الجزء 157 من واش طيبتي اليوم .....كوزينة التميز و الامتياز - الصفحة 77

انا هي رزيقة · 2016-01-11, 12:46

قبل ما نخرج نسلم على اختي الجمان يا هلا وسهلا بدخلتك البهية والمثقلة بالخيرات علينا راكي كفيتي و وفيتي جبتي بالحلو و المالح و التقليدي و العصري ربي يفرحك كيما فرحتينا بدخلتك الجميلة لهذا الكوزنية الطيبة حبيبتي و نرجعوهالك في الافراح ان شاء االله

ام عبدو و ملاك · 2016-01-11, 12:54

صح غداكم كامل

ام عبدو و ملاك · 2016-01-11, 13:02

وهادا حليب بالشوكولا وصفة ام رامي ربي يدكرها بالخير

انا هي رزيقة · 2016-01-11, 13:48

زينب بوركتي على روائعك اختي ما شاء االله
ام عبدو بصحتكم الطعام يسخف حبيبتي هذه مدة ماكليتوش بالدوارة اممممم . و الشوكولا ما تحويسيش عليه اختي راني ديتو يوالمني مع الخدمة يعطيلي الطاقة و االله محتاجتها ... خخخخ

انا هي رزيقة · 2016-01-11, 13:53

اليوم معلاباليش اذا رايحة نولي اوبعد راهي عندي خدمة بزاف نحطلكم كوالس عشايا اليوم و نقولكم تهلاو في ارواحتيكم لبنات . رايحة ندير ارنوب محمر في الكوشة مع خضرة . درت بزاف باه ناكلوه على يومين الصوص لي تبقى ندير فيها غدوة روز اذا حب ربي

أم سدرة · 2016-01-11, 14:06

مساء الخير عليكم وماشاء الله على اﻻطباق لي حطيتو أنا غدايا اليوم شربة فريك ودجاج بالفطر وكسرة اسمحولي ماصورتش

أم سدرة · 2016-01-11, 14:08

اقتباس:

المشاركة الأصلية كتبت بواسطة انا هي رزيقة

اليوم معلاباليش اذا رايحة نولي اوبعد راهي عندي خدمة بزاف نحطلكم كوالس عشايا اليوم و نقولكم تهلاو في ارواحتيكم لبنات . رايحة ندير ارنوب محمر في الكوشة مع خضرة . درت بزاف باه ناكلوه على يومين الصوص لي تبقى ندير فيها غدوة روز اذا حب ربي

امممممممم رزيقة شهيتيني باﻻرنوب كي يطيب ابعثلي شوية ههههههه
بصحتكم

أم سدرة · 2016-01-11, 14:11

اقتباس:

المشاركة الأصلية كتبت بواسطة ام عبدو و ملاك

صح غداكم كامل

بصحتكم البربوشة

أم سدرة · 2016-01-11, 14:25

اقتباس:

المشاركة الأصلية كتبت بواسطة x ام رحاب x

جبتلكم فطوري اليوم اللوبيا بيضة باللحم

بصحتكم أختي أم رحاب اللوبيا باينة بنينة

حياة نور الدين · 2016-01-11, 14:39

اهلااااا البنات كلشي رووووووعة
انا فطوري بواقي مقرون ورولي الكرمب والحمد لله
درت كيكة اللقهوة

omjoujou · 2016-01-11, 14:55

زهرة اللوتيس ام رحاب زقووقة زينوبة تسلمولي حبيباتي
زينوبة تفضلي حبيبتي وصفتي تاع البواكاسي

من الافضل تستعملي لحم لعجل يجي البواكاسي بنين بيه
رابي عليه حبة بصلة متوسطة زيدي رابي2 سنينات ثوم ديري شوي ملح فلفل اسود كسبر زيت وقلي كلش فوق نار هادية وامبعد امرقي بماء سخون عينك ميزانك ما تكثريش بزاف وخلي اللحم يطيب نص طياب وامبعد لوحي البواكاسي تاعك بعدما تكوني شللتيه
راه ما يديش وقت كبير في الطياب اقل من نص ساعة يطيب
في الاخير قدميه مع رشة معدنوس وعصرة قارص
اي سؤال انا في الخدمة

ملاك ملاكي · 2016-01-11, 14:56

نساء الانوار عليكم يا نحولات ان شاء الله كل واحدة باسمها راهي ملييييحة
ناشاء الله عليكم راكم غير تسخفو فيا وانا صايمة عييييب عليكن وزييييد كلها اظباق تشهي وتفتح النفس
الله يباااارك عليكم ربي يروم النعمة ويكثر الخيرات ويعطيكم الصحة
ااااا يا قولولي عند من نفطر اللبلة وشكون لي تقبل دلالي عليها هاهاها

حياة نور الدين · 2016-01-11, 14:56

اقتباس:

المشاركة الأصلية كتبت بواسطة زينب 83

السلام عليكم غالياتي
صباح الخير ، كيف أحوالكن
اسفة على تأخري في الإجابة
وصفة السفنج
ملعقة خميرة
ملعقة سكر
500غ فرينة
ملح
ماء دافيء
نخلط المقادير و نزيدو الماء بالشوي حتى نتحصلو على عجينة جارية و ملساء ، انا نخلط بالباتور
مباعد نبداو نضربو العجينة بيدينا من داخل لبرى حتى دير فقاعات مدة ربع ساعة و هذي المرحلة أساسية باه الهوى يدخل للعجينة و حي خفيفة ، و نغطيوها و نخليوها تخمر ملييييح
اخيراً مرحلة القلي
نديرو زوج مقلات واحدة فيها 4 مغارف زيت و الثانية زيت غزير و نحطوهم في زوج فوق النار حتى يسخن ًو مليح
نحلو كرية السفنج بيدينا بمساعدة الزيت و نحطوها في المقلاة الاولى لي فيها زيت قليل كي تبدا تطلع و تحمار من تحت ، نرفدوها و نحطوها في المقلاة الثانية تكمل الطياب على نفس الجهة ، أؤكد على نفس الجهة حتى تحمار مليح و نقلبوها نكمل الطياب
و هذا هو سر نجاح و خفة السفنج ، المقالتين
اخيرا سقيتو بالعسل

اما

الأخت لي سألتني على البيتزا
اغلب وصفات عجينة البيتزا متشابهة لكن السر اولا
في الحليب بدل الماء
العجينة لازم تكون تلصق و مطاطية و ماشي مبسسة باه جيك خفيفة
الفرن لازم يكون سخوووووووووووووون
العجينة تطرحيها رقيييييييية
و اذا عندك مروحة في الفرن شغليها عندها دور كبير في نجاح البيتزا

اما الصابلي ماعرفتش ويناه اذا ممكن تذكريني

و هذه وصفة زلابية ام رامي حقيقة رائعة
كاس فيه 3ملاعق سميد ناعم والباقي فرينة +كاس ماء + اقل من ربع الكاس زيت + بيضتين + ذرة ملح وفاني. انا مادرتش السميد و و درت بيضة واحدة
نضع في طاوة الماء والملح والزيت ونضعها على النار
وعند الغليان نسكب السميد والفرينة ونخلط بسرعة بواسطة ملعقة خشبية حتى تتلم العجينة
نتركها تبرد قليلا ونضيف بيضتين + فاني
نخلط جيدا بالخلاط او ملعقة خشبية حتى ينسجم الخليط
نستعمل كيس الحلواني او هذه الانبوبة باستخدام القمع الصغير والمسنن وكل ماكان القمع فوهته صغيرة نتحصل على نتيجة مرضية
حذاري من المحقن او اي قمع كبير
نملا الانبوبة بالعجين
نضع مقلاة والزيت وعندما يسخن نشكل حربوش طويل في الفراغ وبمجرد وضعه في الزيت ندور بسرعة ونشكل اشكال عشوائية نقطع الخليط بملعقة او باليد
نقليها مليح لازم تتحمر ما تخرجوهاش صفراء لازم لونها يكون بني
نبدا بعملية التعسيل وشروطها يكون العسل ثقيل وبارد
نعسلها مرتين ، انا عسلتهامرة واحد و عسلتهاهي سخونة و العسل بارد
نرش الجلجلان
شروط نجاح الوصفة
* يمزج الخليط جيدا حتى يصبح ناااعم
* استخدام قمع صغير جدااا وهو اهم سرررر لنجاح الوصفة والا تجيك طرية
* تقلى حتى يصبح لونها بني
* تعسل وهي باردة والعسل بارد وثقيل

و اسفة مرة اخرى على التأخير و اذا نسيت اي سؤال فكروني

اهلاااا ويبعطيك الصحة

اقتباس:

المشاركة الأصلية كتبت بواسطة omjoujou

تفضلوا معايا حبيباتي غدايا وجد

نروح نوجد سلطة البرتقال المنعشة اممممممم

بصحتك تشهي

اقتباس:

المشاركة الأصلية كتبت بواسطة lotus flowerl

سوسو يعطيك الصحة على اطباقك و ربي يدوم الرزق
حيوتة .....ام جوجو.....ام الحبايب.....مسلمة بالفطرة....ام رحاب.....زينب
يعطيكم الف عافية و ربي يبارك في الرزق
و يحفظكم صحتكم....

تحية لكامل النحلاااااات

زينب شكرا على الوصفات ...ربي يحفظك
لي سؤال اذا سمحت واش دور وضع السفنج في المقلاة بزيت قليل و بعدها في اخرى غزير هل هذا ما يخليهاش تتشرب الزيت
و لا علاش ....و جزاك الله خيرا مسبقا

البنات جربت طريقة التفواااااار في دقيق
الطمينة هو يدي وقت اكثر باش يتحمص
لكن يعطيك احلى طمينة خفيفة و طرية
ما شااااء الله.....

في امان الله

اهلاااا زهرة وبصحتك الطميبنة

اقتباس:

المشاركة الأصلية كتبت بواسطة انا هي رزيقة

عشانا البارح كان سردين صوص طوماط و الحمد لله زدت معاه فريت بصح مصورتهاش
هذي قبل

و هذي بعد

اهلااااا رزيقة بصثحتكم روووعة

اقتباس:

المشاركة الأصلية كتبت بواسطة x ام رحاب x

جبتلكم فطوري اليوم اللوبيا بيضة باللحم

بصحتك اللوبيبا تشهي

اقتباس:

المشاركة الأصلية كتبت بواسطة زينب 83

حبيبتي زهرة اللوتس كلامك عسل يا عسل
ام رحاب بصحتك اللوبيا تاكلوها بالصحة و الهنا
رزيقة وصفاتك كلها تشهي ما شاء الله يعطيك الصحة حنونة
الجمان تبارك الله عليك حنونة اممممممممممم

يعطيك الصحة
الجمان هادي غيبة توحشناك

اقتباس:

المشاركة الأصلية كتبت بواسطة ام عبدو و ملاك

صح غداكم كامل

اقتباس:

المشاركة الأصلية كتبت بواسطة ام عبدو و ملاك

وهادا حليب بالشوكولا وصفة ام رامي ربي يدكرها بالخير

اهلااااا اختي بصحتكم

اقتباس:

المشاركة الأصلية كتبت بواسطة أم سدرة

مساء الخير عليكم وماشاء الله على اﻻطباق لي حطيتو أنا غدايا اليوم شربة فريك ودجاج بالفطر وكسرة اسمحولي ماصورتش

اهعلاااا بصحتكم

اقتباس:

المشاركة الأصلية كتبت بواسطة انا هي رزيقة

اليوم معلاباليش اذا رايحة نولي اوبعد راهي عندي خدمة بزاف نحطلكم كوالس عشايا اليوم و نقولكم تهلاو في ارواحتيكم لبنات . رايحة ندير ارنوب محمر في الكوشة مع خضرة . درت بزاف باه ناكلوه على يومين الصوص لي تبقى ندير فيها غدوة روز اذا حب ربي

بصحتك اختي وتسلم ايدك

omjoujou · 2016-01-11, 14:58

زقزوقة بصحتك السردين اممممم يشهي ومانتساينيش في لابار تاعي تاع الارنوبة
الجمان يعطيك الصحة على الخيرات لي حطيتيها
ام رحاب اممممم على هذيك اللوبيا تشهي بصحكم
زينوية كالعادة اطباقك روووووووعة سلمت يداك
حيوتة بصحتك الكيكة امممممم

حياة نور الدين · 2016-01-11, 15:00

اهلااااا ملاك ارواحي مرحبا وندلك بصح على بالي ميجيش كما تاع ملاكك هههه