كوزينة واش طيبتي اليوم يا لالــة لحراير الجزء 117 تفضلـوا بالصحة والهناء عليكم

[ام هاديل وياسين]

المشاركة الأصلية كتبت بواسطة ام رشدى

ام هديل قرييييب قتلتك واعلاش نسيتي جومبو هههههه
ياو راني نوجد في الروز انتعك ومبعد نرجعلك لخبر

اسمحيلي ام رشدي وكل الاخوات حتى كي حطيت راسي على المخدة باش تفكرت

لخاطرش موالفة نحط الوصفات ههههههههه حتى ودرتيه بلابيه يجي بنين معليش جومبو ميشدش الطياب وراني لحقت قبل ما يطيب

ان شاء الله يعجبكم

[ام هاديل وياسين]

شكرا زينب كنت شفت الوصفة تاع امازغية بصح كي دخلت للرابط مفتحليش

[ladymillion]

صباح الخير عليكم يومك طيب ان شاء الله ربي يهنيكم ويعاونكم

غدانا اليوم درت حمص أم كوثر مممممممممم

[lyzzabel]

صباح النوووووور على اغلى الغوىاااليييي و ن6اركم طيب
ما قعدتش في داري شورت البارح بعد العشا
ملي نضت الصباح راني مراجع بصح روووووووووووووعة واش حطيتوووووو كلشي كلشي يشهيييي بدووون استثنااااء ربي يبارك و يخليلكم صحتكم حبيباتي
فطوري مازال مودرررر قلت بالاك كاشما ننقل عليكم ساعة لي تعجبني نلقى ما عنديش كل لوازمها

مياااسم حبيبتي الحمد لله على سلامتك و ربي يشفييييك

قمووووورة ربي يخليييك يا الحبيبة في داري عندي النت دايرة ال 4g و مين عمرنا لاكارت قالولنا le voucher est incorrect ما فهمنا والو ،، على هاديك ما قعدناش و ن ع يحتاج للنت راه يحضر فالميموار ربي ينجحه و ينجح الجميييييع ،،

انشالله الغايبااات يدخلو و يطنونا ،، نروح نشوف كاشما ندبر ،، سلاااااااام يا غاليااااات


اللهم ما اصبح بي من نعمة او باحد من حلقك فمنك وحدك لا شريك لك فلك الحمد و لك الشكر

[Oum yousra]

صباح الخير يا حلوين دخلت على الخير نتاع ام إبراهيم امممممممم كلشي من يديك رووووعة يعطيك الصحة. . .

[Oum yousra]

زينب حنونة خرجتلك رووووعة امممم ممكن الوصفة أختي

[Oum yousra]

Kaouka ربي يجيبلك الشفاء حنونة واعر الضهر انا تاني عندي شحال وأنا نعاني بالسطر نتاعو ربي يشفي كل مريض يا رب

[ام رشدى]

عزيزتي ام ابراهيم الكرواصو بالعجينة المورقة المخمرة والا لالا خرجلك فوووور
من البارح العديد من الاخوات مدخلوش انشاء الله المانع خييير
وربي يسمعنا الاخبار الطيبة على اختنا اسمهان واختي روضة ويشفي كل مريييض امييين

[Oum yousra]

راني ندور وحدي في الكوزينة ههههها خاطر أنا غدايا بواقي في الثلاجة و هاذا العشاء نتاع البارح. . . . . . . . . . . . . .

[ladymillion]

ماشاء الله أم يسرى حرة لحراير تعجبيني وتعجبني ماكلتك ممممممم يعطيك الصحة كلش الله الله

[إلهام07]

صباح الخير عليكم

ليدي كوزينتكم الله يبارك مخدومة تهبل تهبل خسارة الصور صغار ماقرعجتش مليح مليح هههههههههههههههههههه عجبوني الالوان والله ديكور راقي حقة سخفتني تحلية الليمون مانعرف كاشما بقى شوية ولة خلصوها المكراشات هههههههههههههههههههه

مبروك عليكم الكوزينة الجديدة


شفت ام إبراهيم طبقت المنقوشة نتاع ام اماني تقوللنا كيفاش الطعم خفتها جي معجنة كي عادت ماشي مورقة ولا كيفاش يعني كيما صابلي ولا واش ؟ والطرواسون واش من وصفة طبقت ؟


ام يسرى طاجين الحلو خرجلك فيلم حنونة يعطيك الصحة


هذا واش شفت فقط

[lyzzabel]

يا سلااااااام دخلت على العرضة تاع ام يسرى مممممممممممممممممم من كلشيييييي يا الحبيبة شهيتيني يعطييييك الصحة و بصحتهم ضيافكم

ام عماااااد بصحته السنيناااات يا عمرييييي نموووووت على هادوك زوج لوليييين هههههه العقوبا للرجليييين و تشوفي الجري تاع الصصصصححححح و تديري لا تااااااااي ههههههه
الكرواصون و المنقووووشة خرجو يهبلو يهبلوووو سييييرتو الكرواصون ممممممم بصحتكم يا عسسسسللللل واش من وصفة درتيهااااا ؟؟؟

درت شكشوكة السلق و حمص المطاعم تاع ام كوثر و نزيد لي فخيييييت بان الله و الحمد و الشكر لله على نعمه


اللهم انت السلام و منك السلام تباركت يا دا الجلال و الاكرام

[ام رشدى]

عزيزتي ام يسرااا روععععععة امممم مزيا منيش نتوحم هههه
ياخي قلتكبالتفصييييل الممل باه ان تاني نولي شااااااطرة

اختي الههههام مرحبا بييييك اطباقك رووووعو اما على المنقوشة دوقها رااااااائع حبيت انجاوبك مالقري السؤال ماشي ليا ههههه

[إلهام07]

ربي يحفظك ام رشدي صباحك فل وعنبر المهم وحدة جاوبني وخلاص سالت ام ابراهيم لانو جرباتو
قوليلي في الطعم كيما البقلاوة ولا كيفاش ؟

[ladymillion]

ياااااااااااااااااااي الهام تصدقي كمنتي في بالي انا نغسل في لماعن ونهدر في قلبي قلت ضرك نبعثلها في فيس نقولها شرفينا اسيدي في كوزينتا هههه راكي جيتي مرحبا بيك الكوزينة ماشفتيهاش قبل ؟؟؟ حطيتها في رمضان 2013 هاذو صور قدم شويا بصح الديكور كيما راهو هههههههه وكلش خلصوه المكراشات الله غالب لحقتي روطار

كشما طيبتي جديد وصفات مسروقة ولا تبتي ؟ ههههه
حقى المنقوشة راني درتها في العيد الاضحى لي فات نفس الوصفة راهي تجي مليحة ولابات تجي مبسسة مممممممم رققيقها برك وذوقها مختلف تماما على البقلاوة المنقوشة في طريق والبقلاوة في تروووووطوار خخخخخخ اصلا المقادير ماشي كيف كيف وبنينة

ليزا حبوبة مواحتين على الخدين يا زينونة واش راكي