الجزء 151 من مطبخ واش طيبتي اليوم اتفضلووو عنديي مرحباا

[ام و ابنة]

اااه فهمت اكيييييد عجبهم المقيرط انا من صورتو و عجبني بصحتكم
وش من راحة انا ما نرقدش في النهار و بنتي راهي في حجري مغمضة عينيها بصح ماش راقدة سبحان الله كي تكون فاطنة ما تسعلش خلاص و كي ترقد شويا تبداها نزيد شويا و نغسللها و نبدللها و ضرك ينوض خوها كيف كيف نفطرهم و نجاهد بينهم و بين المسفوف و المبسس خخخخ ما رانيش خارجة اليوم

الدرة المكنونة و الله هاااايلة بصحتكم عجبتني بصح في الصورة بانتلي ماشي كسرة شغل رقاق او شخشوخة

[oum islem]

هدو تاع نهار الخميس
للغدا راني نخمم في العيش او البركوكس عندنا البرد
نستنا في الموافقة بالاجماع مازال ما كملش التصويت

صباح الخير ام جوجو ام امينة الرجاء ام رحاب وام وابنة
حبيبتي ام رحاب كلامك جواهر واختي أم وابنة دائما تعجبني طريقتها في النقاش ومغامرتها ونقراها حرفيا
صباح سعيد للجميع
الرجاء شكرا لك على النقل المفيد راني قاغديتها في مفكرتي
نراجع شوية قبل ما يكمل التصويت

[x ام رحاب x]

اسمهان وحنان هاهي الوصفة تاع لاتاي ان شاء الله اتجربوها واتعجبكم
توجدي كاسرونة كبيرة تاع الما يغلي واتوجدي لتاي ديالك لازم ايكون من النوعية الجيدة اتحطي الكيل الي راكي رايحة اتكيلي بيه وكي يغلي الماء لازم اتشلي لاتاي ديالك 3 مرات باه ايروح كامل هاداك اللون الغامق ومايجيكش بنين امبعد حطيه ايطيب في الماء على نار قليلة وخليه حتان اتشوفيه عقد في هاداك الوقت جيبي النعناع اليابس والاخضر خليه امبعد شلي النعناع بالماء البارد وكسريه كامل مليح وخليه في البراد تاع لاتاي وكي يعقد لاتاي الي كنت اطيبي فيه صفيه على النعناع وتم هو السر ديال لاتاي تبقاي اتعقري فيه يعني تبداي اتخاطي فيه ماشي بالمغرف لالا لازم لاتاي تخلطي في زوج بقارج حتان اتشوفي لاتاي تاعك ادير في الرغوة واتبقاي تعقري حتان اتشوفي رغاوي كثرت امبعد اجيبي السكر واتكملي نفس الطريقة وكي اتشوفيه عاد الحلو نحي النعناع اليابس واديري لخضر ويلا حبيتي قطرات من ماء الزهر وان شاء الله يعجبكم

[omjoujou]

صباح النور لكل الملتحقات
الرجاء ام امينة انوااااااااار الايمان ام رحاب ام وابنة ام اسلام درة المكنونة
ام وابنة ربي يشفي بنتك انا تاني لجين بايتة تسعل حشاك حتى تتقيا انا راني كرهت من الدواوات ليوم نشري حلوة الترك ونخلطها مع زيت الزيتون ونشوف تراه
نخليكم نروح نغسل للولاد ونعطيهم لحليب
ونروح لسغالاتي غدايا مزال مفكرتش فيه وعندي غسيل القش ربي يعينا كامل
حقا نسيت ليوم عيد ميلاد ولد زينوبة و ولد ام اسلام عيد ميلاد سعيد وربي يحفظلكم وليداتكم وتشوفهم في اعلى المراتب
سلاااااااااااااااااااام

[الرجاء الاماني المجد]

ام وابنة نهارك سعيد ومبروك وربي يحفظلنا بلادنا ويحميها
ام اسلام بصحتك البيتز
ا م وابنة والله معلبلي وش نديركنت حابةندير المبسس بصح معنديالسكر اخلاص حتان لعشية بلاك نجربو
اكتبلي اموابنة كيفاه درتي العسل بالكيل والطريقة

[ادرة مكنونة]

المشاركة الأصلية كتبت بواسطة ام و ابنة

اااه فهمت اكيييييد عجبهم المقيرط انا من صورتو و عجبني بصحتكم
وش من راحة انا ما نرقدش في النهار و بنتي راهي في حجري مغمضة عينيها بصح ماش راقدة سبحان الله كي تكون فاطنة ما تسعلش خلاص و كي ترقد شويا تبداها نزيد شويا و نغسللها و نبدللها و ضرك ينوض خوها كيف كيف نفطرهم و نجاهد بينهم و بين المسفوف و المبسس خخخخ ما رانيش خارجة اليوم

الدرة المكنونة و الله هاااايلة بصحتكم عجبتني بصح في الصورة بانتلي ماشي كسرة شغل رقاق او شخشوخة

ربي يخليك اختي الكسرة نتاعنا نديروها بازيت تجي كي الرقاق غير مطبقة على اربعة

[البحر الصافي]

الرجاء هاكي طريقة ام انس في العسل راهي هايلة
https://www.djelfa.info/vb/showthread.php?t=1218668

[x ام رحاب x]

ادرة المكنونة بصحتك الطبق ايشهي تسلم ايدك
ام جوجو ربي يعينك حبيبتي الشغل مايخلاصش
ام اسلام اكلك فيه لمسة فنية حبيبتي
ام وابنة ديري لبنتك دوا تاع العرب مافادهاش الدوا تاع الطبيب

[x ام رحاب x]

البحر الصافي اهلا وسهلا هادي غيبة وين كنتي
ام حبوبة حوسي حبيبتي تستاهلي واشلري كل حاجة متشهيا فيها وبصحتك الجملة مع داركم

[oum islem]

صباحك سعيد الدرة المكنونة وشكرا على الطريقة لي حطيتيها

حبيبتي أم رحاب راكي بلسم يا طيبة ربي يحفظك
أم وابنة زوجي ديموقراطي مع أولادي والروضة في نفس الحي لي نسكن فيه
بصح مستحيل نديه زوجي يغضب عليا وما يجيبليش العجانة يموت كان نقولو نخرج من الدار
اما على الروضة دخلها فقط ابني الكبير مدة شهرين فقط ورجع للمسجد
يعني الحروف والكتابة وحفظ القران والرسم والاشغال اليدوية مسؤوليتي قبل دخولهم المدرسة الابتدائية
والحمد لله على كل الاحوال

واخيرا غدانا بركوكس بالاغلبية الساحقة
وندير شوية مقيرط ولا مبسس وكي نعسل القريوش تاع ام سهام نعسلهم ونرجع في وقت لاحق

اللهم وفقنا لما تحبه وترضاه وسدد خطانا وارحمنا برحمتك يا أرحم الراحمين

[omhadil]

صباح الخيرات كى صبحتو
كل عام والجزائر بالف خير

[البحر الصافي]

بلادي أحبك فوق الظنون وأشدو بحبك في كل نادي

[أم ريمة*]

صباح الخير بنات يعطيكم الصحة على الاطباق الشهية ام سلام بصحتك لمحاجب والقعدة مع لميمة
ام جوجو الله يخليك بنيتى ام رحاب شكرا على طريقة التاى بصح كى نبداو نخدمو باش يطلع لموس يبرد وكى نزيد نسخنو تروح الرغوة وين الحل ؟؟
الدرة المكنونة شكرا على الوصفة وياريت تعطينا طريقة الكسرة انتاعكم بالتفصيل الممل وباينة بنينة
ام وابنة شفتى الام مع الشقى للممات انا رانى نوجد فى كابة ابنى الصغير وخارجة نشريلو بعض الادوية وفواكه ولبارح درتلو قاطو راه سنة ثانية جامعى نسيت ونخبزلو الكسرة ونشريلو اللبن يموت عليه يديه معاه خلونى اروح ولا يتمحى كلش من مخى هههههههههه

[الرجاء الاماني المجد]

[زينب 83]

صباح الخيييير ياغوالي


ام اسلام ربي يطول في عمر وليدك يا رب و يجعله من ألعاب دين الصالحين

ام جوجو بصحتك التحويسة ربي يهنيك حبيبتي ، انا رحت لبارك فسديس الصراحة ماعجبنيش خلاص ، قالولي بلي كاين واحد احسن منو المرة الجاية نروح لو واقيلا اسمو اللومبي

البارك تاع سطيف احسن بزاف بزاف لكن من ناحية الحرمة و التنظيم تاعكم خيرررررررررر

ام حبوبة بصحتك لمة العائلة ربي يهنيك يا رب

آيات دايما تتحفينا بأطباقك ما شاء الله


الجمان يعطيك الصحة غاليتي

ام اماني و عبدو راني منين قريت ردك دعيتلك حبيتي و راني دايما نتفكرك حنونة

ام و ابنة ربي يشفي بنتك يا رب اذا كانت تقدر تشرب ديريلها عصير البصل مع العسل هاااااااايل للسعلة ، اما الزعل كيما قلت راهو في كامل العائلات
انا و راجلي تفاهمنا في اول زواجنا مهما كانت المشكلة لي بيناتنا ماكانتش تخاصم ابدا يعني عمرنا لا رقدنا و احنا متخاصمين حتى كون نتقاتلوا هههههههههه

ابي جاء لبارح جاب بيتزا يعني بدل الموني و انا فرحت لانو زوجي ماياكش لاتارت اذا كانت بمناسبة عيد ميلاد ، لكن بكل صراحة القنوات الجزايرية كارثة رغم كثرتها لبارح و لا قناة لقينا في حصة او شريط او حتى فيلم على الثورة ، غير حصص غناء و مجون او حصص رياضية


ام انس ربي يحفظك حبيبتي و يسلكك على خير


لبنات هذا واش تذكرت حبيباتي كي نزيد نتذكر راني ندخل نزيد نكتب


غدايا شربة عدس و سلاطة و خبز و حاجة اخرى مازال ماخممتش واشنو

حقاً حبيت نبهكم لشيء حبيباتي


قسما بالنا زلات الملحقات وووووو راهو حلف و قسم بغير الله تعالى ، و راكم علابالكم بلي الحلف بغر الله لا يجوز ً


و هذي الفتوى منقولة من موقع اسلام ويب

المعروف أن النشيد الوطني الجزائري يبدأ بقسم "قسما بالنازلات الماحقات ....." وهناك من قال إن هذا غير جائز، فهل هذه الفتوى صحيحة وإن كان صحيحا فماذا نفعل أنكف عن ترديد النشيد الوطني أم ماذا، الرجاء الإجابة؟ وشكراً مجدداً.

الحمد لله والصلاة والسلام على رسول الله وعلى آله وصحبه، أما بعـد:

فمن المقرر شرعاً أن الحلف لا يكون إلا بالله تعالى، لأن الحلف تعظيم، والتعظيم لا يكون إلا لله، فلا يجوز للمسلم أن يحلف بغير الله، أو أن يردد قولاً متضمناً الحلف بغير الله، روى البخاري ومسلم عن عبد الله بن عمر رضي الله عنهما أن النبي صلى الله عليه وسلم قال: من كان حالفاً فليحلف بالله أو ليصمت. وروى أبو داود والترمذي عن ابن عمر أيضاً أنه قال: سمعت رسول الله صلى الله عليه وسلم يقول: من حلف بغير الله فقد أشرك.

والله أعلم.