واش طيبتي اليوم?الجزء92 كواليس عيد الاضحى*** - الصفحة 4

om kamilia · 2014-10-06, 08:28

صباحك اسعد جيادا راني دخلت للدردشة

x ام رحاب x · 2014-10-06, 08:31

صباح الخير حبيباتي وكل عام وانتم بالف خير
مبروك عليك الكوزينة الجديدة ويعطيك الصحة انت وامك ربي يخليهالكم بيبا والحلويات روعة وكواليس اروع
صباحكم سعيد حبيباتي الي راكم داخلين
جياد حبيبتي ماتزعفيش حنونة ربي يعوضك خير او ماتتقلقيش اجيبيها غير في صحتك ربي وكيلهم الي حابين ايدورلك المشاكل

om kamilia · 2014-10-06, 08:34

بيبا مبرووووك الكووووزينة سمحولي راني دخلت فرغت واش كان في قلبي

x ام رحاب x · 2014-10-06, 08:41

ام كامليا ربي يرفد عليك ها ذالهم بصح نكون تاخدي رايي ماتكسريش راصك بيهم انت الصح في راجلك وبنتك وماديريلهمش احساب الي يقطع فيك راه يخدم عليك وخلي كل واحد بينو وبين ربي هو الي يبين حقك والدنيا راهي طويلة مع الوقت راهو يبان الي مليح والي راه يزوق في روحو وسعي خاطرك حنونة

أم هبوبة · 2014-10-06, 08:49

صباح الخير على الجميع

جيادا الله يعوضك خير

ام كاميليا كبري خاطرك كل شيئ يفوت غير العيب إلي يبقى و يجي النهار وين يندمو غير ما تزعفيش روحك

قال رسول الله صلى الله عليه وسلم : ما أصاب مسلما قط هم ولا حزن فقال : (اللهم إني عبدك ، ابن عبدك ، ابن أمتك ، ناصيتي في يدك ، ماض في حكمك ، عدل في قضاؤك ، أسألك بكل اسم هو لك ، سميت به نفسك ، أو أنزلته في كتابك ، أو علمته أحدا من خلقك ، أو استأثرت به في علم الغيب عندك أن تجعل القرآن ربيع قلبي ،ونور بصري ، وجلاء حزني ، وذهاب همي ، إلا أذهب الله همه وأبدل له مكان حزنه فرجا ).

توتا 2010 الله يشفيك و يكملك بخير

om kamilia · 2014-10-06, 08:52

صباحكم خير ام هبوبة , ام رحاب ,بيبا

randa13 · 2014-10-06, 08:58

أختي جيادا ما تزعفيش ربي يعوضك إنشاءالله...
لبنات تعيشوا شكون تقدر تعاونني حابة نتعلم بقلاوة بصح نحتاج الطريقة بالتفصيل الممل ، نعرف المضمون بصح خفت من التطبيق ، خايفة نحاول و ما تنجحليش ،، و أكدولي إدا تلمو الفرينة بماء الزهر أو بالماء برك ،، و هل تعجنوها و لا غي تلموها ...تعيشوا راني نستنى الإجابة ،،،

om kamilia · 2014-10-06, 08:59

صباحكم ونهاركم مبروووك يالبنات هذا وين فطنت , نروح عندي نخمل و نسيق ونحدد ونرجع ليكم باذن الله , جيادا ام هبوبة , ام رحاب بيبا نخليكم بالخير و سلامي لكل العضوات دون تمييييز

malek firdaouss · 2014-10-06, 08:59

اقتباس:

المشاركة الأصلية كتبت بواسطة جيادا

صباح الخير عيلكم كامل اختي بيبا مبروك الكوزينةالجديدةربي يجعلها فال خير علينا كامل
عندي خبر ميش مليح للاسف كنت حامل و رميت fausse couche غضبت غضب شديد حتى سقط الحمل نفسيتي تعبانة توحشت امي وما حبيتش نهدرمعاها في الهاتف تتقلق وهي مريضة و مالقيت مع من نحكي الغربة صعيبة بزاف
بنات حبيت تدعيولي معاكم في هذه الايام المباركة ربي يفرج همي و يبعد عليا كل من اراد بي سوء

صباح النور اختي
ربي يعوضك اختي قريبا ان شاءالله ممكن شافلك ربي فيها خير \\
او احكي مع ماماتك مي متحسسيهاش راكي تعبانة ولا بيك حاجا حاولي
مام انا ديفوا ننتقللق و نقول هكا مي نلعن الشيطان
اكيد الام هي لي تعطيلنا النصائح ال

في كلش على حساب خبرتهم ....
ربي يفرج عليك امين

x ام رحاب x · 2014-10-06, 09:00

انا البارح باه عيدت نهار الاول كان زوجي في الخدمة والبارح كي جا جاوني الضياف درت الشربة والدوارة بالجلبانة مرقة حمرة حارة والسلاطة تاع الفلفل ودرت ملفوف وعصائر والديسار وكي راحو جاوني ضياف وخدوخرين شربو القهوة والحلوة وكي راحو رحت قسمت اللحم تاع الصادقة انا ووليدي الي راح ايصدق باه يتعلم وايحس بمتعة الصادقة وفي الليل درت اللحم قليتو وسلاطة والقازوز والبطيخ والحمد لله امبعد انحط الصور

om kamilia · 2014-10-06, 09:02

انا جربت تع ام انس ختي رندة
https://www.djelfa.info/vb/showthread.php?t=1390399

randa13 · 2014-10-06, 09:07

اقتباس:

المشاركة الأصلية كتبت بواسطة om kamilia

انا جربت تع ام انس ختي رندة
https://www.djelfa.info/vb/showthread.php?t=1390399

حبيبتي صباح النور ...شكرا ع الوصفة خرجتلك مليحة

الأمنيات · 2014-10-06, 09:07

السلام عليكم
جيادا حسى خير حتى حاجه ما تستاهل الواحد يتقلق عليها حتى نفسيته تنزل استغفري
ام كامليا ام هبوبه ام رحاب ام ياسين ملك الفردوس والاخت الي اسمها طويل بالفرنسيه ما عرفتش نقراه صراحه كي صبحتوا
الاخت رنده جربي بقلاوه ام انس راها سهله وناجحه ما تخافيش الخوف هوالي يخلي الواحد يثقال في التجربه روحي بدي وربي يعينك
توته ربي يشفيك
غدايا حريره واللحم اكيده بصح مازال ما قررت طريقته هههههه
اصبحنا واصبح الملك لله

أم ضياء عبد الرحيم · 2014-10-06, 09:18

oumadoumawayoutaام كاميليا ام رحاب بيبا أم هبوبة رندا ملاك فردوس و الامنيات ربي يجازيكم كل خير اخواتي على الردود الطيبة و سامحولي بديت على الصباح بالشكاوي لكن حبيت انحي شوية و نلقى عند من نفرغ قلبي راكم كي خواتاتي شكرا

x ام رحاب x · 2014-10-06, 09:21

الامنيات صحة عيدك حبيبتي وبصحتك اللحم والفطور
انا الفطور عندي من البارح بقالي كلش مانطيبش راني عيانة