واش طيبتي اليوم الجزء السابع

[إلهام07]

أتمنى كل اللي غايبين علينا يكونو بخير : كاكينوفا ، أنوشة ، أميرة اليوم غايبة ثاني ، سومة ، شكون نسيت ثاني
المهم كااامل إن شاء الله يكونو بخير وعلى خير ويرجعو لينا سالمين
قبلاتي للجميع

[touta2010]

كاااااش جديد؟؟؟؟؟ مزالو عندي درت شوربة جاج فالكوشة سلاطة حلو مشروب صوامعية روعة وفاكهة

مقدرتش نصور كنت مزروبة وهبلوني بنتي وبنت الضيفة

[أم ماجد]

[ساندي 28]

مساء الخير رحت كي الفحله باش ندير شراك نتاع ام اماني ملقيتش الفرينه راني مزعفه وعععععععع
توته من فضلك شفتك دايرى الفوندو لا في الصفحات الي قبل قوليلي المقادير لو سمحتي وشكرااااااااااااااااا

[أم ماجد]

توتة حطي ولو صورة واحدة
روحي لضيافك راهم يسالو عليك علابالك بللي جايين

[إلهام07]

هههههههههه توتة ، بصحتكم ، من بعد قوليلي كيفاش جاك عصير الصوامعية

أم ماجد ، كي نكون ساعات في الليل وزاهيتلي مانعستش نقطع شرائح برتقال وندير فوقهم السكر ونجيب فرشيطة ونقابل التلفاز واااااي
على بالك باللي فاكهتي المفضلة البرتقال وفي الصيف العنب ، يعني غير جيبي الصحن هنا بالتي هي أحسن
في دارنا كي نشري 2 كغ برتقال ( مانقدرش نشري أقل من 2كغ ) ياكلو هوما رطل وناكل أنا 1.5كغ هههههههههه

[houdehoud]

هذا لغدا نتاعي شوفلور نكره نديرو باللحم او الجاج هو و العدس و اللوبيا

[إلهام07]

المشاركة الأصلية كتبت بواسطة omnadjem.10

مساء الخير رحت كي الفحله باش ندير شراك نتاع ام اماني ملقيتش الفرينه راني مزعفه وعععععععع
توته من فضلك شفتك دايرى الفوندو لا في الصفحات الي قبل قوليلي المقادير لو سمحتي وشكرااااااااااااااااا

توتة راهي لاتية مع ضيافها : الفوندان : كاس ماء مع 1/2 كاس سكر قلاص كي يذوب ويغلي أضربيه بالباتور وخلاص
أنا عمري لانبقى بلا فرينة ، نشري نتاع الميزان ، كل 3 أيام نشري 2أو 3كغ وساعات نشري 5كغ وساعات كي تزهالي 10كغ ، مول الحانوت حاسبني نخدم القاطو للناس ، نشري فيها وحدي نخلصهالو خخخخخخخخخ قلت لماما نعود نكوموندي بال25كغ وعلاه عليا كل يوم محملة ههههههه ماما طبعا
أنا كي يبقى عندي 2كغ تشعل اللومبة الحمراء ههههه

[touta2010]

المشاركة الأصلية كتبت بواسطة أم ماجد

توتة حطي ولو صورة واحدة
روحي لضيافك راهم يسالو عليك علابالك بللي جايين

مين نجيبها سيي راهي في بطونهم !!!!!نصورلكم الضياف وهم منتفخين هههههه عصير جربوه هايل

[بريق الامل&]

ضحكتوني يا لعمريات لالا الا الحرب النووية ههههههههههه
ام ماجد
♥ام ماجد صديقتي احبك ♥وسـ احبك♥ وسابقى احبك♥

[ساندي 28]

شكرا الهام حنونه من بعد نكافئك ههههههه

[أم ياسين الزهراء]

صح الهام انا الفرينة نشري تاع الميزان ب25 كيلو والبيض دايما والخميرة تاع الحلوى ب10 لكان تخلاص نوضي الفوضى في الدار

[أم ماجد]

يعطيك الصحة انا نحبه لكن الحبيب الغالي مايحبوش كي يعود ماجد ماكانش فقط نديرو باه مايشمش ريحته مايحبهاش خلاص
حتى روزا ماتاكلش الشفلور ناكله انا وصلاة وابو ماجد ربي يطول في عمره
هدهد باين الشفلور بنين
الهام تفضلي جابلنا ابوماجد شكارة كبيرة ومازالت كاينة شبعت فيها روزا تاكلها كيما انت في نص الليل نسمعها تكروش كي نطل نلقاها تاكل في البرتقال تقسمو على زوج بالقشرة انتاعو وتمص ههههههههههه
حفيظ كذلك اذا قشرتيه ما ياكلوش
انا نحب الحبة تكون كبيرة وهو جاب الحبات صغار لكن كمية كبيرة
بلاك لقاها رخيصة هههههههههه

[بريق الامل&]

صح ام ماجد سومة مش تبان زعما مديتبها الكوزينة محت فيها وراحت
قتلك ارواحي للغرفة السرية ونشايخو تلقاي كما انت بزاف وتحلى القصرة خليك من صلاة وربايعها هههههههههه

[أم ماجد]

بروقة نموتو عليك
السطايفية يا بروقة والله غير الجود والكرم والفحولة مانيش نشكر هذه هي الحقيقة بصح لي قدم ليهم عنده ماينتظر هههههه