كوزينة واش طيبتي اليوم يا لالــة لحراير الجزء 117 تفضلـوا بالصحة والهناء عليكم

[دائمة الحمد]

احلى صباح حبيباتي يومكن سعيد مبارك
ام ابراهيم يعطيك الصحة على الفطور الهايل
ومبروك السنينات لعقوبة للرجيلات

[دائمة الحمد]

غدايا بحول الله سردين مقلي ونشوف واش نكمل معاه
الاشغال تنادي اذاقدرت منبعد نطل

[kaouka]

صباح النور om alaa وشراكي ليوم مشفتكش نضتي بكري ملفا نشوفك صباح شكيت لعزايز توعنا دوهم ﻻدار العجزة خخخخخخخخخخخ مبنوش خالو بلصتهم فارغا
فطوري راه مودر ونا رني من ضهري قتلني صدر وووووعععععععععععع وعندي البربوشة تاع ﻻبارح ومرقاز ومانيش قدرا نخدم وقيﻻ يكلو البربوشة وينوضو
ﻻبنات ردو بلكم على صحتكم والله كنت ﻻباس نضت ندير ميناج حركت طابﻻ من بﻻصتها ثم حبست ضك منقدرش نخدم بزاف حذرو على روحكم

[kaouka]

اهلين دائمة الحمد صباح الخير وشراكي والله خليتو فارغ كبير والحمد لله رب العالمين كي عدتي بخير

[ام هاديل وياسين]

صباح الخير والبركة على جميع الاخوات

ام ابراهيم بصحتك الكرواصون خرجلك هايييل ومبروك السنين على وليدك

ان شاء الله يكملهم بصحة والهنا ولعقوبة لطهارتو يوم موفق للجميع

[أم محمد تاج]

صباحووووو يا بطااااااااات ونهاركم زين ومبروووووووك
رووووعة واش حطيتو روووووووووووعة راجعت كلش كلش حتان وصلت لسنينات عموووودي راهم عضوني كي جيت نهز حبة سفنج هههههههه الله يجعلهم جواهر نشالله وخفاف ظراف ولعقوبة كي يمشي يارب
حبيباتي غدايا بيتزا والحمد لله حمدا كثيرا طيبا مباركا فيه
نزنق في المنتدى على قول لعزوووزة الغايبة ام التزناق خخخخخخخخ مبعد نعيطلها نشوف واش بيها

[زينب 83]

صاح الخير حبيباتي ان شاء الله تكون كامل بخير و عافية

هاذي حلوة الترك خدمتها عندها يومين لذيذة جدا و زيد بدون مواد حافظة ، الحمد لله

[زينب 83]

حقاً لبنات راني درت موضوع عن غسالة ملابسي مازال ما كملتش لي يهمها الامر تتفضل و تنورني ، الرابط في التوقيع

[ام هاديل وياسين]

صباح الخير زينب كي راكي وبصحتك حلوة الترك تبان هاييلة كنت رايحة
نديرها وملقيتش الوصفة نتاعها وين لقتيها ؟ زينب نسيت حاجة فالروز الي قلتلك عليه البارح

زديلو حبة جومبو

[nihale89]

صباااااااح الانوااااار حبيباتي
توحشتكووووووم ادعولي ربي يشفيني ويحفظلي الجنين
حابة تعطيوني وصفات لي قاطو الي حطتهم دائمة الحمد تعيشو

[زينب 83]

المشاركة الأصلية كتبت بواسطة om hadil

صباح الخير زينب كي راكي وبصحتك حلوة الترك تبان هاييلة كنت رايحة
نديرها وملقيتش الوصفة نتاعها وين لقتيها ؟ زينب نسيت حاجة فالروز الي قلتلك عليه البارح

زديلو حبة جومبو

صباح الخير ام هديل

الوصفة جبتها من النت ماهيش تاع امازيغية

[ام رشدى]

ام هديل قرييييب قتلتك واعلاش نسيتي جومبو هههههه
ياو راني نوجد في الروز انتعك ومبعد نرجعلك لخبر

[دائمة الحمد]

صباحو نهال ربي يشفيك ويصلحلك في الجنين
حبيبتي في اقرب فرصة راح نحط الوصفات راهي اغلبهم وصفات معروفة مع تغيير الشكل فقط

[مياسم75]

صبااااح الانوار
ان شاء الله تكونو لاباس
ام ابراهيم مبروك على عمادو والكرواصون رووووووووعة
زينب واش تحوسي من عندنا حلوة الترك على صباح ربي والميزان على بالك راني شريت من عند قسوم البلا كيما نتاعك
كوكا عندك الحق الصحة واعرة وما يحس بيها غير لي تقاس
داءمة الحمد بصحتكم السردين رانا كيف كيف الغدا انا بق من تاع للعشا للاولاد وتهنيت الموسيو ما يجيش يتغدا راهو ميسيون وانا عندي اشغال خفيفة نكملها ونخمم ااعشاء
ام عبودة ربي يشفيك ويحفظلك اولادك يارب ربي يهدي العباد الي يشوفو الخير وما يصليوش على النبي العين راهي واعرة انا كنت حاطتها ما كانش في النت ههههههه بصح كي شفت عدد المشاهدات للكوزينة خلعت

[دائمة الحمد]

كل الملتحقات صباحكم زين
زينب راني طليت على غسالتك وحطيت رد سريع نتفرغ شوي من لي راني فيه ونزيد نرجع بحول الله لموضوعك