موضوع مميز الجزء81من مطبخ واش طيبتي اليوم ** مرحبا بالكل ** - الصفحة 69

selma2013 · 2014-07-19, 14:33

مساء الخير يا الفحلات أم ماجد الا راكي هنا حبيت نسقسيك على المطلوع تاعك راني حابة نعجنو درك كنت نشوف في موضوعك وما فهمتش كيفاش نستعمل الخميرة نحطها في ماء دافئ ولا نعجنها هكذاك مع العجينة جاوبيني ربي يجازيك

أم محمد ريان · 2014-07-19, 14:38

صحيت اختي روضة نشوف الأخوات شا يقولو تاني نتاع البيض يبالي خير؟

simasima · 2014-07-19, 14:42

من فضلكم ما هي افضل مارغارين مجربينها في الحلويات

أم ملك · 2014-07-19, 14:43

على سلامتك ليزا شكرا على ردودك
شكرا حبيبتي القبطية راني درت الحشو كيما قلتي إن شاء برك يقعد شباب
شكرا حبيبتي أم ماجد عل وصفة المثلجات أدعي لبناتك حبيباتك فيهدو اﻷيام المباركة
شكرا حبيبتي لطيفة كسرت لك راسك
اليوم إن شاء الله ندير للفطورحريرة المثوم تاع البارح راه قاعد كيما هو و نزيد فلفة تشكشوكة إن شاء الله
صح فطوركم كامل حنوناتي و الله يقبل منا و منكم صالح اﻷعمال و يصرف عناسيئها
اللهم إنك عفو تحب العفو فأعف عنا

القبطية · 2014-07-19, 15:21

اقتباس:

المشاركة الأصلية كتبت بواسطة أم ملك

على سلامتك ليزا شكرا على ردودك
شكرا حبيبتي القبطية راني درت الحشو كيما قلتي إن شاء برك يقعد شباب
شكرا حبيبتي أم ماجد عل وصفة المثلجات أدعي لبناتك حبيباتك فيهدو اﻷيام المباركة
شكرا حبيبتي لطيفة كسرت لك راسك
اليوم إن شاء الله ندير للفطورحريرة المثوم تاع البارح راه قاعد كيما هو و نزيد فلفة تشكشوكة إن شاء الله
صح فطوركم كامل حنوناتي و الله يقبل منا و منكم صالح اﻷعمال و يصرف عناسيئها
اللهم إنك عفو تحب العفو فأعف عنا

القبطية · 2014-07-19, 15:22

سلام عليكم نداء لجميع الخبيرات في الحلويات حبيت نخدم تشارك عريان بالوصفة السحرية شكون تقولي شحال ندير سكر وهل يكون رطب او عادي .....ماتجوز على طلبي راني اول مرة نطلب منكم طلب ربي يخليكم

اللهم اغفر لي وةلوالديا وللمسلمين والمسلمات

MINA-NINA16 · 2014-07-19, 15:22

اقتباس:

المشاركة الأصلية كتبت بواسطة om kamilia

اام ملك و ا اسلام آية هايليك وصفة تاع بشرى
صباح الخير ام كاميليا تبعيني وتشوفي بلي زوجك يولي يمشي و يهترف بالتشارك العريان التاعك نبداوا بسم الله
المقادير 1كيلة سمن ذايب و بارد 1كيلة غير ربع زيت 1كيلة حليب وهنا نعطيك السر التاعي في كيلة الحليب نفرغ قرعة تاع عطر ماء الزهر تاع 100 دج ومن الاحسن اشري تاع بليدة فرغيها كامل وما تخافيش ( ما شي ماء الزهر العادي كينا الزاينة لا قرعة يجي طولها قد صباع تاع اليد الشاهد )
المهم خلطي كل المكونات مع بعض وبداي لمي بالفرينة حتى تتحصلي على عجينة سهلة الاستعمال غطيها وخليها تريح على الاقل ساعة صراحة انا نوجدها ونوجد العقدة ونخليهم يباتو وفي الصباح نبدا نشكل التشاراك وندهنوا ونزينوا برقائق اللوز او لوز مرحي خشين
العقدة انا نستعمل في كل حلوياتي العقدة الطايبة
في كسرونة ندير 1كيلة سكر+1/2 كيلة ماء+1 م ك زبدة طرية ونحطهم فوق النار كي تذوب الزبدة ويكون الاء راح يغلي نفرغ 3 كيلات لوز مرحي ونبدا نخلط وكي يشرب اللوز الماء نزيدلو 1 م ك عطر ماء الزهر ونبقى نخلط باش ما يلصقش اللوز حتى يتلم ويبدا يتنحى على الاطراف كيما بات ا شو نحيها من الكسرونة ونفرخها في طبسي تبرد ثم نحطها في فيلم اليمنتار وندخلها للثلاجة حتى للغد لاااااااااااااااااااااازم تريح ليلة كاملة باش تقدري تشكلي حرابش ما يخسروش
اما بالنسبة للطياب دخليهم يطيبوا حتى يحاروا من التحت ويطلع لون اصفر ذهبي من فوق خرجيهم
اتمنى نكون افدتك ولو قليلا جربيه وااااااااااااااااااااكيد راح تدعيلي اما بالنسبة للمقروط ما فهمتش اي مقروط تحوسي
سلام

اسمحيلي هذي وصفة التاعي ما شي تاع بشرى
وانا لي كتبتلك هذي المشاركة كي كنتي تحوسي على وصفة التشاراك العريان ثم درتها موضوع للافادة اكثر
وهاهو الرابط
https://www.djelfa.info/vb/showthread.php?t=1603647

القبطية · 2014-07-19, 15:25

ليزا حبيبتي الله يخليك شكرا على الرد

أم ماجد · 2014-07-19, 15:27

اقتباس:

المشاركة الأصلية كتبت بواسطة selma2013

مساء الخير يا الفحلات أم ماجد الا راكي هنا حبيت نسقسيك على المطلوع تاعك راني حابة نعجنو درك كنت نشوف في موضوعك وما فهمتش كيفاش نستعمل الخميرة نحطها في ماء دافئ ولا نعجنها هكذاك مع العجينة جاوبيني ربي يجازيك

الحمد لله راني نطل مرة على مرة
اذا كانت الخميرة رقيقة حطيها مباشرة فوق الدقيق وتقدري تنفخيها في الماء الدافئ عادي
ارواحي عاونيني هنا درت كمية كبيرة هههههههههههههههههههههههه

بشرى2008 · 2014-07-19, 15:29

مبرووووووووووك آلكوزينة lyzabell وام منصف صاحبي ههههههههههههههه ان شاء الله تكون فال خير و ترحلي لدارك الجديدة

القبطية · 2014-07-19, 15:31

مينا نينا والسكر ماديريش في التشارك العريان الي مايتعسلش؟؟؟؟؟؟

cuisineshowdalatifa · 2014-07-19, 15:33

أم مللك بالعكس , رانا نستفادوا من بعضنا البعض
اللي راهم يسقسيوا على حلوة العيد نقوللكم ما تنساوس حلوة نص بنص تع أم أماني , يخرج هايل شكل و ذوق و كمية
وهذي أنا غيرت في الشكل فقط

أخت hillim كنت سألتني على بريوش البريوش المالح , وصفة العجينة هايلة وما تندلكش و ما تخذش وقت كبير
هي كأس ماءدافئ و كأس حليب دافئ و كأس زيت و بيضة و خميرة حلويات و خميرة خبز مع الملح و الفرينة
https://cgsho.blogspot.com/2014/07/blog-post_13.html

om rofida · 2014-07-19, 15:35

السلام عليكم اخواتي لي قالو نديرو قاطو كعكعات ممكن الوصفة ربي يجازيكم ان شاء الله راني حابة نطيبها في العيد في انتضار الرد

islam1aya · 2014-07-19, 15:51

سلام عليكم حبيبات واش راكم لاباس
توحشتكم كنت يومين ماشي في داري حت لعند عجوزتي ولعند مومتي
البنات الي يسالو على الشراك المسكر
الحشوة بلا بيض خير لانها اطول وداين الي بالبيض تقدر تفسد بسرعة مع السخانة
الغجينة السحرية زيدو شوفو تع نوال اويحيا ذوقو ماكلتنا تزيدو تفهمو اكثر
ابصحتكم كامل واش طبختو

أم ماجد · 2014-07-19, 15:57

لازالت كواليسب متواصلة من قلب المطبخ الساخن وصفة جارتي اليسون ام الريحة تفحفح

وروزا راهي تتفنن هنا