الى ام اسيد1 وكل وحدة حاصلة واش الطيب

[روح مراد]

آمين يا ربي العالمين و يعطيك ما تتمناي إن شاء الله يا أم سهيل و يعطيكم ما تتمناو كامل يا أخواتي العزيزات

[ام هاديل وياسين]

السلام عليكم
كي راكم لبنات وكي ام حمزة مع القلون ويحفضلك عايلتك من كل شر
روح مراد الله يحققلك امنيتك ويرزقك بذرية صالحة اميين
تحية لكل البنات

[ام حمزة22]

سلام
انا اليوم ما قدرت ندخل منين نكتب ونبعت رد ما يلخقش

[crono]

المشاركة الأصلية كتبت بواسطة om hadil

صباح النور يسال عليك الخير اختي ام ادم الحمد لله راهي احسن الله يسلمك
صباحك اسعد اختي كورنو وصحى فطورك

صباح الخير أختي ونهارك اسعد

المشاركة الأصلية كتبت بواسطة ام اسيد1

السلام عليكم
شوفو واش درت البارح في العشاء قلت كامل دارو الشخشوخة غير انا قالك عاند ولا تحسدهههههههههه




[COLOR="rgb(46, 139, 87)"] سلام [/COLOR]

وعليكم السلام ام اسيد بصحتكم الشخشوخة حت أنا نموت عليها حت كي تكون حرة
بصح زوجي مع ولدي ميكولوهش

المشاركة الأصلية كتبت بواسطة روح مراد

آمين يا ربي العالمين و يعطيك ما تتمناي إن شاء الله يا أم سهيل و يعطيكم ما تتمناو كامل يا أخواتي العزيزات

روح موراد نشاء الله ربي ينولك الي في بالك ونشوفوك ماما بي ادن الله

المشاركة الأصلية كتبت بواسطة ام حمزة22

سلام
انا اليوم ما قدرت ندخل منين نكتب ونبعت رد ما يلخقش

ام حمزة كي راكي من صباح ريحتي من مصران اكيد من الحاروالله يوفق في اعمالك ويخليلك عايلتك
رانا كامل نعاني من مشكل تقل المنتدى النت هذه الأيام راهي ثقيلة و ما تساعدش على الردود
كل اليوم جمعة فطور المسفوف نديروه بالجلبنة ا
و سلامي الحار لكل واحدة باسمها

[ام حمزة22]

سلام
صباحكم سعيد ويومكم اسعد حبيباتي
يا محلة النت فالصباح الباكر هههههههههه
لبنات وقيلة نبدلو التوقيت ونعودو ندخلو غير فالصباح للباكر النت خفيفة حتى المنتدى ولا خفيفي
المهم نقدملكم الطبق نتاع البارح لي هو البركوكس اي المحمصة
على بالي كل واحد وطيقة تحضيرو
طريقة امي وطريقة عجوزتي ربي يحفضهم ما راهيش نفس الطريقة
انا نحب بزاف طريقة امي ربي يحفضهالي وهي
في قدر نحط الخضر لي هي بصل +قرعة +بطاطا+ لفت + جزر + حميصة + جلبانة + حشيش مقطفة + زيت + فلفل عكري + فلفل اكحل + فلفل حار قرفة + ملح + طماطم مصبرة
نخلي هاد المكونات تتقلا منبعد نمرق بعد ماتغلي المرقة نضيف البركوكس تقريبا كاس غير مملوء باه جي المرقة خفيفة



[I
وهادي صلطة جزر
نغلي الجزر في ماء وملح ونحضر درسة بالفلفل دريس والثوم والكروية ونضيفها للجزر بعد ما قطرناه
نضيف لالسلطة زيت وخل ونقدما بالصحة والهناء
نموت على هاد السلطة حتى ولادي يحبوها
ملاحضة :الا قلقاتك رحت الثوم سيدتي بعد ما تاكليها ماعليك غير تمضغي غصن معدنوس باه تروح ريحت الثوم من فمك ههههه

[ام حمزة22]

يسقسي عليك الخير كرونو
انا اليوم نطيب رشتة نزيد نكمل على المصران راني نبربر فيه غير باكتيفيا هههههه
وجا في بالي فالغد بادن الله ما نطيبش ندير اضراااااب ولادي كي درت البارح مسمن شبعو وما تعشاوش راه قعد نخليهلهم للغد وعلابالي اليوم ما ينوضوش بكري يشربو قهوتهم على 11 صافيك ما ياكلوش بزاف الرشتة ونزيد نخليهالهم للغد
وهاكدا راني طفرت الراحة فالغد ان شاء الله ونقعد غير مع الصنعة هههههه

[ام هاديل وياسين]

صباح الخير وجمعة مباركة للجميع
كي راكم ا لبنات الله يسلمك اختي كورنو ام حمزة ان شاء الله تكوني ارتاحتي شوية
وبصحتكم البركوكس ومفهمتش هداك بركوكس ولا محمصة ومتضحكيش منعرفش الرشتة اكيد عندها اسم اخر عندنا
بتوفيق حبيبتي

[ام حمزة22]

ام هديل انا علاه نضحك عليك انا تان كاين بزاف حجات ما نعرفهمش فالطبخ وكل واحد واش يسمي الاطباق مثل البركوكس هو اصلا يتسمى محمصة وانا والفت نسميه بركوكس ههههه
اما الرشتة ما علاباليش واش يسموها نسقسي ونردلك الخبر هاد النوع من العجائن يتخدم فاابيت نحضر عجينة متل المسمن كيما تقولولو حنا نسموه معارك وهديك لعجينة نحلها فبي مشينة البقلاوة وانا نعرفها من بكري ماشينة الرشتة نحل هديك العجينة على شكل شرائط ونخليها تشيف فوق دراوات فيها القليل من الفرينة من بعد نجوزها فالمشينة لي تخرج شكل الخيوط وهي الرشتة نفورها وهاكدا جاهزة للطبخ
ام هديل الرشتة المنزلية راهر تتباع عند لي يبيع الجاج سقسيه عليها
ان شاء الله تصيبيها وجربيها وتعطيني رايك فيها

[ام حمزة22]

نسيت ما قلتلكمش لي يحب طريقة تحضير الرشتة هي موجودة في للصفحة13
سلاااااااممممممممم
تحياااااااااااتيييييييي

[ام هاديل وياسين]

شكرا على الوضوح ام حمزة درك عرفتها احنا نسموها القوارط وعندي وحدة جارتي تخدمها
وتحظيرها كاين اللي يطيبوها بالمرقة وكاين اللي يفوروها ويديرو فيها الفرماج والبيض مغلي
ذوقها رائع

[*أم جابر*]

السلام عليكم و بركاته

انا فطوري اليوم سردين بالزيتون اسود حنا في دارنا مانديروهش تعلمتو عند عجوزتي والله بزاااااف بنين اللي تب الطريقة مكاش مشكل

و ثاني درت السفيرية ما نعرف ولا كامل الاخوات يعرفوها سلام

[ام حمزة22]

سلام
ام هديل وام اسيد حوالت شحال مالمرة نبعت ﻻلرد و مايروحش
كتبت شحال من جرنان وتبحر
ان شلء الله هادا يلحق

[crono]

صباح الخير للجميع

[روح مراد]

صباح الخير
واش راكم إن شاء الله تكونو ريحتو شوية
أم حمزة و اللي يعانيو من الكولون
راهي أوراق الخرشف حل لهاذ المرض
حطو مايغلي مليح من بعد ضيفو لو شوية من أوراق الخرشف بعد ما تغسلوها مليح و طفو على الماء و غطيوه و خلوه حوالي 5 دقايق و من بعد نحو منو الأوراق كي نخلوها رايحة تطلق لون أسود و شديد المرورة من بعد شربو هاذاك الماء راهو مر مي لازم تسيفو على روحكم شربوه غير بشوية
و ربي يشفيكم بالصح نقسو شوية من الأكل (هاههاهاها) نتوما داخلين عليها شخشوخة، رشتة، بركوكس، سفيرية .... راني نبدا نجوع على 9 نتاع صبح من هاذ الأطباق

[صدفات]

صباحكم سعيد يا حبيباتي كي راكم حنا راه البرد عندنا بزاف