غراتان الباذنجان بالتونة وكريمة الجبن

[ام اماني77]

بسم الله الرحمان الرحيم

اللهم ماصل على سيدنا محمد وعلى ال سيدنا محمد اما بعد


وصفة اليوم سهلة سريعة واقتصادية عبارة عن غراتان الباذنجان بالتونة وكريمة الجبن.


https://

الوصفة

اولا نحضر صلصة الطماطم

في مقلاة نحط 3م ك زيت وكمية من البصل مرابي وسنينات ثوم نذبلهم من بعد نضيف كمية من طماطم مرحية ونصف م ك طماطم معلبة ونتبل بملح فلفل اسود كمون ورق رند فلفل احمر حار ملح ونضيف كمية قليلة من الماء ونخلي الصلصة تطيب على نار هادئة حتى تطيب وتعقد

https://

من جهة نقطع الباذنجان بشكل طولي ندهنه بالزيت ونتبله بملح وفلفل اسود وندخله للفرن يطيب

https://



في هذا الوقت نحضر كريمة الجبن

في كسرونة نحط نصف لتر حليب +م ك فرينة+م ك مايزينة+م ك زبدة+4حبات فرماج+ملح +فلفل اسود نحرك بارد في بارد

من بعد نحطها على النار مع التحريك المستمر حتى تعقد

ناخذ مول

نحط كمية من صلصة الطماطم نفرش فوقها طبقة من الباذنجان

https://


نحط فوقه كمية من الصلصة وفوقها التونة بعد مانكون تخلصت من الزيت لي فيها

https://


نزيد نحط طبقة باذنجان وفوقها الصلصة وفوقها التونة ونغطيها بالكريمة

https://


لي عندها فرماج رابي تحطه من فوق الكريمة انا ماكانش عندي

ندخلها للفرن على نار متوسطة وهذا شكلها النهائي

https://


عن قرب

https://


هنا كي قطعتها شوفو ما احلاها



https://

ان شاء الله تجربوها وتعجبكم


في امان الله

</B></I>

[safa16]

مساء الخير اول مرة راح نكون اول وحدة ترد عليك يااحلى ام اماني راكي وليتيلي كوشمار كل يوم نحكي عليك لماما ام اماني..امامانيييي....... راكي درتي فيا حالة ربي يحفظك دائما نجرب وصفات القاطو تعك ويصلحو من المرة الاولى راني باغية في القريب نحطهم في الوصفات المجربة .
باغية نطلب منك طلب واحد وراني زعما حشمانة:d:d:d:d:d:d:d انك ديريلنا دروس في الطبخ متل الشوربة الكفتة الطواجن........المهم اطباق بصوص روج وبيضاء ووووووووووووووووووووووووووالمطلوع .
ربي يحفظك ويخليك دائما متميزة .

[om kamilia]

ام اماني رب يحفظك كما قالت الاخت صفا يا ريت ديري لنا دروس نتعلمو ونستفادو من طيابك لبنين بارك الله فيك

[sousou11111]

ربي يحفظك اختي

[ام الهضاب]

اللهم صلي و سلم على سيدنا محمد عليه افضل صلاة و سلام
الله يبارك وصفة سهلة و سريعة و اكييييييد بنينة من عند ام اماني الله يعطيك ما تتمناي يااارب و ايكثر خيرك على المجهودات

[مسعودي خولة]

السلام عليكم ام اماني دائما متانقة بوصفاتك ربي يجازيك و يحفظك لدارك واولادك ويخليك لينا ان شاء الله ربي يدوم علينا وصفاتك
ممكن طلب اذا ممكن يا حبيبتي انك تجاوبيني على رسالتي ربي يخليك عندي مدة انا نستنى باه نطبقهم و ربي يسترك

[اﻻء الرحمن]

طبق راااااااائع مشكووووووووووووووورة

[touta2010]

ممممممم وصفة سهلة وتشهي يعطيك الصحة حنونتي
وربي يحفضك لينا ويبعد عليك العديان

[sara1982]

أطباق في منتهى الروعة

[um alaa]

شكرا يا متالقة اطباقك فالقمة بارك الله فيك

[ام اسماعيل2009]

[color="rgb(139, 0, 0)"][color="rgb(139, 0, 0)"]يعطيك الف عافية حبيبتي ام أماني وصفة رائعة كروعة[/color][/color]

[selma2013]

بارك الله لكي وفيكي جزاكي الله خيرا على عطاءك ومجهوداتك فعلا وصفاتك رائعة وناجحة ونأكدلك على كلمة ناجحة واذا ما نجحتش أكيد الغلطة منا الله لا يحرمنا منك يا أختنا في الله

[chahinez chanez]

شكرًا ام أماني وصفة لذيذة يعطيك الصحة

[فايزة1207]

ما شاء الله على الفن والجمال والتالق يا فنانة يا حبيبة الكل
اطباقك رااااااااااااااااائعة كروعتك

[samia05]

يعتيك الصحة ويخليك وليداتك و زوجك.دائما مبدعة .ربي يعتيك صحتك و باركلك في يديك.شكرا:dj_1