صباح الخير عزيزتي ام ريمة هاي وصفة القاطو لي طلبتي و اسمحيلي على التاخير
قاطو les cloches
100غ مارغرين من الاحسن فلوريال 50غ سكر رطب 3 صفار بيض قرصة ملح م ك فاني تخدميهم بيدك مليح و تزيديلهم 200غ فرينة تتحصلي على عجينة مليح تخليها ترتاح 15 د و مبعد ديريها في ليمول و لعجينة لخرى تطبعيها و ديري منها الغطاء و تحطيها تطيب
هو يتخدم بنفس طريقة البالون
الحشو كبريس ذايبة في حمام مائي زيديلها كمشة نوازات او جوز او لوز مقلي و مرحي شوية نيسلي م ك زبدة 2 م ك معجون و تخلطيهم مليح و تحشي بيهم الحبات و مبعد تحطي الغطاء رايح يلصق وحدو
لقلاساج شوكولا ذوبيها في حمام مائي دون اضافات و السر تاع الشوكولا باش جي مليحة و تبرق كي تذوبيها نحيها من فوق الناس و خفيها ب لي قلاسون رايحة تكون الشوكولا سخونة بزاف و هما باردين يذوبو ثمثم و تخدميها بسرعة بلافوي مليح مليح و رايحة تتحصلي على احسن قلاساج بالشوكولا انا نستعمل بات اقلاسي اسمها فضيلة هايلة
ومن فوق تزيني بالحلوى تاع التوت و لا تخدمي سوغيز بلابات داموند كيما تحبي
ان شاء الله نكون افدتك و فهمتيني و اي سؤال راني هنا و بربي انشاالله ما نبخلش على ميمتي بحتى حاجة
و بالنسبة للصور من الصباح و انا مع مركز التحميل الخليج و ما حبش يخدم يقلي بروبلام كي يتصلح ان شاء الله رايحة نضيفهم
( تقرير عن مشاركة سيئة )، و الموجودة أسفل كل مشاركة .
2013-10-30, 09:12
العرض العادي
