مقبلة على شكل جزرة هــــايلة بخفتها

ladymillion · 2013-07-15, 22:15

أحبتي ان شاء الله تكونو بخييييييييير
راح نقدملكم مقبلة ان شاء الله تعجبكم وتجربوها

مقادير العجينة : نعطيكم المقادير الاصلية أنا درت كمية صغيرة

-- 500غ فرينة
-- 1/2 كأس حليب
-- بيضة واحدة
-- م ك ونصف خميرة الخبز
-- م ك سكر
-- ملح
-- نصف فنجان زيت
-- ماء دافي لمي بيه العجينة وتكون متخومة وتلصق في اليد لازم باش تكون خفيفة

دوركا أعجنيها ملييح ولازم تكون متخووووومة راني نركز حتى وتلصقلك في يدك حاولي تعرفي كيفاش تعجنيها حتى تشوفيها بياضت شوي
في وعاد مدهون بالماء حطي لمي العجينة وحطيها وزيدي دهنيلها ماء من فوق وخطيها بكيس بلاستيكي وخليها تتخمر سااااااااااااعة كاااااااملة متصدقوش كيفاش تتطلع الله يبارك

أثناء تخمرها حضري الحشوة انا درت الحشوة بجبن بوك لي طبقتو من عند الاخت الكريمة يجيازيها ربي بالخير هاهو الرابط للاستفادة
https://www.djelfa.info/vb/showthread.php?t=1302024

للحشوة :
-- جبنة بوك صنعتها في البيت أو أي جبنة بيضاء طرية
-- حبة جزر مقطع رقيق ومقلي في الزيت
-- فص ثوم مهروسة
-- معدنوس مقطع
-- زيتون اخضر مقطع رقيق

اقلي الجزر في الزيت على نار هادئة

وخلطي المكونات كامل ملييح ويكون الحشو حاااااضر

شوفو العجينة كيفاش كانت وكيفاش رجعت

هنا كي طلعت

الان نحل العجينة بالحلال متكونش رقيقة بزاف ونقطعها شرائط 1سم

ندهن كل شريط بالماء بالاصبع منكترش الماء نمسح برك

ندهن مول الكورني بالزبدة أو الزيت
ونرولي العجينة على الكورني كيما في الصورة

نحطهم فوق صينية واقفين يزيدو يتخمرا لساعة كاملة راح يكونو خفااااااف لازملهم الوقت برك

بعد التخمر

الان للدهن نحتاج :
-- بيضة
--م ص زعفران بودرة
-- نصف م ص هريسة واذا تحبي عوضيعا بطماطم مصبرة

ادهنيهم وخليهم يتخمروا 10د برك هاذ المرة ماشي بزاااف هههههههه علابالي قلقتو هههههه

وحطيهم يطيبو الفرن يكون سخوووووون بدرجة 250° كي يبيطبوا خرجيهم يبردوا وانزعي المول

واحشيهم بالحشوة

هاهم واجدييين من فوق وضعت معدنوس واذا عندك الشبت ديريه كتزيين

ياااارب تعجبكم تقبلوا تحياتي أحبتي