كم المصروف الشهري لعائلتك الخاص بالمواد الغذائية ؟؟

[oosaisdo]

المشاركة الأصلية كتبت بواسطة خالد عنابي2

هناك نصائح جيدة للتوفير وتقليص المصروف الشهري

- اقتصاد الكهرباء والاعتماد الكبير على مصابيح النيون الموفرة لطاقة مثلا لمبة غرفتي تستهلك 11 واط فقط وتعطي اضاءة مثل مصباح 60 واط العادي والتوفير بنسبة تفوق 80%

- قص adsl ودير بدلا منها 3جي ولا 4جي
- كوبي الفيكس لي طول العام وهو يمصلك في غرامة 300 دج او 500 دج كل شهرين ( البورطابل كاين )
- الطماطم والحليب اشري اونقرو كرطونة كرطونة
- الحبوب الجافة عند انخفاض اسعارها سلع منها فهي تخزن لمدد طويلة
- الزيت هناك الزيت ناقص او خالي من الكلستيرول واللتر يدير 120 دج فقط ومجرب وفعال مثل الزيت التقليدي
- نقص من اللحوم الحمراء وعوض باللجاج
- الخبز لما يكون هناك الزائد يوضع في كيس ويوضع في الكونجيلاتور وغدا لما تجبدوه يكون مثل الجديد تماما
- برمة وحدة تكفي غدا وعشا علاه كل وجبة ليها برمة لوحدها ؟ برمة كبيرة تكفي
- السيارة حسب ظروف الشخص قد تكون سبب في التوفير وقد تكون سبب في زيادة المصاريف وقد تكون ضرورية ولا غنى عنها
- تنظيم النسل وليس كل عام جايب صغير جديد ويولي عندكم جيش من الاولاد
- نقصو من خبيز الكسرة فالخبز اقتصادي اكثر ( متخافيش يا مدام دوك يوالفو ايامات برك ويوالفو ومنها ناقص تعب )
- ممارسة الرياضة والبقاء في صحة جيدة يغنيك عن الذهاب بكثرة للطبيب والادوية والمشاكل

بارك الله فيك سي العنابي افكار اقتصادية جيدة وجديدة // بصح مقلتناش شحال تصرف؟؟؟

[oosaisdo]

المشاركة الأصلية كتبت بواسطة ام طه14

انا وزوجي وطفل عنو عام. نصرفو 2،5 مليون. هاذيك هي الشهرية الله غالب. لكن معلومة نقولهالكم هاذو لي يصرفو 10 و 20 مليون في الشهر. لوكان وتقولو مغكفاتناش. لوكان يعطوكم غير 3 ملاين والله تعيشو بيها وتكفيكم نوووووورمال المسالة مسالة قناعة لا اكثر. وربي يطياح البركة في كل بيت ان شاءالله

جيد الله يحفظ عائلتك

[حياة نور الدين]

اهلااااا انا عائلتي تتكون من اربع افراد انا وزوجي وابنتاي واحدة تحضيري والاخرى عام ونصف نصرف مليون ونصف في الشهر اكل فقط مع لي كوش حشاكم اما الباقي كالملابس وغيرها نديرولها ميزانية خاصة وماشي كل شهر نشريوا يعني في شهر اللي نخلصوا فيه الكهرباء مثلا منشروا والو وفي شهر نشري انا مثلا والاخر بناتي وزوجي يشسري من مصروفه الخاص وعايشين الحمد لله مستورين وفي المعقول

[oosaisdo]

المشاركة الأصلية كتبت بواسطة حياة نور الدين

اهلااااا انا عائلتي تتكون من اربع افراد انا وزوجي وابنتاي واحدة تحضيري والاخرى عام ونصف نصرف مليون ونصف في الشهر اكل فقط مع لي كوش حشاكم اما الباقي كالملابس وغيرها نديرولها ميزانية خاصة وماشي كل شهر نشريوا يعني في شهر اللي نخلصوا فيه الكهرباء مثلا منشروا والو وفي شهر نشري انا مثلا والاخر بناتي وزوجي يشسري من مصروفه الخاص وعايشين الحمد لله مستورين وفي المعقول

شكرا لك على المشاركة

[ام خليل المصطفى]

:dموضوع جيد بارك الله فيكم / هناك افكار اقتصادية

[gecilda]

ربي يطرحلكم البركة ...!

[lamine777]

انا نصرف 60000.00دج في مرتها وما يبقالي والو في الاسبوع الاول بصح المشكلة نكردي المصروف والمشكل عايلتي كل مرة هات جيب ادي .........كرهت حاب انفضل من راتبي ومنقدرش (عندي 6 ادراري واش اندير خاوتي كرهت المعيشة مكانش البركة وانا مخلص في خدمتي .

[malikdz01]

المشاركة الأصلية كتبت بواسطة lamine777

انا نصرف 60000.00دج في مرتها وما يبقالي والو في الاسبوع الاول بصح المشكلة نكردي المصروف والمشكل عايلتي كل مرة هات جيب ادي .........كرهت حاب انفضل من راتبي ومنقدرش (عندي 6 ادراري واش اندير خاوتي كرهت المعيشة مكانش البركة وانا مخلص في خدمتي .

ما فهمتش الجزايريين علاش يجيبو لولاد بزاف ...الاوروبيين ما يخصهم والو يجيبو ولد او اثنين فقط
الاحسن تجيب طفل او اثنين وتربيهم مليح افضل من 6 و7 وتمرمدهم ...ربي يعينك خويا 6 ملاين مصروف بزااااااااف

[oosaisdo]

[QUOTE=lamine777;3994562748]انا نصرف 60000.00دج في مرتها وما يبقالي والو في الاسبوع الاول بصح المشكلة نكردي المصروف والمشكل عايلتي كل مرة هات جيب ادي .........كرهت حاب انفضل من راتبي ومنقدرش (عندي 6 ادراري واش اندير خاوتي كرهت المعيشة مكانش البركة وانا مخلص في خدمتي .[/QUOT


خويا 6 ملاين بزاف حاول تستفيد من افكار الأخوة والأخوات / حاول ان تستغني عن الكماليات والترف / يعني زير روحك شوية

[أم سلوى]

[QUOTE=oosaisdo;3994564233]

المشاركة الأصلية كتبت بواسطة lamine777

انا نصرف 60000.00دج في مرتها وما يبقالي والو في الاسبوع الاول بصح المشكلة نكردي المصروف والمشكل عايلتي كل مرة هات جيب ادي .........كرهت حاب انفضل من راتبي ومنقدرش (عندي 6 ادراري واش اندير خاوتي كرهت المعيشة مكانش البركة وانا مخلص في خدمتي .[/QUOT


خويا 6 ملاين بزاف حاول تستفيد من افكار الأخوة والأخوات / حاول ان تستغني عن الكماليات والترف / يعني زير روحك شوية

الاعندك الاولاد شئ عادي جدا تصرف...لا تتركهم وتشح هذه هي الدنيا...
الله يعينك ويزيدك الخير والبركة...

[nihal159]

المشاركة الأصلية كتبت بواسطة lamine777

انا نصرف 60000.00دج في مرتها وما يبقالي والو في الاسبوع الاول بصح المشكلة نكردي المصروف والمشكل عايلتي كل مرة هات جيب ادي .........كرهت حاب انفضل من راتبي ومنقدرش (عندي 6 ادراري واش اندير خاوتي كرهت المعيشة مكانش البركة وانا مخلص في خدمتي .

ربي يعينك خويا 6 ذراري ماشي حاجة قليلة؛ خاصة إذا فيهم 3 أو 4 يقراو؛ لكن حاول تستفاد من نصائح الأعضاء؛ مثلا أنا نصحت الإلتزام فقط بقائمة المشتريات؛ ماديرش شوبينغ على الطريقة الأروبية الحاجة لي يشوفوها على رفوف المحلات يشرو منها.
أشتري الخضر و الفواكه بكميات قليلة لأنها تفسد بالخف و هكذا ما تضطرش أنك ترمي الأكل.
عوّض اللحوم الحمراء بالحوم البيضاء راهو سعرها معقول و أفيد للصحة.
وزيد أقرا ردود باقي الأعضاء راك تستفاد أكثر.

[رقة زمان]

انا وزوجي وبنتي نصرف قرابة 2 ملايين في الشهر..ومرات نصرف اقل والحمد لله

[kameljijeli]

السلام عليكم ورحمة الله وبركاته
أعزب , مصروفي على أهل الدار من إخوة و أخوات ( الوالدة و5 أفراد) أكثر من3 مليون في الشهر في شراء ما يلزم من مواد غدائية.

[oosaisdo]

المشاركة الأصلية كتبت بواسطة kameljijeli

السلام عليكم ورحمة الله وبركاته
أعزب , مصروفي على أهل الدار من إخوة و أخوات ( الوالدة و5 أفراد) أكثر من3 مليون في الشهر في شراء ما يلزم من مواد غدائية.

ربي يعاونك هديك هي 3 معقول

[حمزة_89]

و عليكم السلام ورحمة الله وبركاته

عائلة مكونة من عشــــ 10 ــــرة أفراد

مصروف المواد الغذائية من 25000 دج الى 35000 دج


بالاضافة الى مصاريف الطبيب أو الدواء ، أو فواتير الكهرباء الغاز ، صيانة السيارة ، ,,, الخ من مصاريف قد تصل في المجموع الكلي

الى 70000دج في الشهر