موضوع مميز واش طيبتي اليوم الجزء السابع - الصفحة 65

houdehoud · 2013-05-13, 10:35

اقتباس:

المشاركة الأصلية كتبت بواسطة إلهام07

أم ماجد نسيت نسقسيك ، الجاج هذاك قداش تحطولو زيت ، بزاف ؟

أم محمد تاج ، راني دخت نسيت ، قوليلي هذاك هو لمحور نتاع القسنطينية ؟

الهام بونجوغ

بريق الامل& · 2013-05-13, 10:39

ام ماجد الف لباس عليك يا لغالية هكذا انا يصرالي كي ناكل حاجة مدسمة واذا تحتمت نشرب بيبسان يساعد على الهضم
وديما عصير القارص

بريق الامل& · 2013-05-13, 10:45

مازال ما قررتش لغدا تلفت وقيلة شكشوكة
ليوم دار شيخي راحو يجزو صوف الغنم
يديرو الرفيس والروينة ويذبحو ويقلو الدوارة
ويديرو طعام بالحم

أم محمد تاج · 2013-05-13, 10:45

لهومة لالا رايحة ندير كسكس مرقة بيضاء أي بدون طماطم مصبرة وهاذي نديروها في لعراس كي نتوحش لعراس نطيب بربوشة بيضا ههههههه بصح تاع لقسنطينية ولا لالا والله ماعمبالي كيفاش يقولولها

أم محمد تاج · 2013-05-13, 10:46

أم ماجد بالشفا عليك نشالله وحاذري حنونة منوهك

ام ساجد · 2013-05-13, 10:47

اقتباس:

المشاركة الأصلية كتبت بواسطة الأمنيات

اهلا بالغالية واش راكي راني نستنا في الرساله تاعك لوكان من امريكا تكون وصلت نظن ههههههههههههه
يا اختي بنت اخي عندها 7سنين كانت تقرا ثانية
مرضت بالحلاقم عدة مرات زاد عليها الحال دخلوها المستشفى طور المرض من مكروب في الدم الى سلطان في الدم الى النخاع في مدة اربع ايام فقط
لا غير توفية يوم الجمعه عند صلاة الفجر .يوم ميلاد فاطمة الزهراء بنت الرسول صلى الله عليه وسلم
واسمها ايضا فاطمه الزهراء وغسلها ابوها وامها والحمد لله .............لله ما اعطا ولله ما اخذ

لا حولا ولا قوة الا بالله
ربي يصبركم راني مجربة هاذ الموقف ان شاء الله مثواها الجنة

oum anas 69 · 2013-05-13, 10:51

اقتباس:

المشاركة الأصلية كتبت بواسطة أم ماجد

لبنات البارح ليلة كاملة وانا نتقئ بلاك من الدسوم
روزا قاتلي والله اعلم من الدجاج المقرمش ممكن لا خاطر فيه الزيت بزاف لبنات انتبهوا لي عندها زوجها ولا يماها ولا باباها هندو الدسوم تحاذر

ألف سلامة عليك إن شاء الله لاباس عليك ..... ريحي شوية حتى يزل عليك
كيما قلتي ربما من الزيت أنا نحاول نقص من الدسم قد ما نقدر حتى القليان منقليش بزاااف

ام ساجد · 2013-05-13, 10:53

ام اياد صباح النور ربي ينولك لي بالك ويرتاح خاطرك ان شاء الله
وتجبيلنا الحلاوة **مثلجات يميمي**

أم محمد تاج · 2013-05-13, 10:56

أم ساجد حنونة الله يسلمك واش راكي نشالله لاباس؟؟؟

أم ماجد · 2013-05-13, 10:56

شكرا لبنات رحت بسرعة درت عصير ليمون
البارح ماقدرتش نتحرك نهائيا

لبنات هاهو غداهم

كاين برتقال واذا حبو يقليو البيض انا الله غاب مانقدر ناكل مانطيب
الهام صاحبة الوصفة قالت لتر زيت
انا درت كمية كبيرة من الدجاج والبطاطا

إلهام07 · 2013-05-13, 11:08

هدهد ضحكتيني ، bonjour راكي وليتي دونجي خخخخخخخخخخخخخ

أم محمد تاج ، في قسنطينة في العراس يديرو كسكس بمرق أبيض ويديرو فيه جاج ولحم بزاف والرق غير شوية يحطو الكسكس ناشف مسمغ مليح بالزبدة يم يم ويحطو معاه قطع كبار نتاع لحم ويسقيو شوية برك بالمرق من فوق ، يعني يجي شايح شوية ، يجوزو اللحم مع البربوشة ، بصح بنين فووور ، ماما تربات في قسنطينة قاتلي اسمو "لمحور" بالشدة فوق الواو.

أم ماجد 1ل بزاف ، راهي جي مزيتة ، شجعتيني نديرها بصح هكذا مابقاتش لااقتصادية لاصحية
غاضوني البنات مساكن كاشير وفرماج ههههه وعبدو واش حوالو ؟ لوكان جا ماجد هنا لوكان درتيلو غداء الله الله حتى ومريضة ، حيالة

إلهام07 · 2013-05-13, 11:09

أم ماجد مالفة كي ناكل حاجة وتقهمني ونبغى نتقيا على بالك واش ناكل ؟ طرف خبز ناشف وأحسن لو يكون صابح
تتنحى ثم ثم

ام ساجد · 2013-05-13, 11:12

اقتباس:

المشاركة الأصلية كتبت بواسطة أم محمد تاج

أم ساجد حنونة الله يسلمك واش راكي نشالله لاباس؟؟؟

يسقسي عليك الخير حنونتي والله راني تعبانة عندي مرمة باش نبدل الدوش
ونعدل الكوزينة ووشوي فينسيو في الدار كامل

أم ماجد · 2013-05-13, 11:13

هههههههههههه الهام ضحكتيني وانا والله ماني قادرة نضحك
الان جات صلاة قاتلي مازال شوية حميص
كون تشوفي عبدو ولبنات كي شافوني بتلك الطريقة ولاو يبكيو

ليلة كاملة مارقدتش بصح مانوضتهمش عندهم امتحانات

أول مرة تحدث لي بهاذ الطريقة
رأسي رايح ينفجر وحاسة بقلبي فيه الدسم ههههههههههههه

ابو ماجد ممكن يتغدى خارج المنزل شفق علي بصح خبيتله المطلوع من البارح

*أم كوثر* · 2013-05-13, 11:20

عسلامتك ام ماجد
طهورا ان شاء الله
انا الدجاج المقرمش ندير بنفس الطريقة
نتبل الدجاج ونطيبو في صوص متبلة
من بعد نديرو في فرينة تم بيض تم شابلور ونقليه عادي في المقلة
بلاماندير لتر زيت
ولاكوكوت
ويجي هاااايل