حلقات السيدة يعلى حصريا

mimi53 · 2012-03-09, 16:19

mimi53 · 2012-03-10, 19:07

واش زهرة البسامية ولا رد

الكروان الجريح · 2012-03-11, 14:55

السلام عليكم
اختي العزيزة انا نموت على السيدة سليمة و الله تدخل للقلب عندي بعض من وصفاتها و اليك واحدة منها
طاجين الجلبان بالقرنون و البطاطا
اطراف دجاج -كيلو جلبانة-كيلو قرنون-رطل بطاطا-بصلة كبيرة مقطعة رقيق-بيضة-2مك زبدة-2مك زيت-ملح-فلفل اسود-قرفة-زعفران-2 كؤوس شابلور معدنوس-3 سنات ثوم
ضعي البصل و الدجاج و الزيت و الزبدة و قليهم جيدا اضيفي لتر ماء سخون عندما تغلي اضيفي الجلبانة و القرنون و حبات البطاطا كاملة عندما ينضج القرنون والبطاطا انزعيهم وقطريهم في كسكاسو عندما تتجمر المرقة اطفىء عليها امعسي البطاطاو القرنون جيدا اضيفي لهم البيضة و المعدنوس و الثوم المرحي اذا كانت جارية نشفيها بالخبز المرحييعني قليلا منه ثم كوير هم مريريهم في شابلور و اقليهم في زيت ساخن ثم في صحن التقديم دائري ضعي في الوسط الجلبانة مع اطراف الدجاجو الكويرات على الحواف مزينة بالمعدنوس و القارص
و شهية طيبة
يااختي انا مجربتش الطبق و لكن اتصلوا عدة مستمعات بالسيدة يعلى و شكرو الطبق و على العموم كل وصفاتهاناجحة و ربي يخليهلنا امين يا رب

mimi53 · 2012-03-11, 15:58

مشكورة حبيبتي انا نموت عليها ووصفاتها كلها ناجحة 100/100 هدا اكيد وانشاء الله رايحة نحط جميع وصفاتها هنا وارجو منكي التفاعل وشكرا

الكروان الجريح · 2012-03-13, 14:46

اين انت اختي ميمي الموضوع راه رقد و ممكن طلب اختي العزيزة حلقة 1 مارس اى نتاع الخميس مسمعتش واش دارت السيدة سليمة بسبب الكهرباء ممكن تقوليلي واش قدمت و اسفة على الازعاج

faizarbh · 2012-03-13, 14:50

مادابيكم تفيدونا اخواتي و الله فكرة مميزة

امال7 · 2012-03-13, 21:51

أنا من متتبعين للسيدة سليمة يعلى و أغلب الوصفات جربتها و أقول للأخت كروان جربت و صفة الجلبانة بكريات البطاطا و القرنون و جات هايلة

الكروان الجريح · 2012-03-14, 13:02

شكرا لكا ختي امال 7 انا ثاني مستمعة وفية لها و تعجبني بزاف اما بخصوص الوصفة اليوم اذا كتب ربي نديرها للعشاء

sisi 26 · 2012-03-14, 16:35

السلام عليكمن و رحمة الله و بركاته أنا جديدة في هذا المنتدى اليوم وين سجلت أرجو أن ألقى ترحيب منكم و أنا من متتبعات السيد يعلى ولها وصفات رائعة و ناجحة عن تجربة مني
سلطة بطاطا
كيلو بطاطا- جزر مسكرفج - 2 سنات ثوم- نصف علبة مايونيز- زيتون أخضر مثقوب - وريقات نعناع - سلطة خضراء - حبات زتون أسود - ملح زيت الخل
نغلي البطاطا في ماء مملح مع سنات ثوم كي طيب نصفيها في كسكاس و نقشرها ثم نرحيها بالفوي أو فرشيطة ثم نضيف لها 4 مغارف من خليط الزيت و الخل و نتركها ترتاح حتى تتشرب الخليط ثم نكورها كويرات و نحشيها بالزيتون الأخضر المقطع دوائر ثم نمسحها بالمايونيز ( نغطسها) و نرمدها في الجزر المسكرفج رقيق . ندخل في أعلى الحبة إلى الوسط كيردو نتاع الأسنان و ندخل وسطه حبة زيتون وفي الجانب ورقة نعناع حتى يصبح عندنا شكل برتفالة
في صحن التقديم نضع سلطة خضراء مقطعة رقيقة في الوسط و المدهونة ثم نضع البرتالات و نزين بالزيتون الأسود و شهية طيبة

fatima zohraa · 2012-03-14, 20:36

مرحبا بك اختي بناتناو بارك الله فيك على الوصفة عجبتني

mimi53 · 2012-03-15, 11:20

مرحبا بكي اختي بيناتنا انشاء الله نستفادو ونفيدوك اما بالنسبة لاختي كروان والاخوات حبايبي رايحا اليوم انشاء الله نطبق الوصفة نتاع القرنون بالجلبانة ونبعثلكم تدوقوا الا ربي كتب اما فيما يخص الوصفات نتاعها رايحا نحط كامل واش عندي لكن حبيت نسقسي واحدا فيكم عن كيفية ادراج الصور حابة نحط الصور نتاع الوصفات ناعها باش يكون الموضع مليح واش رايكم حبيباتي الي ته=عرف تفيدني اختي كروان افيديني راني سييت بزاف من مرة ومنجحتش

sisi 26 · 2012-03-15, 13:38

السلام عليكم شكرا لكم على هذا الترحيب ماتضحكوش عليا راني منعرف والو لا طريقة المشاركة و لا طريقة تحميل الصور
حلوى الطبقات أنا شخصيا جربتها وجاتني هايلة للسيدة يعلى
المقادير تعبر بكأس اينوكس
كأس زيت + كأس سكر عادي + كأس عسيلة خاثرة+ علبة بيكربونات + مغرف فانيلا + 5 بيضات + فرينة حسب الحاجة
في كسرونة نضع الزيت و العسيلة و السكر على نار هادئة حتى تغلي غلية واحة ننزعها و نتركها تبرد
في صحن نضع الخلط و نضيف له البيض و الفانيلا و نخلط بكف اليد جيدا ثم نضيف قليل من الفرينة الممزوجة مع البيكربونات ثم نستمر في اضافة الفرينة حتى نتحصل على عجينة طرية كيما لي صابلي
نقسم العجينة على ثلاثة
نأخذ صينية و نقلبها و ندهنها في قفاها و نضع كرية و نبسطها بواسطة الحلال على قيس الصينية ثم ندخله الفرن و نطيبها من فوق ومن تحت حتى تولي حمرا
و نفس الطريقة مع 2 كريات
الكريمة : 1 لتر حليب + كأس سكر + 5 مغارف كبار مايزينة + فانيلا و نخلط بارد في بارد في كسرونة ثم نضعها على نار هادئة حتى تثقال وتصبح كريمة ننزعها كي تبرد نزيدلها مغرف كبيرة زبدة ذائبة و نخلط ميح
نضع الكريمة فو ق الطبقة الأولى ثم نضع طبقة عجينة أخرى ثم نضع الكريمة ثم طبقة عجينة ثم نضع الشيكلا منة ذائبة فوق حمام مائي و نرش بكوكاو مرحي أو نواد كوكو
ملاحظة: يمكن استبدال الكريمة بمربى المشمش ، نضعه فوق كل طبقة وهي سخونة فور خروجها من الفرن
و شهية طيبة جربوها انها رائعة حقا و اقتصادية

mimi53 · 2012-03-15, 15:44

بنات اليوم نجحت في تحميل الصور اليوم رايحا نحطلكم وصفة السيدة يعلى لكويرات البطاطا بالقرنون جات واش نقوللكم روعة وحلوة سكر صدقوني
نخليكم مع المادير والصور

طاجين الجلبان بالقرنون و البطاطا
اطراف دجاج -كيلو جلبانة-كيلو قرنون-رطل بطاطا-بصلة كبيرة مقطعة رقيق-بيضة-2مك زبدة-2مك زيت-ملح-فلفل اسود-قرفة-زعفران-2 كؤوس شابلور معدنوس-3 سنات ثوم
ضعي البصل و الدجاج و الزيت و الزبدة و قليهم جيدا اضيفي لتر ماء سخون عندما تغلي اضيفي الجلبانة و القرنون و حبات البطاطا كاملة عندما ينضج القرنون والبطاطا انزعيهم وقطريهم في كسكاس و عندما تبرد ارحيهم بالفرشيطة (البطاطاو القرنون) جيدا اضيفي لهم البيضة و المعدنوس و الثوم المرحي اذا كانت جارية نشفيها بالخبز المرحي اضيفي القليل منه ثم كوير هم كويرات متوسطة مريريهم في شابلور و اقليهم في زيت ساخن ثم في صحن التقديم دائري ضعي في الوسط الجلبانة مع اطراف الدجاج و الكويرات على الحواف مزينة بالمعدنوس و القارص
جربوها بنات وردولي الخبر

sisi 26 · 2012-03-15, 17:12

سلام أختي
جاتك هايلة أنا ثاني جربتها البارح و جاتني هايلة يعطيك الصحة

mimi53 · 2012-03-15, 17:46

يسلمك يا لحبيبة