الجزء 151 من مطبخ واش طيبتي اليوم اتفضلووو عنديي مرحباا

[الرجاء الاماني المجد]

ام رحاب شكر على وصفة الشاي نفس الطريقة اطيبي
البحر الصافي صباحالفل وشكرا عزيزتي وعيدك مبروك انت وام هديل

[البحر الصافي]

المشاركة الأصلية كتبت بواسطة x ام رحاب x

البحر الصافي اهلا وسهلا هادي غيبة وين كنتي
ام حبوبة حوسي حبيبتي تستاهلي واشلري كل حاجة متشهيا فيها وبصحتك الجملة مع داركم

اهلا بيك ام رحاب راني قررت ما ندخلش ولكن محبيتش نتجاهلك كي تفكرتيني ربي يخليك حتى انا راكي ديما في بالي وسقسيت عليك هداك النهار كي رحتي للطبيب وطولتي مشكورة اختي

[البحر الصافي]

المشاركة الأصلية كتبت بواسطة الرجاء الاماني المجد

ام رحاب شكر على وصفة الشاي نفس الطريقة اطيبي
البحر الصافي صباحالفل وشكرا عزيزتي وعيدك مبروك انت وام هديل

صباح الخير الرجاء وكل عام والجزائر بخير
العسل تاع ام انس كي تخدميه راكي معدتيش تستغني عليه ابدا راهو خير من المشري

[زينب 83]

ام رحاب صباح الخير يا غالية وشراهو خوك ماعليهش

ام ريمة ربي يحفظ وليدك و تشوفيه في اعلى المراتب عقبال ما توجديلو عرسو ان شاء الله

ام جوجو تسلمي غاليتي ربي يحفظ وليداتها كامل يا رب

الرجاء الأماني ربي يجازيك خير على الوصفات

البحر الصافي صباح الخير حبيبتي


الدرة المكنونة شكرًا على الوصفات نورتي الكوزينة

[الرجاء الاماني المجد]

زينب صباحك سعيد وعيدك مبروك وكل عام والجزائر الحبيبة بخير وسلام لاشكرا على واجب

[البحر الصافي]

ام انس ربي يشفيك ويعطيك ما تتمني وسلكك على خير وتجيبي احلى بنوتة
وطيابك ديما رائع وراني كنت نجرب وما نصورش خصارة قبل ما نسجل طبعا
اسيا بارك الله فيك انت الوحيدة لي انتبهتيلي البارح
ام حبوبة كدلك سقسيتي عليا ربي يفتح بيبان الخير عليك
ونشكر الاخت ملك لي حطت الدعاء لانو كان عندي في الميكرو وراحلي
وكي شفتو شحال فرحت روحي ربي يدخلك للجنة يارب
نقول للاخوات يحتفظو بالدعاء راهو عندو مفعول كبير وراني مجرباتو ولكن كي تقراوه
تمعنو في الكلمات وحسو بيهم وخرجوهم مكن القلب ورايحين تشوفو العجب بادن الله
الهام اختي اهلا وسهلا ومرحبا دخولك فرحني لاني نحبك في الله
زينب صباح الخيرات والمسرات
وعيد سعيد لابنك

[الرجاء الاماني المجد]

[اسمهان79]

صباح الخير على كامل لبنات لعوتق والمتزوجات
زينب انا ثاني سمعت بهاذ لكلام وجزوه مرة في الإذاعة في حصة فتوى ولاكن تتذكر راهم المصريين دارو حالة عليه في قنواتهم في ظربة السودان
لكن البعض احله لأنه قول شعري لا نأثم به و البعض كيما قلتي حرمه و الله أعلم
أم رحاب الف شكر حبيبتي على الطريقة رغم أني جربت عدة طرق لكن هاذا لا يمنع اني نزيد نجرب
أم جوجو بصحتك التحويسة حبيبتي
أم وابنة ربي يشفي الغالية يا رب
كل عام وانتم وبلادنا بالف الف خير وربي يبعد عليها الحساد والفساد
الرجاء والدر والبحر كلكم يسعد صباحكم

[زينب 83]

صباح الخير غاليتي اسمهان. وشراهم البنوتات لاباس ، و شراكي انت من صحتك لاباس

حبيبتي الفتاوى راهي من كبار العلماء لي مايفتيوش الا بدليل شرعي ، و الحلف بغير الله لا يجوز في اي قول كان و الشعر يعتبر من الأقوال ،

تشفاي بكري لعجايز كانوا يحلفوا برأس فلان و فلان راهي كيفكيف ، و زيد ماناش مضطرين نغضبوا رب العالمين لانو الجزاير في قلوبنا دائماً حتى من دون نشيد
و كيما قال الشيخ العثيمين رحمه الله ، دع ما يريبك الى ما يريبك

بلاك بدلت الموني راح ندير شوفلوغ و راني قلقاااااانة هههههه حابة نخرج لكن مشومرة و راهو كلشي صولد كيما قالت ام حبوبة كلش يقولك أشريني ههههههه

[omjoujou]

يسعدلي صباحكن حبيباتي ام هديل ام ريمة البحر الصافي اسمهان زينوبة
زنوبة حبيبتي وش لي معجبكش في البارك تاع فسديس؟؟؟؟؟؟؟؟؟زادو فيه حوايج هايلين وزيد محترم وكاين بارك تاع جرمة يسموه بارك لمباركية تاني مليح بصح انا نفضل تاع فسديس خير
اسمهان حبوبتي الله يسلمك
ام ريمة حبيبتي ربي يقدرك ويعينك وينجحلك وليدك
البحر الصافي وردتي الجميلة علاه راكي زعفانة وعلاه متزيديش تدخلي الكوزينة ؟؟؟؟؟؟؟؟ياك غير الخير صدقيني والفتك ووالفت اطباقك الشهية متزيديش تعاودي هاذ الهدرة العني الشيطان حبيبتي
ام رحاب لعزيزة تاعي ربي يقدرك نتي تاني ويعينك على الشغالات لي كيما قولتي متخلاصش

[omjoujou]

غدايا لقاني راح ندير سباقيتي ونزيد ندير معاه رخسيس ونسيق والقش حتى لعشية ونغسلو ميكفينيش الوقت نديرهم كامل
زنوبة حبيبتي يعطيك الصحة على المعلومة صدقيني اول مرة نسمع هاذ الفتوى يعني منزيدوش نحفظو اولادنا النشيد؟؟؟؟؟؟؟مع انو اولادي مزال الصغار نهدر منا وجاي

[آسيا 27]

صباح الخييييييير

[Oum yousra]

صباح الفل و الورد والياسمين لحبايبي الغاليييييييين كاااااااااااااااامل راجعت من الالف للياء يعطيكم الصحة على الطيابات الي حطيتو من البرابش للبركوكس لبيتزا للمبسس لكرواسو للقاطو آت كلشي رووووووووعة روووووووووعة يسلمو دون استثناء

[البحر الصافي]

المشاركة الأصلية كتبت بواسطة omjoujou

يسعدلي صباحكن حبيباتي ام هديل ام ريمة البحر الصافي اسمهان زينوبة
زنوبة حبيبتي وش لي معجبكش في البارك تاع فسديس؟؟؟؟؟؟؟؟؟زادو فيه حوايج هايلين وزيد محترم وكاين بارك تاع جرمة يسموه بارك لمباركية تاني مليح بصح انا نفضل تاع فسديس خير
اسمهان حبوبتي الله يسلمك
ام ريمة حبيبتي ربي يقدرك ويعينك وينجحلك وليدك
البحر الصافي وردتي الجميلة علاه راكي زعفانة وعلاه متزيديش تدخلي الكوزينة ؟؟؟؟؟؟؟؟ياك غير الخير صدقيني والفتك ووالفت اطباقك الشهية متزيديش تعاودي هاذ الهدرة العني الشيطان حبيبتي
ام رحاب لعزيزة تاعي ربي يقدرك نتي تاني ويعينك على الشغالات لي كيما قولتي متخلاصش

ربي يخليك ليا يا احلى ام جوجو وربي يحفظلك وليداتك وبصحتك التحويسة
كنت حاسباتك من قسنطينة ظهرتي من باتنة قريبة خلاص لينا ربي يحفظك
حتى حنا رحنا العام لي فات للبارك ولكن الاخر لي يجي خارج باتنة لي فيه الالعاب المائيةعجب لولاد

[أم ملك]

المشاركة الأصلية كتبت بواسطة البحر الصافي

ام انس ربي يشفيك ويعطيك ما تتمني وسلكك على خير وتجيبي احلى بنوتة
وطيابك ديما رائع وراني كنت نجرب وما نصورش خصارة قبل ما نسجل طبعا
اسيا بارك الله فيك انت الوحيدة لي انتبهتيلي البارح
ام حبوبة كدلك سقسيتي عليا ربي يفتح بيبان الخير عليك
ونشكر الاخت ملك لي حطت الدعاء لانو كان عندي في الميكرو وراحلي
وكي شفتو شحال فرحت روحي ربي يدخلك للجنة يارب
نقول للاخوات يحتفظو بالدعاء راهو عندو مفعول كبير وراني مجرباتو ولكن كي تقراوه
تمعنو في الكلمات وحسو بيهم وخرجوهم مكن القلب ورايحين تشوفو العجب بادن الله
الهام اختي اهلا وسهلا ومرحبا دخولك فرحني لاني نحبك في الله
زينب صباح الخيرات والمسرات
وعيد سعيد لابنك

السلام عليكم ورحمة الله تعالى و بركاته

صباح الخير عليكم كامل
و الله فرحتيني بدعوتك مع الصباح الواحد شاخصو غير دعوة كيما هادي أمييييييييين و لك بالمثل
أم رحاب شكرا يا الحنينة ربي يشفيك و يعافيك و يفرحك بوليداتك
أم و إبنة شكرا و ربي يشافي بنتك نقولك جربي شربيلها زيت الضرو خلطيه مع زيت الزيتون ﻷنو ريحتو شوية قاوية جربتو لبناتي و الحمد لله ريحو من السعلة
فطوري بواقي ﻷنو زوجي ما يجيش يفطر سينو مايبغيش ياكل الصابح و لله الحمد و المنة
عندي قريب شهر ما خرجتش من الدار نهائيا و اليوم إن شاء الله رايحة لدارنا نزور زوجة عمي جات عندهم دارت عملية على عينها ربي يشافيها و نرجع و بما أنو زوجي باع اللوطو قالي روحي لروحك شحال راني فرحانة

أستغفر الله الذي لا إله إلا هو الحي القيوم و أتوب إليه