هديتي اليكن بعد الغياب.....حلوى الطربوش بالشكولة رووووعة

[ام اماني77]

السلام عليكم اخواتي


بعد غياب طويل عن المنتدى لاسباب خاصة رجعت والحمد لله
توحشتكم بزااااااف ان شاء الله راكم كااااااامل بخير
نشكر كل الاخوات لي سألو عليا الحمد لله راني لاباس
جبتلكم حلوى جديدة تسمى بحلوى الطربوش اقتصادية وتحمر الوجه في المناسبات السعيدة
نعملها في قوالب خاصة نحشيها حسب الرغبة ونغطسها في الشكولة ونزينها بالطلية وحلوى التوت لتأخذ شكل الطربوش

https://

https://

اذن نبدأ على بركة الله في تحضير هذا الحلوى


المقادير:

250غ مرقرين
نصف كاس سكر رطب
نصف كاس بندق محمص ومرحي رقيق وممكن نعوضه باي نوع اخر من المكسرات
بيضة +صفار بيضة
فاني
فرينة

الطريقة:

بواسطة الخلاط الكهربائي نخلط المرقرين والسكر جيداا نضيف البيضة وصفار بيضة ونحرك ثم البندق والفاني ونلم بالفرينة

بالنسبة للقوالب عبارة عن اكواب صغيرة راهي متوفرة في الاسواق يمكن نعمل بها عدة انواع من الحلوى ان شاء الله نحطلكم انواع اخرى بنفس القوالب وبافكار مختلفة

://

https://

راح نأخذ كمية من العجينة ونبسطها في الاكواب

https://

ندخلها للفرن تطيب على 180د وهذا شكلها بعد الطهي


https://

من جهة نبسط العجينة المتبقية ونقطع دوائر بعدد الاكواب

https://

بعد مانطيب الدوائر نخليها تبرد
بالنسبة للحشو نذوب الكابريس مع شوية حليب ونضيف كمية من نيسلي كرامليزي وكمية من نوتيلا ونحشي الاكواب

https://

نحط كمية قليلة من الشكولة الذائبة على اطراف الكوب ونغلق بالدائرة هكذا
https://

ونخليها تنشف حتى كي نقلبها الحشو يبقى للداخل

بالنسبة للشكولة انا استعملت النوار باه ماتجيش الحلوى حلوة بزاف لانها محشية

اذن نذوب الشكولة نوارانا ضفتلها كمية قليلة من الشكولة بالحليب لان اولادي مايحبوش الشكولة نوار ونقصت شوية من كمية الحشو

نغطس الحلوى في الشكولة ونقلبها على جهة الدايرة لي لصقناها ونخلوها تنشف
https://

من جهة نحضر الطلية لي نزين بها

نخلط كمية من بياض البيض مع السكر الرطب والفاني والملوى الاحمر ونزين بهذا الشكل
://

في المنتصف نزين بحلوى التوت ونقدمها وهذا شكلها النهائي

https://


شوفو شكلها ما احلاهوالذوق امممممممم

https://

://


عن قرب


https://


ان شاء الله تعجبكم الحلوى وتجربوها
ولاتنسوني اخواتي من صالح دعائكن

في امان الله