السلام عليكم و رحمة الله و بركاته
بسم الله
أولا يجب التنبيه أن العمل كان في ظروف نفسية صعبة
![1](images/smilies/1.gif)
![1](images/smilies/1.gif)
بسبب إرتباك المنافسة و قوة الخصوم
![Big Grin](images/smilies/biggrin.gif)
![Big Grin](images/smilies/biggrin.gif)
للمعلومة : عين سبنيورية هي أكلة تقليدية في تونس و بعض مناطق الجزائر, و ليست أكلة إسبانية (فقط تسميتها هي تشبيه لعين المرأة الإسبانية لجمالها!!) و قد قمت بتجديد طريقة تقديمها .
ملاحظة قبل البدء بالعمل كنت محضرة 4 بيضات مسلوقين, و خضر مسلوقة مع ماء و ملح : بطاطا و جلبانة و جزر (زرودية ) الخضر نخليهم في الماء السخون متاعهم حتى يسهل تشكيلهم بعد:
المكونات لعين السبنيورية (عين المرأة الإسبانية
![Roll Eyes (Sarcastic)](images/smilies/rolleyes.gif)
) : لحم مرحي, معدنوس مقطع, زيتون مقطع, ملح و فلفل أسود, بهارات مختلفة (حسب الذوق) , بصل مقطع رقيق :
تعجني بإيدك اللحم مع : ملح , فلفل أسود, بصل , بهارات خاصة تابل و كروية مهرسين, معدنوس (كمية الملح و الفلفل أسود كانت قليلة في الصورة,
بعد أضفت تقريبا الضعف) كثروا من البهارات !!!!!!!!! ههههه
بعد ما يتبهر اللحم, خذي منه كويرات صغيرة على حسب أفراد العائلة لإعداد صالصة جانبية.
نعود لإعداد عين سبنيورية : نضع ورقة ألمنيوم و نفرش فوقها اللحم , نضيف له الزيتون المقطع و نضغط عليه حتى يختفي وسط اللحم :
نحاول الضغط حتى نتحصل على شكل مستطيل , و نضع البيضات المسلوقين :
نحاول لف اللحم على البيض بالإستعانة بالورق حتى نتحصل على شكل إسطواني, حاولي تملي الفراغات بين البيض:
ثم لفي الورق على اللحم و سكريه مليح على الجوانب (مثل قطعة الحلوى) :
ضعيه في طبق (
في طبق الكيك الطويل يكون أفضل) و صبي ماء (تقريبا نصف لتر ) أنا هنا حطيت أعواد الكليل لكن ليس لذلك تأثير على طعم اللحم (نحب ريحة حلوة في الكوزينة
![Big Grin](images/smilies/biggrin.gif)
![Big Grin](images/smilies/biggrin.gif)
) و حطيه في الفرن على درجة 220 :
في هذا الوقت اللي يطيب فيه اللحم , نحضر الأكسسوارات
![19](images/smilies/19.gif)
![19](images/smilies/19.gif)
نرحي البطاطا. الجزر باستعمال الشوكة, و الجلبانة نرحيها بستعمال الملعقة في صفاية حتى نتخلص من قشورها :
كمية البطاطا تكون أكثر
نقسم كمية البطاطا على ثلاثة, الكمية الأولى نخليها بيضاء, الكمية الثانية نضيفلها الجزر : برتقالية, الكمية الثالثة نضيفلها الجلبانة : خضراء فاتحة.
نحضر طبق , نحط فوقه ورقة ألمنيوم, و نرش عليه زيت, و بعد خبز مرحي
أشكل البطاطا الملونة لزهرات بيضاء و برتقالية, و أوراق خضراء, أضعهم في الطبق
و ندخله الفرن , حطيه شوية في الرف اللي تحت اللحم و بعد نقليه شوية فوق رف اللحم.
ما تاخذش وقت طويل , فقط لما تتماسك :
بعد ما يبردو يتماسكو أكثر و يصبح نقلهم أسهل
![Wink](images/smilies/wink.gif)
اللحم مازال في الفرن
![Roll Eyes (Sarcastic)](images/smilies/rolleyes.gif)
![Roll Eyes (Sarcastic)](images/smilies/rolleyes.gif)
![Roll Eyes (Sarcastic)](images/smilies/rolleyes.gif)
نحضرو في نفس الوقت صالصة بولونية :
نقلي كويرات اللحم في زيت سخون :
نضيف البصل المقطع, 1 م ك طماطم معجونة, ثوم مقطع, ملح و فلفل أسود , كليل و زعتر مرحين :
ثم نضيف طماطم مقطعة أو مرحية , كليل و زعتر (أنا دائما نحتفظ بكمية من الطماطم المبشورة و مفوحة , في الفريزر , كل ما نستحقها نكسر منها كمية
![19](images/smilies/19.gif)
) :
نسيت نقوللكم ههههه : زيدوها شوية جزر مبشور.
نقليها شوية, و بعد نمرق كمية بسيطة من الماء (تغطي كويرات اللحم) نخليها حتى تخثار , تكون صالصتنا حضرت
![19](images/smilies/19.gif)
:
في هذا الوقت يكون اللحم اللي في الفرن حاضر : نخرجوه و نخليه يرتاح مدة صغيرة , في هذا الوقت نقوم بتحضير أكسسوار آخر
![Big Grin](images/smilies/biggrin.gif)
: كمية بطاطا نرحيها بالشوكة و نضيف لها جبن و شوية زيت, نخلط و نضيف شوية حليب حتى نتحصل على مزيج يشبه الكريمة ,
هنا اللحم حاضر ,
هو لازم يكون أحمر أكثر من هكا ![Embarrassment](images/smilies/redface.gif)
لازم يكون لونه مثل لون لحم البرغر , و قوامه مثل قوام الكاشير ..... الله غالب قلتلكم المنافسة صعييييييييييبة
![Mad](images/smilies/mad.gif)
و الإرتباك سيد الموقف :
ملاحظة اللحم في الأول من الأحسن يكون مرحي مرتين, و إلا زيدوه بيضة نية و جبن مرحي. (قلتلكم STRESS صعيب هههههه)
ندهن اللحم بكريمة البطاطا, ثم نزينها بزهور البطاطا:
بالنسبة للبطاطا و الجلبانة و الجزر اللي يتبقاو في الأخير , نقطعهم و نزيدهم ملح و فلفل أسود , نعناع شايح, زيت زيتون و تن, نتحصلو على سلاطة خضر ,
في التقديم , نقصو اللحم لدوائر , صالصة, و سلاطة , هذه هي صورة النهائية للمسابقة :
نتمنى يعجبكم الطبق و تصوتولي
![Dj 17](images/smilies/dj_17.gif)
![Dj 17](images/smilies/dj_17.gif)
,
و حظ سعيييييييييييييييييد للوهرانية, فايزة, أم أماني و فلة ( ما تصوتولهمش
![Big Grin](images/smilies/biggrin.gif)
![Big Grin](images/smilies/biggrin.gif)
![Big Grin](images/smilies/biggrin.gif)
)
نفدلك عليكم . إن شاء الله تعجبكم المنافسة و نقدمو الأفضل لمنتدانا العزيز.
و السلام .
ما تنساوش هذا طبقي :
نصيحة اللي تحب تجرب الطبق و تخاف من المصاريف : تقدري تعوضي اللحم بشريحة اسكالوب, أو بسكالوب مرحي. لأني هذه الطريقة أيضا معتمدة في عين سبنيورية ![Wink](images/smilies/wink.gif)