الى ام اسيد1 وكل وحدة حاصلة واش الطيب

[hanane09]

مساء الخير يا بنات توحشتكم واعتذر منكم ما رانيش نتبع مليح النت هذه الأيام راهي ثقيلة و ما تساعدش على الردود

[ام حمزة22]

اهلين حنان
يتوحشك الخير هدي غيبة
المنتدى راع تقيل وبسيف باه تقدري تبعتي الردود ان شاء الله يصلحو هاد الخلل

[صدفات]

صباح النور يا الفحلات كي صبحتو أم حمزة إن شاء الله تكوني ريحتي من المصران أنا ثاني نعاني منه قال لي الطبيب عندك القولون العصبي يجي من القلق و حنا حياتنا كامل قلق العمل البيت الزوج والأولاد ......الخ وأنا نضن كامل الناس تعاني منه.المهم ستحفضي على روحك ما تكثريش المعجنات البقوليات و الحار راهي تهلكه

[*أم جابر*]

السلام عليكم
شوفو واش درت البارح في العشاء قلت كامل دارو الشخشوخة غير انا قالك عاند ولا تحسدهههههههههه




[COLOR="rgb(46, 139, 87)"] سلام [/COLOR]

[ام حمزة22]

المشاركة الأصلية كتبت بواسطة صدفات

صباح النور يا الفحلات كي صبحتو أم حمزة إن شاء الله تكوني ريحتي من المصران أنا ثاني نعاني منه قال لي الطبيب عندك القولون العصبي يجي من القلق و حنا حياتنا كامل قلق العمل البيت الزوج والأولاد ......الخ وأنا نضن كامل الناس تعاني منه.المهم ستحفضي على روحك ما تكثريش المعجنات البقوليات و الحار راهي تهلكه

صباح الانوار صدفات
والله متل ما تقول امي حفضها الله ( نباتو مع الموتا نصبحو مع الحيين) والحمد لله على كل حال
وكلي ما وصيتي على اللمعجنات انا اليوم درت بركوكس (محمصة) بالحار كي يكون البرد كيما هاك نحب نطيبو فالسابق كانت امي طيب قدرة ليا وليها برك خاوتي ما يكلوهاش تساميني ونساميها وناكلوها سخونة وحارة مع البرد مانحكيلكش هههههههه
[QUOTE=ام اسيد1;3992037134] السلام عليكم
شوفو واش درت البارح في العشاء قلت كامل دارو الشخشوخة غير انا قالك عاند ولا تحسدهههههههههه


وعليكم السلام ام اسيد بصحتكم الشخشوخة
على فكرة رانا كامل عندين لي نشوفوها هنا فالمنتدى نحبو نطبقوها هههههههههههه

[تغرينية]

سلام عليكم الله يشافي كل مريض

[ام حمزة22]

قبل ما نحمل ونحط الصور نحب نسال على ام ضافر ما بانتش عندها بزاف ان شاء الله المانع خير
ام ضافر كانت اول المشجعات و كنت رايحة نحبس من هاد الموضوع هي شجعتني باه نكمل



روح موراد ما بنتيش هاد النهارات ان شاء الله المانع خير

[ام حمزة22]

المشاركة الأصلية كتبت بواسطة تغرينية

سلام عليكم الله يشافي كل مريض

وعليكم السلا تغرينية
ربي يشافي مرضانا ويرحم موتانا
لبنات الفاجعة نتاع البارح نتاع القطار دارت فينا حالة زوجي كان في انتضار القطار في محطت حيسن داي خدا خلعة الحمد لله كان مازال ما ركبوش
ربي يرحم السيدة لي توفات فيه و يشفي الجرحة ويرجعهم بالسلامة لاهلهم آميييييييييين

[ام حمزة22]

لي عودة بعد قليل بادن الله

[روح مراد]

صباح الخير عليكم واش راكم
يسقسي عليكم الخير و الهناء
راني ندخل منين ذاك للمنتدى في الدار ماعنديش الأنترنت و هاذ الأيام عندي خدمة بزاف على هاذيك ماعنديس الوقت و لكن كي العادة قبل ما نبدا الخدمة نطل عليكم و نتفقد واش راكو الديرو باش نبدا نخدم
و لكن لضيق الوقت مانقدرش نكتب ردود و لا تعليق
شهيتوني في البركوكس و الخرشف و .... (تقول راني نتوحم)

في الحقيقة هاذا ماشي المكان المناسب للسؤال و لكن رايحة نسال بما أنكن مجربات
عندي تأخير في الدورة (هذا لأول مرة في حياتي) اختبار الحمل يقول راهو سالب ماكاش حمل و لكن راني نحس ببعض الأعراض غير عادية في جسمي أدعولي يكون صح راني حامل

[صدفات]

المشاركة الأصلية كتبت بواسطة روح مراد

صباح الخير عليكم واش راكم
يسقسي عليكم الخير و الهناء
راني ندخل منين ذاك للمنتدى في الدار ماعنديش الأنترنت و هاذ الأيام عندي خدمة بزاف على هاذيك ماعنديس الوقت و لكن كي العادة قبل ما نبدا الخدمة نطل عليكم و نتفقد واش راكو الديرو باش نبدا نخدم
و لكن لضيق الوقت مانقدرش نكتب ردود و لا تعليق
شهيتوني في البركوكس و الخرشف و .... (تقول راني نتوحم)

في الحقيقة هاذا ماشي المكان المناسب للسؤال و لكن رايحة نسال بما أنكن مجربات
عندي تأخير في الدورة (هذا لأول مرة في حياتي) اختبار الحمل يقول راهو سالب ماكاش حمل و لكن راني نحس ببعض الأعراض غير عادية في جسمي أدعولي يكون صح راني حامل

صباح النور توحشناك وهذه نهاية السنة تكون الخدمة بزاف ربي يعاونك.
إختبار الحمل باه يكون fiable لازم يكون عندك تاخير اسبوعين أو أكثر و إن شاء الله يكون شتى راكي متمنية
ثقي في إحساسك أنت تعرفي جسمك ربي يفرحك صحة فطورك

[ام حمزة22]

روح مراد الا عندك تاخر 10ايام تقدري ديري اختبار الحمل الا عندك بعض الام اسفل البطن من الجانبين تاكي بادن الله راه حمل
ربي ينولك لي في بالك ان شاء الله

[ام حمزة22]

لبنات الصفحة راهي تقيلة بسيف ندخلها نخليها تفوت من بعد نبعت الصور

روح مراد درك كي راكي تتوحمي مادا بيا ما تدخليش لقسم الطبخ ولا اعطيلنا عنوانك باه نجيبلك الطبخة للبيت ههههههههه

[روح مراد]

هاهاهاهاهاها
شكرا لكن جميعا
في الحقيقة عندي تأخير أقل من أسبوع فقط
رايحة نزيد نعمل اختبار آخر بعد أيام و اللي قدرو ربي معليش
مازال ما بديت نتشهى و لكن إذا كملت ندخل في المنتدى أولادي يخرج فيهم شعار المنتدى و يخرجو مزركشين من الأطباق اللذيذة اللي نشوفها كل يوم
راني نحس بىلام الدورة و لكن ماكانش دورة و نحس بتعب شديد خاصة في المساء لما ندخل للدار بالصح طول النهار وأنا مليحة

[ام سوهيل]

مساء الخير وش راكم لباس ام حمزة وصدفات ربي يجيب الشفاء العاجل

روح موراد نشاء الله ربي ينولك الي في بالك ونشوفوك ماما بي ادن الله