البطاطا بالمرقاز رائعة وخاصة في الصيف وسهلة ماتديش الوقت شوفو معايا وانشاء الله تعجبكم

أولا حضري la purée عادي { 3 حبات بطاطا متوسطين + ملح+ ثوم والماء } وخليها طيب من بعد أرحيها مع شوي زبدة والفرماج وحليب ولازم تكون حاكمة روحها

دوركا ابرشي حبة طماطم صغيرة مع ملح + فلفل أسود + كمون+ فلفل أحمر حار+ هريسة + ملعقة صغيرة طماطم مصبرة +ثوم ومرقاز

حطي المرقاز في المقلاة يتحمر شوي 2 د

وزيديلو الطماطم والتوابل

خليه يطيب شوي وقطعيه طراف صغاروخليه يكمل طيابو شوي

الان جيبي la purée نتاعك وطماطم و les moules نتاع الفرن ودهنيهم بالزبدة وزيديلهم la chapelure {شابلور} وبيضة كاملة نصف نلوحوه في la purée ونصف ندهنو بيه في الاخير + نصف باكي خميرة القاطو وخلطي مليح

الان حطي كمية من la purée في المول وبمساعدة الماء وعدليها مليح شوفي الصورة

وحطي شوي من طماطم والمرقاز في السط

وغطي الفوق بـ la purée وملسيها من فوق بشوي ماء او الحليب

ودهنيها بالبيض وحطيها طيب في الفرن 250° حتان تحمار كامل يعني حتى من فوق

هاهي بعد ما طابت

كي تبرد شوي وننزعوها من المول

اللهم صلي وسلم وبارك على سيدنا محمد