يومياتك مع سيارتك ................. شاركونا وافيدونا .....

[زرقـآء اليمآمـة]

السلام عليكم
لقد عدت لاكمل لكم المغامرة الاخيرة ............
ترجلت ورحت ادفع سيارتي لان البيت كان قريب واذا بي اسمع صوت رجل : هل نساعدك ؟ .... نظرت يمينا ويسارا فاذا بهما رجلان يبدو عليهما انهما غريبان ليسا من منطقتي لاني لم اسبق وان رايتهما ........ فلم ارد واعادا علي السؤال : فقلت نعم ....... وجاءا وسالاني ما ذا بها ؟ في الحقيقة خجلت ان اقول اللوبراياج تكسّر ...... قلت انهما لم تشا النهوض !!!! ....... فاستاذنني احدهما ان يركبها ويجرب تشغيلها ........ في الحقيقة خفت من هذا التصرف من اشخاص لا اعرفهم .... ولكن رضيت بما ان ولا احد ممن اعرفهم تحرك ......... وقلت في قرارة نفسي توكلت عليك يا ربي ...... فجرب واكتشف ان اللومبراياج مكسّر ....... ولكنه ماهر بمكانيك السيارات واستطاع ان يحركها حتى البيت ......... وطلب مني ان احضر له بعض الاشياء لتساعده على اصلاح النابض الذي أتلفته ........ وحاول هذا الغريب ان يساعدني لا لشيء سوى لوجه الله سبحانه .............. والحمد لله مر الامر بسلام وشكرت هذان الغريبان ايما شكر ودوعوت لهما بالستر خاصة بعدما اخبراني انهما عاملان بهذه المكان وهما من بقعة اخرى بعيدة جدا عن ههنا ....... ومن ذلك اليوم بل اللحظة لم أرهما مرة اخرى ....... حتى شككت انهما بشران ! ....... والله المستعان

[زرقـآء اليمآمـة]

السلام عليكم
انا كرهت من هذي ماروتي هبلتني كل مرة تعوج من جهة ....... ماذا تقترحون عليّ ؟

[رَكان]

المشاركة الأصلية كتبت بواسطة زرقـآء اليمآمـة

السلام عليكم
انا كرهت من هذي ماروتي هبلتني كل مرة تعوج من جهة ....... ماذا تقترحون عليّ ؟

السلام عليكم ..ال maruti سيارة منا يقال قد دراهمها ..والأكثر من ذلك أنك امتلكتها قديمة .لو اشتريتها جديدة كانت ستصمد عندك لوقت أطول ...
الإقتراح مرتبط برصيدك ..وقاعده ذهبية كل ماانتقخ رصيدك بالمال زاد حظك في الحصول على سيارة مريحة وقوية وصبورة في تحمل الأعطال ...

ربي جابلك أولاد الحلال في الطريق ..والخير في أمة محمد لاينقطع ..الحمد لله على سلامتك يا مغامرتنا ..

[أثيلة]

السلام عليكم. و رحمة الله و بركاته
انا في الأول كنت اقود سيارتي الليو التي هداني اياها خطيبي
كنت جديدة في الميدان و كنت اضع لافتة 80 في السيارة و كنت ملما امر اسمع الشباب يقولون سايسوها راها جديدة و كنت اسمع تعليقات و احيانا حتى يتشاجرون معي لاسباب اجهلها ههههخخ
و ايضا ذات يوم كنت في طريق فارغ مسرعة حتى خرجلي بيدبول ماعرفتش واش ندير و فرينيت جالي فالطونوبيل من قدام و تكسرتلي كامل و البيدبول مات ومن حظي ان صاحبه كان شافو وعرف بانو هو المخطئ
ايضا قبل ايام كنت نسرعة كعادتي ومانتبهتش للرادار و بيانسور لما وصلت للباراج حبسوني و عطاولي غرامة ب 4500 دج و نحاولي البيرمي لمدة ثلاث اشهر -_-


فاتو اسبوعين مازالو عشرة و نرجعو ههه

[المداينية26]

يا الرب وينتا نكبر و تولي عندي لوطووووووووووو

[رَكان]

السلام عليكم ...
البزنسيسة مازال الطريق طوييييل أماك حتى تتمكني من التحكم في السياقة ..لكن أخشى أنه لما يأتي ذلك اليوم ..أن تجدي نفسك مع سيارة خربانة لا تتجاوز ال50 في الساعة ...لذلك سأنصحك بأمرين تبعا لمداخلتك ولن أتوسع ...
بالنسبة للبيدبول الذي صدمته ( على فكرة ما عرفتش واش هو البيدبول ) المهم ..أنت عندك لافتة 80 وصدمته ..الثمانين ماش بزاف كيف صدمته ..؟ اللهم الا إذا كنت في الليل أو أنك لم تتركي مسافة الأمان يا سيدة ..مسافة الأمان مهمة جدا ..يجب مراعاتها وإذا حبيتي تتجاوزي ...أيضا تجاوزي بمسافة الأمان .دون اقتراب من الذي أمامك ..دعي الطريق يفرغ ..وتجاوزي دونما الحاجة للإقتراب من السيارة التي أمامك حتى ولو اضطرب الذي أمامك تجدين نفسك بعيدة عنه ...
النقطة الثانية ...سوف أوجهك بالنسبة للرادار ...
حدث معي أن تم سحب رخصة السياقة بسبب الرادار ..لم أتوقع ما حدث معي اطلاقا ..كنت على الرعة 160 الطريق صحراوي في منتصف النهار ..الرؤية ممكنة لعدة كلمترات ..يعني لو قط من بعيد ترينه ...المصيبة لايوجد سيارات ..المهم الافتة تقول 80 ...عجبا ...الدركي لما سألته هل تسير أنت بسرعة 80 في هذا الطريق ؟ أجابني لا ..لكنه القانون ...
المهم لما لحظت مدينة عن بعد نزلت السرعة ..الى 120 وواصلت فإذا بي وقعت ..للأسف ..
في شمال الوطن حيت تكثر السارات أبدا لم يحدث أن وقعت في الردار ..الأمر بسيط ..
1 ــ السيارات القادمة تنبهك بال phare
2 ــ وهي الطريقة التي اتبعها دائما ..ما إن أرى من بعيد ضوء سيارة stop إلا وأنقصت السرعة تحسبا لأي طارئ ...فإن تزامن مع لافتة تحديد سرعة فإني سأعرف أن هناك ردار ...
الخلاصة ..
السياقة في الطرق الصحراوية أخطر من السياقة في الطرق شمال الوطن...
كلامي أيضا موجه لصاحبة الموضوع أكيد راح تستفيد منه طبعا بعدما تغير ال maruti الى سيارة ..نفاثة ..والسلام ...

[أثيلة]

المشاركة الأصلية كتبت بواسطة رَكان

السلام عليكم ...
البزنسيسة مازال الطريق طوييييل أماك حتى تتمكني من التحكم في السياقة ..لكن أخشى أنه لما يأتي ذلك اليوم ..أن تجدي نفسك مع سيارة خربانة لا تتجاوز ال50 في الساعة ...لذلك سأنصحك بأمرين تبعا لمداخلتك ولن أتوسع ...
بالنسبة للبيدبول الذي صدمته ( على فكرة ما عرفتش واش هو البيدبول ) المهم ..أنت عندك لافتة 80 وصدمته ..الثمانين ماش بزاف كيف صدمته ..؟ اللهم الا إذا كنت في الليل أو أنك لم تتركي مسافة الأمان يا سيدة ..مسافة الأمان مهمة جدا ..يجب مراعاتها وإذا حبيتي تتجاوزي ...أيضا تجاوزي بمسافة الأمان .دون اقتراب من الذي أمامك ..دعي الطريق يفرغ ..وتجاوزي دونما الحاجة للإقتراب من السيارة التي أمامك حتى ولو اضطرب الذي أمامك تجدين نفسك بعيدة عنه ...
النقطة الثانية ...سوف أوجهك بالنسبة للرادار ...
حدث معي أن تم سحب رخصة السياقة بسبب الرادار ..لم أتوقع ما حدث معي اطلاقا ..كنت على الرعة 160 الطريق صحراوي في منتصف النهار ..الرؤية ممكنة لعدة كلمترات ..يعني لو قط من بعيد ترينه ...المصيبة لايوجد سيارات ..المهم الافتة تقول 80 ...عجبا ...الدركي لما سألته هل تسير أنت بسرعة 80 في هذا الطريق ؟ أجابني لا ..لكنه القانون ...
المهم لما لحظت مدينة عن بعد نزلت السرعة ..الى 120 وواصلت فإذا بي وقعت ..للأسف ..
في شمال الوطن حيت تكثر السارات أبدا لم يحدث أن وقعت في الردار ..الأمر بسيط ..
1 ــ السيارات القادمة تنبهك بال phare
2 ــ وهي الطريقة التي اتبعها دائما ..ما إن أرى من بعيد ضوء سيارة stop إلا وأنقصت السرعة تحسبا لأي طارئ ...فإن تزامن مع لافتة تحديد سرعة فإني سأعرف أن هناك ردار ...
الخلاصة ..
السياقة في الطرق الصحراوية أخطر من السياقة في الطرق شمال الوطن...
كلامي أيضا موجه لصاحبة الموضوع أكيد راح تستفيد منه طبعا بعدما تغير ال maruti الى سيارة ..نفاثة ..والسلام ...

وعليكم السلام
البيدبول هو نوع من الكلاب اعزكم الله بنيته قوية وأنا لما صدمته كنت اقود ب 120 و كنت عادية مرتاح و طريق فارغ و هو لما خرجلي صدفة من فيلا و ماعرفتش واش نتصرف فرينيت قستوا و في الوقت هذا كانت عندي عام قيادة و اصلا كنت نقود من قبل ما نجيب البيرمي بالطونوبيل تاع بابا
شكرا لنصائحك اخي انا ايضا ننقص فالسرعة لما تشعل ضوء السيارات لي قدامي تحسبا لاي طارئ و لكن الرادار صراتلي مثلك كانت لافتة 80 في طريق سيار واسع و فارغ على الثالثة مساءا كنت ذاهبة الى قسنطينة لأحظر بعض تحاليل والدي الضرورية لانه كان بالمشفى و كنت مسرعة حتى اصل قبل غلق المركز

[زرقـآء اليمآمـة]

المشاركة الأصلية كتبت بواسطة رَكان

السلام عليكم ..ال maruti سيارة منا يقال قد دراهمها ..والأكثر من ذلك أنك امتلكتها قديمة .لو اشتريتها جديدة كانت ستصمد عندك لوقت أطول ...
الإقتراح مرتبط برصيدك ..وقاعده ذهبية كل ماانتقخ رصيدك بالمال زاد حظك في الحصول على سيارة مريحة وقوية وصبورة في تحمل الأعطال ...

ربي جابلك أولاد الحلال في الطريق ..والخير في أمة محمد لاينقطع ..الحمد لله على سلامتك يا مغامرتنا ..

وعليكم السلام
بارك الله فيك على نصائحك الذهبية اخي ركان ........

اعرف انه كلما زاد الجيب انتفاخا زادت الراحة والامان ....... ولكن قدي قد حالي ... ماعنديش بزاف .... ولذلك ابحث عن واحدة تكون تتحمل المرتفعات .... لان طريقي فيه مرتفعات كثيرة ........
ما رايك بالاتوس ؟ ..... وواش من عام التي تكون جيدة ؟ .......

[زرقـآء اليمآمـة]

المشاركة الأصلية كتبت بواسطة الپرنسيسة^_^

السلام عليكم. و رحمة الله و بركاته
انا في الأول كنت اقود سيارتي الليو التي هداني اياها خطيبي
كنت جديدة في الميدان و كنت اضع لافتة 80 في السيارة و كنت ملما امر اسمع الشباب يقولون سايسوها راها جديدة و كنت اسمع تعليقات و احيانا حتى يتشاجرون معي لاسباب اجهلها ههههخخ
و ايضا ذات يوم كنت في طريق فارغ مسرعة حتى خرجلي بيدبول ماعرفتش واش ندير و فرينيت جالي فالطونوبيل من قدام و تكسرتلي كامل و البيدبول مات ومن حظي ان صاحبه كان شافو وعرف بانو هو المخطئ
ايضا قبل ايام كنت نسرعة كعادتي ومانتبهتش للرادار و بيانسور لما وصلت للباراج حبسوني و عطاولي غرامة ب 4500 دج و نحاولي البيرمي لمدة ثلاث اشهر -_-


فاتو اسبوعين مازالو عشرة و نرجعو ههه

وعليكم السلام يا برنسيسة ....
اواه لازم تحترمي قانون المرور واعلمي ان السرعة والعجلة ابدا ليست حجة لاي كان ..... المهم تقودي سيارتك بكل اطمئنان ...... حتى لا تضطري الى البقاء بدونها وترجعين من جديد لركوب الحافلات والتاكسيات و تعب المواصلات .......
لما تسترجعي رخصة السياقة حلي عينيك مليح البارح جات في كلب غدوا تجي في عوْد ........ اتمنى لك التوفيق يا اميرة ..

[layanedz]

طاكسي بابا شباب وجديدة مي تصدقي البارح حبستلو باسكو نستلها البوشون تاع وحد العفسة منعرف واش يسموها ههه واليوم تخدمت صايي الحمد لله
تولهي اختي في السياقة متديريش كي اختي سياقتها اول مرة يمين يسار متعرفش الطريق المستقيم ههههه

[رَكان]

المشاركة الأصلية كتبت بواسطة الپرنسيسة^_^

وعليكم السلام
البيدبول هو نوع من الكلاب اعزكم الله بنيته قوية وأنا لما صدمته كنت اقود ب 120 و كنت عادية مرتاح و طريق فارغ و هو لما خرجلي صدفة من فيلا و ماعرفتش واش نتصرف فرينيت قستوا و في الوقت هذا كانت عندي عام قيادة و اصلا كنت نقود من قبل ما نجيب البيرمي بالطونوبيل تاع بابا
شكرا لنصائحك اخي انا ايضا ننقص فالسرعة لما تشعل ضوء السيارات لي قدامي تحسبا لاي طارئ و لكن الرادار صراتلي مثلك كانت لافتة 80 في طريق سيار واسع و فارغ على الثالثة مساءا كنت ذاهبة الى قسنطينة لأحظر بعض تحاليل والدي الضرورية لانه كان بالمشفى و كنت مسرعة حتى اصل قبل غلق المركز

حسبتها على وزن بيزبول ..لعبه أو ما شابه ..ماعنديش معلومات حول الكلاب ..لااعرف منها سوى doberman..
المهم أنت محظوظة ..لو جاءت الصدمة برأسه ..لكنت تركت ال radiateur على الطريق ..لأن أخطر موضوع في جسم الكلب هو رأسه لصلابته ..
آسف حسبتك جديدة فالميدان وتسوقين وأصابعك مسمرة على عجلة القيادة لكن مادام تسوقين بسرعة 120 وتدخلين قسنطينة ..فبرافو...لأن السياقة داخل قسنطينة ليست سهلة لضيق الطرقات فكأنك داخل سوق كبير ..
لدي ملاحظة فقط ..
على سرعة 120 لو يكون فالنهار ..المفروض تتجنبي الصدمه ..بالفرمله ..طبعا اذا عندك ال abs وكان يمكن تجنبه ..اللهم الا اذا كان الأمر تعلق بال reflexe لديك أو كنت مشوشة الذهن ..
نصيحة ضخمة مني إليك تجنبي السرعة الأكثر من 80 الا اذا كان ذهنك صاف وخال من كل توتر بعيدا عن كل المنغصات النفسية ..غير ذلك خليك فال 80 أفضل..
سياقة ممتعة ..

[رَكان]

المشاركة الأصلية كتبت بواسطة زرقـآء اليمآمـة

وعليكم السلام
بارك الله فيك على نصائحك الذهبية اخي ركان ........

اعرف انه كلما زاد الجيب انتفاخا زادت الراحة والامان ....... ولكن قدي قد حالي ... ماعنديش بزاف .... ولذلك ابحث عن واحدة تكون تتحمل المرتفعات .... لان طريقي فيه مرتفعات كثيرة ........
ما رايك بالاتوس ؟ ..... وواش من عام التي تكون جيدة ؟ .......

مادام الجيب مش ولابد ..فإنك احسنت الإختيار الأتوس سيارة متينة وجيدة ..هي صحيح ليست قوية بما يكفي لكنها أفضل بكثير من ال maruti سواء في الراحة أو ال reprise أو المرتفعات ..
ماذا أقول لك ...حتى عمر السيارة له علاقة بالسعر .مثلا تقدري تشتري أتوس 2010 بما يكون بين 60 وال 70 مليون طبعا حسب الحالة تاعها ..
يمكنك الحصول على واحدة مثلا 2004 أو 2005 بسعر ..أقل بكثير ..لكن يجب فحص المحرك وأن لايكون قد ابتلع في بطنه عدد ضخم من الكلمترات ..

[salam algeria]

السلام عليكم
عجبني موضوعك قلت نشاركك بتجربتي
كي قررت نفوت البيرمي قريت كتاب كيما الكود عندنا و بقيت نسقسي راجلي واش الأسئلة لي ممكن يجيوني في التاست هو نسى قلتلو اديني نفوت و خلاص كي رحت لقيت الأسئلة تاع شوية منطق و خلاص و نجحت و الحمد لله
بعدها جات المرحلة الاصعب هي السياقة و هنا لازم تتعلم مع واحد عندو البيرمي عامين او اكثر و راجلي ما كانش كملهم هههههه رجعت نتعلم خارج القانون هههههه و لمزية العصبية تاع راجلي خلاتني نحلف عليه ما يعلمنيش ههههه و اول مرة لحقنا السطوب قالي تحبسي انا زدت في السرعة هههههههه غلطت مع العلم انو السيارة اوتوماتيك جيت نضغط على لي يوقفها ضغطت علو لي يزيد السرعة المهم هاذيك المرة سترنا ربي كان الطروطوار عالي جات في السيارة و ما جاتش فينا و علمتني صاحبتي في واحد الباركينغ و اول مرة خرجت للطريق بكيت من الخوف و بقيت نقول لصاحبتي راهي جات ههههههه و هي تقولي واش هي قلتلها طوموبيل هههههه قالتلي و من بعد حاطة الطريق تاع باباك تمشي فيها وحدك هههههههه
بعدها رجعت نقول لراجلي هيا نخرجو نسوق ما حبش قالي راكي حالفة رجعت نخرج من وراء الستة تاع لعشية لانو هنا القانون كي تكون عندك الرخصة الاولى تاع الامتحان الكتابي تقدر تسوق في النهار مع واحد عامين و هو يسوق او تسوق وحدك بين الستة تاع لعشية و الستة تاع الصباح و تعلمت بالشوية و كنت ندخل للطريق السريع و لحد الان ما كانش عندي رخصة سياقة كاملة

[salam algeria]

نكملكم حكايتي مع سيارتي Toyota camry
بعدها كنت لازم نجوز البارمي لانو ابني بدا يقرا و انا لي نوصلو المدرسة و سقت تقريبا ٢١ يوم بلا بارمي (عندي غير الكتابي ) و شرحتلكم وقتاش نقدر نسوق بيه
المهم قررت نروح نفوت الصح سمانة ما رقدتش هههههه كي وصلت نزل راجلي و ركب واحد راجل كبير في السن و كان قبل راجلي لي يسوق و خلاها شاعلة من الخلعة هي نايض و ان زدت دورت المفتاح نوضها هههههههه ثما خلااااااص فقدت السيطرة على روحي و تاكدت اني مش راح نجيبو
داني بلاصة سكانية لكن خااااااااالية و معمرة بإشارات قف هههههه قالي من بعد هو بلي كانو ٨ اختكم ما وقفت حتى عند وحدة ههههههه ما شفتهمش هههههه و الله ما تولهتلهم و ما نكذبش عليكم كي عاد راجل هو لي معايا في الطوموبيل وترني عمري ما صراتلي ، و طبعا ما عطانيش لانو غلطة في السطوب خلاص تترفض فما بالك ب ٨ هههه
المرة الثانية كانت نفسيتي احسن لانو كنت مع مرا درت كلشي مليح بصح بقيت خايفة و كنت نمشي اقل من السرعة تاع الطريق ههههههههه حلزون و هاذي حسيتها ظلمتني و ما عطاتنيش البيرمي جبت ٢٨ نقطة و انا لازم نجيب اقل من ٢٠ و المرة الاولى جبت ٣٨ نقطة
المهم المرة الثالثة زاد جاني راجل توترت و قلقت و كنت راح نروح لكن خفت من العقوبة ما نقدرش نفوت مدة و انا ابني بدا يقرا و كنت نسوق بلا بيرمي
المهم تشجعت زعمة قالي شعلي الضوء ما عرفتش راحلي منين يشعل ههههه و بديت نقول واش بيا لاه راح ياكلني و زيد اذا ما جبتوش نورمال لاه راح ندخل الجنة بيه بديت نسوق و تماسكت لكن رغم كلشي حسيت بلي سقت ثاني مرة احسن كي هبطت قالي you passed the test قلتلو whaaaaaaaaaaat هههههه ما كنتش مأمنة و الجمد لله نجحت و بقيت نقول لراجلي هذا باين يهودي كي لقاني مسلمة قال نمدهولها باش تدير حادث نتهناو من وحدة منهم هههههههه لانو صح سقت مع المرأة احسن و هي كانت من الهنود الحمر هههه كنت متعاطفة معاهم و درك رجعت نكرهم هههههه كي حقرتني وحدة منهم هههه
اسمحولي طولت عليكم بصح حبيت نشاركم مغامرتي مع البيرمي و ان شاء الله المرة الجاية نحكيلكم على اول مرة حطيت ليسونس هههههه و حوايج اخرين

[راية الاسلام1]

سلاااامـــ
ما عندي سيااارة يا يمامة لكن سأقصّ عليكِ يومياتي مع سياارة الوالد ,,,

ولا مرة في حيااتي سقت سياارة مع أنه لدينا سيارتين والحمد لله
أكيييييد تتعجبين ,,, لا تتعجبي يا يمامتي فأبي الحنون الغالي العزيز يحبّ سيّارته أكثر من حبّه لي ربما ~
أذكر آخر مرة كنت ذاهبة معه ~ بابا ربي يعيييشك خليني نوضها برك ندوّر المفتااح برك ~ ,,, الحمد لله نجحت محاولاتي في إقنااعه ,,, أدرت المفتااح وهو جاالس في مكان السوااقة وتكاد يده تمتد إلى المفتااح
وكانت هذه محاولتي الوحيدة
أمّا السيارة الاخرى لا نكاد نراها امام البيت ,,, لانها المنزل الثاني لأخي

باااارك الله فيكــ يا يمامة