الجزء81من مطبخ واش طيبتي اليوم ** مرحبا بالكل **

[kaouka]

صح فطوركم كملين ربي يتقبل من الجميع

[nihale89]

صحة فطوركوووووووووووك

[القبطية]

المشاركة الأصلية كتبت بواسطة أم ملك

مساء الخيرعليكم كامل و صح فطوركم
بغيت نسقسيكم عطر اللوز المر خير ولا الحلو

نظن الحلو خير انا مرة جابهلي من فرنسا ودرتو فسدلي القاطو ندمت الي حطيتو فيه جربي الحلو

[القبطية]

نهال بصحتكم كلشي يشهي

[MINA-NINA16]

المشاركة الأصلية كتبت بواسطة om kamilia

mina mina16 سمحيلي ختي ما قصدش بلاك ما شفتش مليح هداك نهار و يعطيك الصحة ما تزعفيش دوك نعدّل

صح فطورك ام كاميليا معليش جلى من لا يسهو مزعفتش المهم هاهو مرة اخرى الرابط جربوه ورجعولي الخبر
https://www.djelfa.info/vb/showthread.php?t=1603647

[القبطية]

مينا نينا الحلاوة واش تقوليلي عليها وزيد ياخي يجي هشوش؟؟؟؟؟

[أم ملك]

صح فطوركم جميعا شكرا حبيبتي القبطية أنا شريت المر بصحدوك نعاود نشري الحلو إن شاء الله
أم ماجد حنونة صح فطورك و رانا نقارعو نشوفو صور الأطباق الي درتيها لصحاب وليدك ربي يخليهولك

[ام سهام 02]

صح فطو ركم حبيباتي وبصحتكم وطيبتوا.

[lyzzabel]

مساء الخيييير وصح فطوركم يا حلواااااات
كان هذا فطورنا اليوم و الحمد لله و ربي يتقبل منا و من المسلمين امين
و درت تاني عصير الليمون و البرتقال و نسيت ما صورتهش خخخخ







و الحمد لله حمدا كثيرا طيبا مباركا فيه

[ام سهام 02]

المشاركة الأصلية كتبت بواسطة القبطية

سلام عليكم نداء لجميع الخبيرات في الحلويات حبيت نخدم تشارك عريان بالوصفة السحرية شكون تقولي شحال ندير سكر وهل يكون رطب او عادي .....ماتجوز على طلبي راني اول مرة نطلب منكم طلب ربي يخليكم

اللهم انك عفو تحب العفو فاعف عنا

عزيزتي قبطية ديري سكر رطب ونصف كيلة

[imene mimicha 05]

صح فطوكم حبيبات
راني حاية ندير قلوب الجلجلان لكن واش من وصفة ندير و اللي جرباتو تقلي واش من وصفة دارت تعيشو راني نستنى فيكم

[أم ملك]

بصحتكم ليزا الفطور كل شيء يشهي من يديك

[Simassim]

صح فطووووركن ربي يتقبل منكم
راني ديت الجلبانة والفلان من عندك اختي ليزابيل والحم بالبطاطا من عند نهال امممممم يشهوا

[lyzzabel]

المشاركة الأصلية كتبت بواسطة أم ملك

مساء الخيرعليكم كامل و صح فطوركم
بغيت نسقسيكم عطر اللوز المر خير ولا الحلو

ديري الحلو أحسن و افضل و اجمل من المر هههههه ،، انا المر ما نبغيييييهش و ما يعجبنيييييش

المشاركة الأصلية كتبت بواسطة simasima

من فضلكم ما هي افضل مارغارين مجربينها في الحلويات

انا نخدم بمارغرين صول

المشاركة الأصلية كتبت بواسطة بشرى2008

مبرووووووووووك آلكوزينة lyzabell وام منصف صاحبي ههههههههههههههه ان شاء الله تكون فال خير و ترحلي لدارك الجديدة

يا عمريييييي بشووووورتي حبيبتي طلت في كوزينتي هههههه كي راكي ça va ؟؟؟ توحشششششتك مازلتي في فرنسا ولا جيتي ؟؟؟؟ انشالله حوستي غايا و عجباتك الحالة

المشاركة الأصلية كتبت بواسطة cuisineshowdalatifa

أم مللك بالعكس , رانا نستفادوا من بعضنا البعض
اللي راهم يسقسيوا على حلوة العيد نقوللكم ما تنساوس حلوة نص بنص تع أم أماني , يخرج هايل شكل و ذوق و كمية
وهذي أنا غيرت في الشكل فقط


أخت hillim كنت سألتني على بريوش البريوش المالح , وصفة العجينة هايلة وما تندلكش و ما تخذش وقت كبير
هي كأس ماءدافئ و كأس حليب دافئ و كأس زيت و بيضة و خميرة حلويات و خميرة خبز مع الملح و الفرينة
https://cgsho.blogspot.com/2014/07/blog-post_13.html

يعطيك الصحة حبيبتي ،، الشكل درتيه كيما الصابلي حبة فوق حبة ؟؟؟

المشاركة الأصلية كتبت بواسطة om rofida

السلام عليكم اخواتي لي قالو نديرو قاطو كعكعات ممكن الوصفة ربي يجازيكم ان شاء الله راني حابة نطيبها في العيد في انتضار الرد

الكعيكعات ديري نفس عجينة و حشوة التشاراك

المشاركة الأصلية كتبت بواسطة islam1aya

سلام عليكم حبيبات واش راكم لاباس
توحشتكم كنت يومين ماشي في داري حت لعند عجوزتي ولعند مومتي
البنات الي يسالو على الشراك المسكر
الحشوة بلا بيض خير لانها اطول وداين الي بالبيض تقدر تفسد بسرعة مع السخانة
الغجينة السحرية زيدو شوفو تع نوال اويحيا ذوقو ماكلتنا تزيدو تفهمو اكثر
ابصحتكم كامل واش طبختو

على سلاااامتك و صح فطورك ،، انشالله الوالدة و عجوزتك راهم لاباس

المشاركة الأصلية كتبت بواسطة أم ماجد

لازالت كواليسب متواصلة من قلب المطبخ الساخن وصفة جارتي اليسون ام الريحة تفحفح



وروزا راهي تتفنن هنا

الله يبارك و يزيد ،، في انتظاااار الصور النهاءية

اللهم لك الحمد كما ينبغي لجلال وجهك و عظيم سلطانك

[دائمة الحمد]

صحة فطوركم كامل واش راكم مع سخانة اليوم بصحتكم الطيابات ليزا دائما راقية في اطباقك تسلم الايادي
نهال حنونة بصحتك وقوليللي لاتارتولات تاع واش
ما رجعتش كنت لاتية اسينات روحت كنت نلم شوي في الدنيا اكم علابالكم بدار النافس
ميميشة تاع الجلجلان اعملي تاع لينة وغمضي عينيك راهو44444444444الا حبيتي نعطيك نصائح علية خدمت منو في عرس اسينات 700 حبة
بعثت ليكم اسينات صور صينية نفاسها مندارها نحمل الصور ونهبطهم