عاونوني رايحة نموت

[بتول8]

اخطيك منو اختي راكي تندمي ندمة العمر الا اذا شايفتها نورمال راه بعد الزواج راح تهبلي كثر
هو مش انسان ظريف لانو يجرح المشاعر التي هي اغلى شئ في قلب المراة الحساسة
اما البنات لي هو يطيح و هي تطيح هادو راهم بلا كرامة و تبالهم نورمال لوكان يسمعوهم الناس يديروهم مضحكة
كاين حدود بين الزوجين لابد ان تحترم خاصة الكفير و الاستهزاء الخليقة و اللبسة و تاع راح نزوج و خلاص هادي وحدها تكتب في سجلك لي يفكر فيك هكا راح يفرط فيك بسهولة من بعد
حذاري

[بتول8]

المشاركة الأصلية كتبت بواسطة خديجة 1010

يعطيكم الصحة علي ردودكم حتي انا قررت بلي اليوم خير من غدوة معندي مراح ندير الكاتبة تلحق علي الاقل الانسان يربح كرامتو لكن المشكل راني متخوفة من اهلي عمري موصلتلهم بلي كاين مشكل بيني وبينو دايما رامية كلش في قلبي

صارحيهم ضرك خير من بعد الزواج كي تطفر و يقولولك نتي قبلتي بيه منسحقوكش تولي عندنا و زيد مطلقة
احسنت قرار صائب هكا يديك لي يستاهلك و يحافظ عليك
و لكل امراة و لكل بنت ماتقوليش نزوج اي واحد و خلاص كما رانا نسمعو
الفايدة من الزواج المودة و الرحمة و السكينة و الا هادو كل راهم فدار والديكم
اذا يجي واحد يطيح يكفر يسب يجرح يبهدل كرامتك اعز من زواج الذل
بايرة احسن من معذبة الامراض كامل يصيبوها من زوج متحجر

[مريم الصابرة]

المشاركة الأصلية كتبت بواسطة خديجة 1010

يعطيكم الصحة علي ردودكم حتي انا قررت بلي اليوم خير من غدوة معندي مراح ندير الكاتبة تلحق علي الاقل الانسان يربح كرامتو لكن المشكل راني متخوفة من اهلي عمري موصلتلهم بلي كاين مشكل بيني وبينو دايما رامية كلش في قلبي

السلام عليكم اختي
لالا ما تخافيش من اهلك ماكانش احن عليك منهم احكيلهم كل شي واش يقولك وواش يسبك مش عيب خليتي في قلبك بزاف والمشكل لو مرة نقولو زعاف ويروح يا اختي تخافي بعد الزواج وتندمي ندمة العمر كاملو وعلاه ترمي روحك فالنار وتتعذبي وتولي بالذراري يزيد يذلك والله ما حابين توصلي للطلاق وشفت ردي الأول انا جيت معاه بلاما فهمت القصة لكن لما حكيتي الصراحة بزاف عليك كلامو واعر بزاف وما عندو حتى صلة بالرجولة راحا تكوني مرتو من المفروض يحترمك ويراعي إحساسك
من راي قولي لاهلك وحطيهم فالصورة واليوم خير من غدوى وربي يعوضك ما خير منو ألف مرة وتقولي لبنات قالولي ربي يعوضك بسيدو اللي يحترمك ويعلي قيمتك فالسما موفقة حنونة روحي شدي باباك وأحكيلو وخاوتك وخليهم هوما يتصرفو

[خديجة 1010]

يعطيكم الصحة ربي ينور طريقكم ويهدي سركم هادي هيا ندير وش قلتولي وخلاص مبقاش حاجة نندم عليها ونخاف عليها خلاص مليت وعييتقلبي رح يطرطق

[سجل أنا جزائري]

أختي قريت كلش وش كتبتي

حرت كيفاه راكي حاملة راجل كيما هذا

انا الراجل اللي يطيح قدام مرى عندي مش راجل ما عندو حتى تربية فمالك يطيح لمرتو و الأدهى مزال ما درتوش عرس !!!

ما تخبيش في قلبك أختي هذا راجل مش تع زواج و راح يتعبك بزاف مبعد و تتمناي كون قعدتي عازبة و لكان تعيشي راجل كيما هذا

نورمالمو نتي اللي تطلبي الطلاق مش هو مي معليش كي جات منو خير هكذا تقدري تقولي لأهلك نتي ثاني مش حابة تكملي معاه بسكو مش مربي

ما تخفيش من كلمة مطلقة راكي مطلقة في الورق فقط مش راح يأثر مستقبلك ان شاء الله

[مريم الصابرة]

المشاركة الأصلية كتبت بواسطة walid_alg

أختي قريت كلش وش كتبتي

حرت كيفاه راكي حاملة راجل كيما هذا

انا الراجل اللي يطيح قدام مرى عندي مش راجل ما عندو حتى تربية فمالك يطيح لمرتو و الأدهى مزال ما درتوش عرس !!!

ما تخبيش في قلبك أختي هذا راجل مش تع زواج و راح يتعبك بزاف مبعد و تتمناي كون قعدتي عازبة و لكان تعيشي راجل كيما هذا

نورمالمو نتي اللي تطلبي الطلاق مش هو مي معليش كي جات منو خير هكذا تقدري تقولي لأهلك نتي ثاني مش حابة تكملي معاه بسكو مش مربي

ما تخفيش من كلمة مطلقة راكي مطلقة في الورق فقط مش راح يأثر مستقبلك ان شاء الله

السلام عليكم اخي
الحمد لله على كلامك الطيب وبارك الله فيك كنا محتاجين راي راجل معانا وهذا صراحة واش قلنالها لانو ما راهش راجل بكل صراحة لقاها بنت فاميليا وحاملة زاد كيح من قيمتها
اخي بارك الله فيك وفي امثالك

[مريم الصابرة]

المشاركة الأصلية كتبت بواسطة خديجة 1010

يعطيكم الصحة ربي ينور طريقكم ويهدي سركم هادي هيا ندير وش قلتولي وخلاص مبقاش حاجة نندم عليها ونخاف عليها خلاص مليت وعييتقلبي رح يطرطق

السلام عليكم اختي
اللهم آمين ربي ينور طريقك ما يطرطق قلبك ما والو ارمي عليك اختي خلي قيمتك محفوظة وكيما قالك الاخ وليد من المفروض إنت تطلبي الطلاق ماشي هو وعادي مطلقة فالأوراق وبرك وربي يعوضك باحسن منو تكلي على ربي وأحكي لاهلك وخليك منو موفقة ونستناو اخبارك اختي

[* الحلم سكر *]

يـا أخــتي انـت بــصـراحـة عــلاه مـكـمـلة مــعاه . . . ؟؟؟
فـيه حــوايـج أخــرى مـليـحة غـطت على هــذي ؟؟؟ و الا والــفتــيه ؟؟؟؟ و الا خـــلاص بــديتـي مـــشـوار لازم تــكمـليـه كـيما كـان و خايـفو من كلـمة مـطلـقة و نـظـرة الـناس ؟؟؟؟
و الا خــلاص قــرب عــرسـك و عـقـدت و تفــرت ؟؟؟؟؟
يا ريـت تـجـاوبيـني و راح نــرجــع نــرد علـيك و نـظن اجـابتـك واضـحة مي خـليـني نتـأكـد منـكأما بـالنـسـبـة للـسـيـد اللـي خـاطـبـك يلـيـقـلو -- و آســفـة -- يــعاودو يــربـوه أهــلـو و يــعلـموه شــويـة ظــرافـة و مـن بــعـد يــشـوفولو مــرا بـاه يــديـر دار و يــعـرف يـــربـي ولادو

[خديجة 1010]

صحيتو درك نهدر مع يما ونزيد نهدر مع اختو ونقولها بلي كلش خلاص بيناتنا

[مريم الصابرة]

المشاركة الأصلية كتبت بواسطة خديجة 1010

صحيتو درك نهدر مع يما ونزيد نهدر مع اختو ونقولها بلي كلش خلاص بيناتنا

السلام عليكم حنونة
هكذا إتكلي على ربي واحكي ليماك وفهميها كل شي وواش يعايرك وكل تصرفاتو وعيكي لاهلو قوليلهم خلاص ونطالقو وعادي اختي ربي يعوضك ومحال تندمي عليه ولا تخافي من المستقبل ما تعرفيش ربي واش مخبيلك ممكن والفتيه ممكن خفت من المستقبل نهار ربي يعوضك تقولي واش كنت راحا ندير الحمد لله على كل شي وخليك منو هذا اصلا ما راهش متربي واش راحا تستناس منو راح يعذيك موفقة وربي يعوضك عليك وارواحي نستناوك كي تتقلقي رانا هنا خواتات ربي معاك

[خديجة 1010]

منكدبش عليك اختي موالفتو محبيتو الحاجة الوحيدة لي خلاتني صابرة عليه هي اني مشيت في طريق ولازم نكملو مدام عقدت وتورطت وزيد لخسارة لي خسروها والديا باش نجهز وفاللخر مكان والو

[بين الحقيقة و السراب]

و إن أكرمت اللئيم تمردا....

حسب ما فهمت قد تنازلت كثيرا و هو قد تمادى كثيرا.....فإلى متى؟؟؟

رزقكِ الله من هو خير منه، كانت تجربة [أضافت درسا إلى كراسة حياتك، فلتحفظِ الدرسا جيدا]
و الحفظ يقوم على ضوابط....

على الهامش: بنت عمّي تطلقت قبل الدخول بها و الآن هي متزوجة من آخر و أظنها في أحسن حال،

و تستمر الحياة....

[مريم الصابرة]

المشاركة الأصلية كتبت بواسطة خديجة 1010

منكدبش عليك اختي موالفتو محبيتو الحاجة الوحيدة لي خلاتني صابرة عليه هي اني مشيت في طريق ولازم نكملو مدام عقدت وتورطت وزيد لخسارة لي خسروها والديا باش نجهز وفال ولخر مكان والو

السلام عليكم اختي
عارفة كملت وجهزت وعادي حنونة تخسري امور مادية خير من تخسري حياتك كاملة ومن بعد ما ينفعكش تندمي من الاحسن ضرك وخليه يطلقك ويروح لحالو مي علاه عقدت إحنا ما نعقوش حتى قبل العرس بيومين او ثلاثة نديرو حسابنا للأمور هذي معليش صار اللي صار هو هنا حكمك من اليد اللي توجعك يقولك ما عندها وين تروح لالا متأكدة والديك ما رموكش فالنار وما يقبلوش تعيشي مع راجل كيما هذا عوضك على ربي وعادي جهازك خليه تتزوجي باحسن منو
شوفي نحكيلك قصة نتاع وحدة قريبتي من البلاد في عمرها 18 سنة ما تخرجش كامل من الدار بطلوها من ليكول وراكي عارفة ناس الارياف والو لا دخلة لا خرجة وباباها زوالي للطرف شافتها ام شاب خطبوها ودفعو مهرها ووالدها جهزها جاو على غفلة حدو موعد العرس وباباها ما عندو والو قالو لازم نرفدو فالحين باباه طاح ناض تسلف الجيران عاونوها ما عندها والو مسكينة تخيلي هذي تجي في بالك تصرا دارو القاطو وكل شي نهار قبل العرس كانت عاقدة يعيطلهم واش يقولهم ما نحتاجش المكتوب ماكتبش والدها يعني إعتبرها مزحة وهو راح ليه نقولك واش لقى صدقيني لوما قريبتي انا ما نصدقهاشى لقاهم عادي ما عندهم حتى مناسبة لقاه عند الباب قاعد قالو ما نديهاش مازال باه نتزوج شوفي وقاحة الناس
طلقها على ألارواق ويكتب ربي زوج ختها يخدم هنا فالعاصمة ويحكي لصاحبوقصتها قالو انا نتزوجها شوفي خلصلهم الكريدي والخسارة كامل نتاع العرس ودارلها واحد العرس حكات عليه ولايتها كامل وراهي في دارها دايرلها الدنيا دنيتين معززها ومكرمها وعندها سمانة برك منين ولدت ربي عوضها وذاك الحيوان مازال معلق باير ويبقى ثم معلق سامحيني طولت عليك برك تعرفي رحمة ربي واسعة موفقة حنونة

[مسلمة وافتخر17]

المشاركة الأصلية كتبت بواسطة مريم الصابرة

السلام عليكم اختي
ربي يهدي سركم شوفي المشاكل يكونو كاينين خاصة منين تعقدي خلاص الراجل يحسك ملكو وصح ملكو راكي مرتو المهم الإحترام وشويا صبرمنك وتساعفي كاين راجل يقدر يغلط ويجي يطلب السماح وما تنسايش الإنسان ماشي دايما مليح مرة هكذا ومرة هكذا ولازم تتعلمي تتحملي لكن الاخت خديجة مسكينة تحملت بزاف صح ماكانش اللي يحبلها تطلق محال ربي يهدي سرهم ويهديه خاصة هو لكن أقراي واش كتبت تخيلي المعاير اللي يعايرهملها لو مرة معليش مرتين معليش نقولو زعاف لكن هذا متعمد يجرحها ويهينها
الامر الاول والاخير يرجعلها لازم على الأقل تخوفو بأهلها ولازم يديرولو شروط يسقم روحو لأانو التخمام للقدام لحياتهم مع بعض ثم وين اهلها ما يقدروش يدخلو يقولهم هذي مرتي وزيدي يولو فيها اطفال يعني تسكت وتحملها وقادر يدير فيها رايو لازم منا تشد الحبل عليه والخيرة فيما إختاره الله
وإنت ماشي حاجة إصبري عادي دقيقة نتاع زعاف إحنا النسا ثاني مقلشات كل دورة راك متبدل رهي عندك وحدة راك كذا راك كذا الرجال القرمود يطيرلو لالا شويا منكم وشوبا منهم ربي يهدي سركم موفقات يا رب

[size="4"]صح الحمد لله انا عمروا ماعايرنى ولاطيح قدامى ولاسب الحمد لله مقادرنى لابعد الحدود لكن كاين كلام ماتقدرش لوحدة فينا تتحملو مثلا يقلك خسارة فيك كل شيء مع علم انو انتى ضيعتى سنين عمرك على جالو ولا يقول قلبي برد من جيهتك هدا كلام يجرح لوكان كاين سبب معليهش بصح بدون سبب يخليك تتوسوسي علاش وكيفاش ويدخل الشك انو يمكن وحدة في حياتو وغيرها من ظنون
بالنسبة للاخت خديجة الله يعينها صح هدا انسان عديمة الشخصية ومستواه معدوم لخاطر اسلوب كلامو يدل على مستواه منحط نتمانو تصيب حل للمشكل هدا تحكى لدارهم هوما لي يدخلو ويحلو المشكل بمنطق عقلانى صح احنا لبنات نخافو من كلمة طلاق خاصة قبل الدخول وخاصة ادا كانت فترة خطوبة طولت رانا في وقت مايرحمش بصح مدام كاين ربي ياخد الحق الواحدة فينا ادا كانت مظلومة متخافش ربي يعوض بما خير ان شاء الله
يااااااااااارب هدى نفوسنا وسترنا بسترك يارحمان يارحيم[/size]

[حزن بحر]

انت غلطت معاه من البداية كي تحملتيه
رانا بشر ونغلطوا
بصح كاين اخطا نتاع الغضب او ظروف نتحملوهم وبسيف علينا
بصح المعايرة يا اختي اسمحيلي علاه راك تطلبي فيه
والجهاز ماهوش خسارة يجي النهار اللي تتخطبي وتزوجي ولي ديمودات صدقيها على قبرك وجددي
ماراكي خاسرة واللو يا اختي العزيزة
من عندك انت نوجه كلامي لكل البنات ماتتسرعوش
ماتقولوش راني تخطبت ورايحة نتزوج
الزواج هو العشرة كي تروح الرغبة في .... ويبقى الصح يصبح الراجل الي راح تبقى بيناكم المودة والرحمة وترجع الحياة من العسل الى السكر
هذاك هو الصح تجي االحياة العادية والروتينية اللي راكم عايشينها في دياركم هذا هو الصح
ماهوش راح يبقى على طول يقول لك الكلام المعسول و و و و
لازم تخمو مليح تخمو في التصرفات في العقلية
هذي راحي حياة واذا دخلتوها انساو كلمة طلاق اسنوها من فضلكم راح تكون مسؤولية اولاد اسر ينفصلوا ماشي زوجين فقط