le fraisier خطوة خطوة من مطبخي

[ام اماني77]

السلام عليكم اخواتي

بعد وصفة fraisier الاكواب جبتلكم اليوم الطريقة الكلاسيكية لتحضير le faisier بالخطوات المصورة

https://

1_ تحضير الكريمة:

في هذا الوصفة استخدمت كرام موسلين وهي عبارة عن كريمة باتسييير وكريمة الزبدة

نقوم اولا بتحضير كريم باتسيير:

مكونات الكريم باتسيير:

500مل حليب
6 صفار بيض
50غ نشاء
100غ سكر
فاني


نحط الحليب يسخن فوق النار
نخلط صفار البيض مع السكر بواسطة الفووي من بعد نضيف النشا والفاني نفرغ كمية من الحليب على الخليط ونحرك بسرعة ونعاود نفرغ الخليط فوق الحليب المتبقي ونحرك حتى تعقد بهذا نتحصل على كريم باتسيير
نحطها في اناء يكون هابط و نغطيها بالنيلون بحيث النيلون يلامس السطح هكذا حتى ما تعملش القشرة من فوق

https://


نخليها تبرد تماما

من بعد ناخذ 125غ زبدة نحركها بالباتور مع مك فقط من الكرام باتسيير لي حضرناه قبل جييييييييدا حتى تتجانس من بعد نضيف باقي كمية الكريم باتسيير والفاني ونستمر في الخفق حتى نتحصل على كريمة متجانسة


https://]

2_تحضير البيسكوي

المقادير:

4بيضات
100غ سكر
100غ فرينة
فاني
نصف ملعقة صغيرة خميرة


الطريقة:

اولا نسخن الفرن على 180درجة

بواسطة الخلاط الكهربائي نخلط البيض مع السكر والفاني جيدا حتى يصبح لون الخليط ابيض نضيف الفرينة والخميرة المغربلة مسبقا ونضيفها للخليط على 3مرات ونحرك من فوق لتحت
نحطها في صينية الفرن بها ورق الزبدة وندخله يطيب

بعد مايطيب نخليه يبرد تماما


https://



نخليه يبدا تماما من بعد ناخذ مول بالشكل لي نفضلوه انا استخدمت شكل مربع ونقوم بتقطيع البيسكوي هنا راح نحتاج الى 3 طبقات الطبقة السفلية والعلوية نقطعهم بالمول اما الوسطى نستخدم لي شيت لي بقاو من التقطيع ونحاول نشكلهم كطبقة

https://

3_ نقوم بعملية المونتاج

نحضر الكريمة والبيسكوي المقطع والمول وكمية من الفرولة وسيرو نسقي به البيسكوي

اولا نحط المول

نحط الطبقة الاولى من البيسكوي نشربها بكمية من السيرو مانكثروش بزاف
ثم ندهن اطراف المول بلاجولي حتى تشد الفروله كي نستفها
هنا نحاول نختار حبات فرولة بنفس الحجم حتى شكل الفريزيي يجي شباب نقطعها على اثنان بالطول ونستفها ساير داير على المول

https://

نحط نصف كمية الكريمة

https://

نحط فوق الكريمة الفرولة نفضل نقطعها كبيرة حتى ماتطلقش الماء لي فيها واذا كان حجم الفرولة صغير نحطها بلا مانقطعها

https://

نحط الطبقة الثانية من البيسكوي لي بقات من لي شيت

https://


نسقيها بشوية سيرو ثم نحط بقية الكريمة

https://

ثم نحط فوقها كمية من الفراز المقطع ثم طبقة البيسكوي الاخيرة ونضغط مليح

https://

في هذا الوقت ناخذ كمية من الكرام شانتيي غبرة ونطلعها بالباتور مع كمية من الحليب الباااارد ونغطي وجه الكيكة

https://

ندخل الكيكة للثلاجة على الاقل4 ساعات حتى تتماسك الكريمة ونزينها حسب الرغبة انا زينتها بكريمة الشانتيي والفراز وتقطع وتقدم مع العصيرالبارد امممممم

https://

https://

عن قرب

https://

هنا كي قطعته لاحظو الكريمة متماسكة وشكله مغري امممممم

https://

لاحظو الطبقات روووووعة

https://

نتمنى لي مازال ماجربتوش تجربو مادام الفريز متوفر واكييييد راح ينال اعجابها


ملاحظة:

انا المول لي استخدمت صغير لذلك بيسكوي واحد وعملت نصف كمية الكريمة لي عطيتكم اما اذاكان المول المستخدم كبير راح نحتاج الى 2 بيسكوي ونفس الكمية من الكريمة لي حطيتها


في امان الله