وصفة جديدة للقريوش وبشكل جديد في قمة الروعة من مطبخي

ام اماني77 · 2013-02-07, 22:04

السلام عليكم
كيف حالكم غالياتي نتمنى راكم كامل بخير
راني رجعت بعد غياب قصير وجبتلكم وصفة جديدة للقريوش وبشكل جديد روعة نتمنى ينال اعجابكم
المقادير:
الكيلة المستعملة هي كاس نتاع 250مل
3كيلات فرينة
نصف كيلة نشاء
نصف كيلة سمن ذايب وبارد
صفار بيضة
رشة ملح،فاني ،م ص خميرة الحلوى
ماء+ماء الزهر
عسل وجلجلانية للتزيين
الطريقة:
نحط الفرينة مع النشاء ورشة ملح والفاني والخميرة والسمن الذايب والبارد ونفرك جيدا باليد ثم نضيف صفار البيضة ونفرك ومن الاحسن نسير الخليط في السيار هكذا نتاكدو ان ماكانش تكتلات وبعدها نلمها بالماء وماء الزهر حتى نتحصل على عجينة متماسكة نشكلها كويرات ونغطيها ونخليها ترتاح
https://
ناخذ كويرة نبسطها بالحلال ونرققها في الماشينة حتى الرقم ما قبل الاخير ومرة على مرة نرش شوية فقط من النشاء
https://
نطبقها كيما نعملو في العجينة المورقةالصور توضح اكثر
https://

https://

ونعاود نفوتها في الماشينة ونكرر نفس العملية وهذا لي يخلي القريوش مورق ويذوب في الفم
بعد ما نرققها نقطع بالجرارة مستطيلات كبار انا عملت العرض12سم ونقطع 24 خط بالجرارة ما تخلعوش ههههههه
https://
بعدها نحسب4 خطوط ونطبق
https://
ونكمل نحسب 4 خطوط ونطبق حتى نكمل ونتحصل على هذا الشكل
https://
نفتحها شوية في المنتصف
https://
ونقلب من الجهة العلوية فقط كما في الصورة
https://

https://
راح نتحصل على هذا الشكل هذي الطريقة الاولى
اما الطريقة الثانية
نطبق المستطيل على اثنان
https://
ثم نعاود نطبقو على اثنان ونعاود مرة ثالثة حتى نتحصل على الشكل السابق ونشكلو بنفس الخطوات
وكل ما نشكل حبة نغطيها حتى نكمل العجينة
بعدها نقليهم في زيت يكون سخون مليح والنار ناقصة ونقلي بالحبة وكل مانحط حبة نرمي عليها الزيت بالملعقة باه تتنفخ شوفو شكلها ما احلاه
https://
بعدها نحطهم يقطرو ويبردو ثم نعسلهم في عسل مسخن مع شوية ماء الزهر لازم يكون ثقيل شوية باه القريوش يبقى مقرمش ونزين بالجلجلانية محمصة

https://

شوفو شكلو رااائع والذوق اممممممممم

https://
نتمنى يعجبكم ونشوف تطبيقاتكم
لاتنسوني غالياتي من صالح الدعاء ولكن بالمثل
في امان الله

oum anas 69 · 2013-02-07, 22:13

واااااااااااااو رائع كما عهدناكي يعطيك الصحة ام اماني

manouchebsm · 2013-02-07, 22:19

ام اماني جاتك روعة روعة ربي ينورك ماشاء الله

كلمات مبعثرة · 2013-02-07, 22:19

رائع جزاكي الله خيرا

ام اماني77 · 2013-02-07, 22:24

شكرا لكن غالياتي

ام انفال 12 · 2013-02-07, 22:30

ام اماني روعة روعة يعطيك الصحة لكنني مفهمتش مليح الطريقة

ام انفال 12 · 2013-02-07, 22:35

يعيشك اختي راجعيلي الرد الان باش غدوة انشاء الله نديرو

ام اماني77 · 2013-02-07, 22:37

اقتباس:

المشاركة الأصلية كتبت بواسطة ام انفال 12

ام اماني روعة روعة يعطيك الصحة لكنني مفهمتش مليح الطريقة

شكرا لمرورك اختي الغالية
راني صورت المراحل خطوة خطوة ممكن تقوليلي واش ما فهمتيش بالضبط وانا نفهمك

أم هاجر البسامية · 2013-02-07, 22:50

بارك الله فيك أختي العزيزة أم أماني ربي يحفضك و يبارك فيك ويعطيك ماتمنيتي من خير عندي مدة وانا نحوس عليه

ام اماني77 · 2013-02-07, 22:55

اقتباس:

المشاركة الأصلية كتبت بواسطة أم هاجر البسامية

بارك الله فيك أختي العزيزة أم أماني ربي يحفضك و يبارك فيك ويعطيك ماتمنيتي من خير عندي مدة وانا نحوس عليه

شكرا لمرورك غاليتي
انا ايضا عندي مدة ملي شفت وكي لقيت الوصفة قلت ما نبخلش على خواتاتي

امونة الشاوية · 2013-02-07, 23:21

والله يا ام اماني تستاهلي تحية تقدير و احترام على هذا الفحالة تاعك كون جيت نعرفك نجي نسلم على راسك راني هزيت من عندك قداه من حاجة الله يبارك عليك راكي
4444444444444444444444444444444444444

ام ملاك. · 2013-02-07, 23:23

يعطيك الصحة شهيتيني جاك روعة

ام انفال 12 · 2013-02-07, 23:34

شكرًا اختي راني بليت عجينة و راني نجرب بالنسبة للخطوة الاخيرة نقبل مرة واحدة برك من الفوق

yousra2011 · 2013-02-08, 00:29

ماشاء الله بارك الله فيك على كامل les recettes لي راكي تعلميهملنا أنا أيضا تعلمت منك بزاف حوايج نفعوني ربي يباركلك في اولا دك

dalila setif · 2013-02-08, 00:34

waw machallllllllllahhhhhhh ya3ttik elsaha habibtti