الجزء 45 من واش طيبتي .....ابداع حراير الجلفة - الصفحة 4

أم محمد تاج · 2013-12-13, 09:51

بروووقة حنونتي سميد وحدو يهبل يهبل وساعدني في الدليك وزيد اعتمدت طريقة الحبيبة الوهرانية في الساشي المبلول والله ماجيك وبعثتلها رسالة شكرتها فيها يعني طريقة للمناسبات رووووووعة سهلتلي العجين والحمد لله
والدقيق اسمو الأوراسي يهبل

سامو حنان · 2013-12-13, 10:05

ماشاء الله عليك ام اماني ،،، و الله نحبك في الله الله يحفظك

أم ماجد · 2013-12-13, 10:06

الف الف الف مبروك جيت نبارك فقط بوجهي برك
من بعد نجيبلك الباروك حبيبتي
كوزينتك شرحة برحة مااحلاها
ام محمد طيبتي وحدك ؟ربي يكون في عونك
لعقوبة لافينيسين تاع الدار

دائمة الحمد · 2013-12-13, 10:06

اقتباس:

المشاركة الأصلية كتبت بواسطة رياحين الجزائر

لبنات عندي طلب عندي 4 شكاير حليب مكلل يعني اللي نجربها نلقاها تكللت كاش حاجة اندير بيهم سمعت بلي اديرو بيهم فرماج اللي عندها كاش حاجة اتحطهالي بلييييييييييييييز

اخت رياحين اعملي منهم كسر وبريوش الوصفة اخدتها من هنا منالمنتدى وانا وليت نروب لحليب بالدمة ليهم وهي وصفة ناجحة جدا

بشرى2008 · 2013-12-13, 10:07

صباح الخير يا وجوه الخير مبروك الكوزينة أم أماني راني نستنى في صور العرضه نت" البارح

سعيدة8888 · 2013-12-13, 10:18

مبروك الكوزينة يعطيك الصحة تهبل

دائمة الحمد · 2013-12-13, 10:18

اقتباس:

المشاركة الأصلية كتبت بواسطة أم محمد تاج

والله أنيستينا وشرفتينا أم أماني الغالية وكوزينة مبرووكة في جمعة مباركة يارب
جبتلكم الباروك حاجة ثقيلة وراهي 15نكيلووو يعني تاكلو حتان تتغلق الكوزينة نشالله وحدة ماتجوع ولي تقولي جعت نقوللها كولي رجليك خخخخخ
أسمحيلي جبتلك ليدام للكوزينة بصح الغاشي لي هنا أكل من لاطاي 55 وطلع
ولي تسقسي على أم ماجد نقوللها راهي مع حبيبها ماجد غير ماتشوفيهاش غير لا روح ههههههههههه
ومرحبا بالجدد معانا ونشالله اخواتات وحبيبات في الله
ولي مازال ماقرعجوش على مناسبتي هي رايحة نحط الدالة وخرين يقولولها الضالة يعني السقف تاع داري الجديدة نشالله ولعقوبة لأم برهوووم ولبنات لي حبو الدار
واي كتبت جريدة
حقة نقول لكل وحدة هناتني بالدالة ربي يعطيها ماتتمنى والله راكم أخواتاتي تع صح نحبكم موووووووووووووووووووووووووووووت
أم برهوووم ماتخافيش كي نعرض نحطلكم سنيوة تاع الثقال لزوم الميزان خخخخخخخ

إضغط هنا لرؤية الصورة بحجمها الطبيعي.

ام محمد مشاء الله باينة فحلة

دائمة الحمد · 2013-12-13, 10:20

اقتباس:

المشاركة الأصلية كتبت بواسطة ام اماني77

بسم الله الرحمان الرحيم

يا ساكنين قلوبنا عذرا مدى الأيام عذرا ..
هذي تحايا القلب أرسلها إلى الأحباب شعرا ..
قوم إذا خالطتهم أحببتهم سرا وجهرا ..
صادوا قلوب رفاقهم بصفائهم يسرا وعسرا

على بركة الله نلتقي في جزء جديد
باطباق وحلويات وتطبيقات مميزة
بلمسات حراير الجلفة الرائعات
ان شاء الله نقدم دائما الافضل والاحسن وهذا بفضل تواجدكن وتفاعلكن فلا تبخلو علينا باطباقكن وردودكن المشجعة
للقرعجيات صور مطبخي

https://
https://

جبتلكم بعض الحلويات

https://

https://

ام اماني كوزينة رائعة تتهني بيها

ام إثري · 2013-12-13, 10:21

صباح الخير عليكم نهاركم طيب
راهو قريب طيب لغدا غير يوجد نجيبلكم تتغداو معايا

*أم كوثر* · 2013-12-13, 10:22

السلام عليكم
جمعة مباركة
ونهاركمطيب
الحمد لله هدا وين تعدل المنتدى وقدرت نتصفح نورمااال
ام اماني كوزينتك ماشاء اللهولا كوزينة حورية المطبخ
تتهناي فيها ان شاء الله
منبعد نرجع دك جيت نبارك برك

عهد الله · 2013-12-13, 10:27

أختي المشرفة على هذا القسم الكوزين الجديدة ام اماني

السلام عليكم ورحمة الله وبركاته
كوزينة مبروووووووكة وربي يكملك ويعطيك الصحة يا عسل يسعدك ربي وينفع في مواضيعك الرائعة

لينا11 · 2013-12-13, 10:33

صباح الخير على الجميع

ام اماني كوزينة مربوحة عليك وعلينا يارب

قرعاجة ميكرواوند تاعك خو تاعي خخخخخخ

هاهو عشايا البارح
مطلوع وحميص وطاجين السلق باللحم مرحي وبطاطا مقلية وديسار والحمد لله

مطلوع تاعي طيبتو في طاجين قديم مايطيبش مليح جديد تاعي مسكين تكسر ان شاء الله كي نروح لبجاية نسلع منهم خخخخخ

بالحمد تدوم النعم "الحمد لله رب العالمين "

سعيدة8888 · 2013-12-13, 10:36

بنات اليوم جمعة وعندي ليك طلب
حبيت نبشركم باه تفرحو معايا غدا ان شاء الله رايحين ندفعو الدفعة الاولى من ثمن السكن التساهمي ادعولي ربي يسهلنا
والعقوبة لكل وحدة ربي يعطيها سكنة وكل وحدة ربي يرزقها الذرية الصالحة وكل وحدة في قلبها حاجة ربي يسهلها

ام اياد ولؤي · 2013-12-13, 10:37

جمعة مباركة حبيباتي ومبروك الكوزينة حبيتي ام اماني ان شاء الله تكون مربوحة علينا كامل انا عضوة جديدة معاكم بصح زائرة قديمة جدا ديما متبعتكم ماشاء الله عليكم كامل ان شاء الله تقبلوني معاكم

رياحين الجزائر · 2013-12-13, 10:40

شكرا ليكم لبنات لكل من ردت على طلبي بصح انا اندير المطلوع مرة في الفال يعني ماياكلوهش من حبيبي وروح ناكلو رخسيس
يعني لازم حاجة اخرى هههههه