مقروظ النقاش خطوة خطوة من مطبخ ام اماني

[ام اماني77]

السلام عليكم اخواتي نتمنى تكونو كاااامل بخير
وصفة اليوم مقروط النقاش صراحة جربت عدة وصفات لكن هذا الوصفة كانت الاحسن على الاطلاق يجي يذووووب في الفم نخليكم مع المقادير والخطوات
المقادير:
3 كيلات سميد متوسط من النوع الممتاز انا نستعمل دائما سميد السفينة هايل للمقروظ
كيلة ونصف فرينة
كيلة معمرة مليح سمن ذايب وبارد
نصف كيلة زيت
ملح على حساب كمية الدقيق والفرينة نملح اقل من الكسرة بشوية
خليط من الماء وماء الزهر انا استعملت ثلاثة ارباع الكيلة على حساب نوعية الدقيق
الحشو
غرس منقي ومرحي نفوروه ونضيفلو 3م ك سمن ذايب+3 م ك عسل+نصف م ص خميرة الحلوى+شوية قرفة+القليل فقط من القرنفل مرحي وهذا الكمية لبلاطو صغير نمزج المقادير مع بعض ندهن يدي بشوية زيت ونشكل حرابش
الطريقة:
https://
هذا دقيق السفينة المتوسط يتباع بحجم1كغ هااايل للمقروظ
نخلط كمية السميد مع الفرينة والملح ونضيف السمن الذايب والبارد والزيت
https://
نخلط باليد راح يكون الخليط جاري شوية عادي نضيف كمية الماء وماء الزهر ونلم العجينة بلا مانعجنها
https://
نغطيها ونخليها ترتاح على الاقل ساعة
ناخذ كمية من العجينة ونضع بداخلة حربوش من الغرس
https://
نغلق عليه بالعجين ونشكل حربوش واذا كان طويل نقسم على اثنان لتسهيل العملية
https://
نقطع مقروضات ونستعمل طابع على شكل معين باه الحبات يجيو كيف كيف ولي ماعندهاش تقطع وتحاول يكون حجم الحبات متشابه
https://
وبواسطة النقاش ننقش من فوق
https://
نحط الحبات في البلاطو بجانب بعض باه ما يتحرقش الغرس
https://
ندخل للفرن يكون مسخن مسبقا على درجة حرارة200 درجةفي الرف الاوسط ونراقب الطياب
كي يطيب من الاسفل نهبطو للرف السفلي ونشعل من فوق حتى ياخذ لون ذهبي فاتح
بعدها نخرج من الفرن ونخليه يبرد تماما
نسخن العسل مع ماء الزهر ونشحر الكمية لي نحتاجها ونحتفظ بالباقي في علبة حتى لمدة طويلة وهذا شكله النهائي
https://
صراحة يجي هاااااايل ويذوب في الفم
ملاحظة
ممكن الكيلة تكون صغيرة نستعمل كأس مثلا ونجرب ويمكن نعملو بالطابع العادي بلا نقاش
نتمنى يعجبكم وتجربوه واكيد راح تدعولي
في امان الله

[عاشقة الوردة]

امممممممممممممممم
هايل
مشكورة على الوصفة

[حياة عاشق]

الله الله يا الفحلة

[ام فريال]

بلا منذوق باين يذوب في لفم يعطيك الصحة

[ويناروز]

السلام عليكم

روعة روعة

يعطيك الصحة اختي ام اماني

[lyna38]

جاك هايل اختي
موفقة باذن الله
جزاك الله خير

[*ام رامي*]

يعطيك الصحة
تسلم الايادي

[أنا أمهم]

.

ما شاء الله. كالعادة حلوياتك في قمة اﻹتقان تبارك الله

[أم أبوبكر]

جاك هايل .......هايل يعطيك ألف صحة

[amiramirna]

بارك الله فيك

[ام ملاك.]

خرجلك هايل والله شهيتيني غير نقوم بالسلامة نخدمو امممممممممم
بصح عندي مشكلة مانعرفش ننقش قد ماسييت نخسرو هههههههه

[أم ياسين الزهراء]

اممممممممممممممممم سخفتيني هايل ويبان بنين وطري وبصح حتى انا مانعرفش ننقش اذا تفتفت فيه راح وفسد الشكل

[ام ملاك.]

خرجلك هايل والله شهيتيني غير نقوم بالسلامة نخدمو امممممممممم
بصح عندي مشكلة مانعرفش ننقش قد ماسييت نخسرو هههههههه

[ام ساجد]

يعطيك الصحة

[امال7]

يعطيك الصحة