عاونوني رايحة نموت

[nardjesse2]

ربي يفرج عليك و فكري مليح لأن الزواج ليس لعبة أختي

[zaza22]

من تجربتي الخاصة اقول اتركي له وقت لا تتسرعي لان تحضيرات الزفاف توتر الانسان مهما كانت درجة تحمله خاصة ان كان هو من يقوم بكل شئ المفروض انك تقف معه في هذه المحنة التي يمر بها ان كان نار فكوني انت المظر كل شئ سيمر باحسن حال ان شاء الله لا تخبري اهلك فعالجوا المشكل بينكما

[galaxy tm]

لازم يهدروه معاه الرجال اخت

[مريم الصابرة]

المشاركة الأصلية كتبت بواسطة خديجة 1010

اختي مريم مفهمتيش نوع الكلام لي يقولو لالا ماشي غزل لوكان جا هكاك معليش هو كلمة حلوة ميعرفش يقولها يهدجرلي غير الهدرة الباسلة تصوري يقولي كي نكون نمشي معاك فالزنقة نحشم بيك تبهدليني بلبستك وانا والله لبستي محترمة ونقية وخطرة خرجت معاه وتقطعتلي ليبة جديدة جازو يمات عايرني بيها وخطرة كنا نهدرو قالي بلاكي جيني بسباطك هداك الفايح ياختي وش نقولك وكي تشوفيني وتشوفيه فرق كبير بيناتنا انا خير منو في كل حاجة شحال من مرة يزيد معايا الهدرة ويقولي راني حاب نبطل وكي نقولو دبر راسك انا قلبي وجعني وعييت من تصرفاتك يولي يحلل ويقولي كنت نقصر معاك برك

السلام عليكم اختي
آه ما فهمتش هذا كلام كبير وعلاه سمحت يطيح بقيمتك للدرجة هذي يعايرك يحوايجك هذا ما راهش محتلامك اصلا وما يعرفش يحترم إمرأة من راي اختي خمي مليح قبل ما تندمي لأانو اصلا لو تتزوجي بيه راح يذلك صراحة وماراكيش اول او آخر وحدة تطلق قبل الزواج من راي فكري مليح لانو كلامو كبير بزاف صراحة ماكنتش فاهمة الموضوع إعذريني لكن والله خلعتيني كيفها يوصل يعايرك بالطريقة هذي كاين رجال هاكا سبحان الله
نقولك ما تخافيش منو كان يهددك بفسخ الخطبة خليه يروح حب يجي يصلح الامور لازم ديريلو حد قدام والديك ما راكيش عايشة وحدم خليه يعرف عندك الرجال كان حاب يفسخ الخطبة اختي ربي يعوضك بالي يقيمك والله تحملت ربي يكون في عونك نقولك الصح انا نحمل الراجل ونعيش معاه ولو يكون طلاب لكنو محترمني ولا يكون رئيس وما يعرفش حتى يهدر خمي مليح ربي معاك

[meriem hanin]

اختي الفاضلة
ان شاء الله تمكون مجرد لحظة غضب
اذا وصلت بيكم لهاذ الدرجة و عرفتي بلي انتي وحدك ماتقدريش تحلي المشكل هنا لازم زاحد من افراد العائلو و الافضل خوك انو يتحدث معاه و يجرب يهدا الامور
لازم تعرفي بلي مثل هذه الامور تحصل خاصة مع اقتراب موعد العرس بحكم الضغوطات عليك و عليه
استغفري الله و صلي بزااااف و ادعي ربي يفرج عليكم
ربي يصلح فيما بيناتكم وكوني عااااااقلة و رزيينة
تقبلي مروري

[خديجة 1010]

السلام عليكم ورحمة الله ولركاته
شكرا لكل من رد علي وقالي كلمة حق راني صليت الاستخارة وبعد ما صليتها حسيت بقلبي مقبوض وفالليل لما رقدت نمت كلي انا وياه تزوجنا عادي
واليومكي نضت حسيت بلي راح هداك الانقباض وبلي راح نتقبل كلشي حتي الا كان الفراق هو الحل اللهم اجرني في مصيبتي واخلف لي خيرا منها

[•~ندية الجوري~•]

السّلام عليكم

أختي خديجة ... أعذريني

ظننتُ الأمر هيِّناً و مجرّد خلافات عادية
تحدثُ بين أيّ زوجين

و لكن بما أنّ الأمر يتعلّق بـ الإحترام
و ليس تُبنى علاقة بشكل دائم و الإحترام مُنعدمٌ فيها...

صدّقيني ...إستغربت جداً مما كتبته

يعني كاين ناس يهدرو بهذا الأسلوب المُتدنّي



أختي خديجة

أنّها علاقة زواج ...
و سيكون بينكما الكثير
إذا لم يُراعي شعورك و أنت خطيبته
فكيف يكون الحال بعدها

ربي يكون في عونك
صلّي الإستخارة مرّة أخرى
و توكّلي على الله

/
صراحة إلاّ الإهانــــة
صعبٌ تقبّلها و تجاوزها

عليه أنْ يتعلم كيف يُحاور أنثى أوّلاً

أعذرني لكن غضبتُ جداً لأجلك

[خديجة 1010]

سفتي ياختي وش صرا فيا خطرة كنا نهدرو وريتلو تصويرة تع اخني قالي خسارة حصلت بيك انتيا لوكان شفت اختك راني خطبتها قبلك وزيد وزيد وزيد مرات نقولو علاش خطبتني يقولي المهم نتزوج وسلام عمري محسيت بلي يحبني ولا يحن عليا ولا حتي كاش مشاعر طيبة والو كلي راني مع حجرة وكي يتكاكا مع روحو يقولي علابالي بلي راني ظالمك وعلابالي بلي راكي حاملة مني بزاف كي نقولو انا راني بنت فاميليا ومتسمعش مني العيب يقولي علي هادي لي راكي معايا درك لوكان جيتي كيما لخرين راكي طرتي هو في الاصل كان خاطب وحدة وبطل منها بصح كي يحكيلي كيفاش كانت تسبو بيماه والاهل ديالو ننخلع هي طيحلو وهو يطيحلها عادي وقيلا علي هادي ولا يهدر معايا هكا داير في راسو بلي لبنات كامل كيفكيف

[مريم الصابرة]

المشاركة الأصلية كتبت بواسطة خديجة 1010

سفتي ياختي وش صرا فيا خطرة كنا نهدرو وريتلو تصويرة تع اخني قالي خسارة حصلت بيك انتيا لوكان شفت اختك راني خطبتها قبلك وزيد وزيد وزيد مرات نقولو علاش خطبتني يقولي المهم نتزوج وسلام عمري محسيت بلي يحبني ولا يحن عليا ولا حتي كاش مشاعر طيبة والو كلي راني مع حجرة وكي يتكاكا مع روحو يقولي علابالي بلي راني ظالمك وعلابالي بلي راكي حاملة مني بزاف كي نقولو انا راني بنت فاميليا ومتسمعش مني العيب يقولي علي هادي لي راكي معايا درك لوكان جيتي كيما لخرين راكي طرتي هو في الاصل كان خاطب وحدة وبطل منها بصح كي يحكيلي كيفاش كانت تسبو بيماه والاهل ديالو ننخلع هي طيحلو وهو يطيحلها عادي وقيلا علي هادي ولا يهدر معايا هكا داير في راسو بلي لبنات كامل كيفكيف

السلام عليكم
صباح الخير اختي خديجة نتمنى اليوم راكي احسن
راكي كل مرة تخلعيني يوصل يتمنى اختك في بلاصتك ويعايرك بهي الريقة ومازال تحوسي عليه إسمحيلي هذي كبيرة بزاف هذا إنسان وسامحيني قليل الإحترام ما يعرف لا يهدر ولا يراعي شعورك راحا تتعبي معاه بزاف بزاف لو جات لمرى وخلاف عادي كل زوجين يتعايرو ومن بعجد خلاص يتسامحو وماكان والو لكن يوصل للامور هذي ويقلل من قيمتك ويتمنى اختك في بلاصتك ياخا كبيرة بزاف بزاف
وتحملت منو كامل هذا نقولك الصح ربي راه بينهولك على حقيقتو واش يسوى وراه مدلك فرصة لما تتزوجي بيه راحا تعاني ويدير في بالو عادي وتتحملي وما تهدري والو نقولك الصح لو انات في بلاصتك انا نعيطلو ونقولو روح ربي يسهل عليك كاين الرجال وما تعرفي كامل الخير وين راه وربي يعوضك بخير منو آلاف المرات
انا نظن خطيبتو الأاولى هي خلاتو ما فيه ما يعجبك بكل صراحة وسامحيني على هدرتي لانو والله غضتيني الصراحة يعايرك بهذا الأاسلوب ويجرح مشاعرك وإنت تحملت منو بزاف واش نقولك الأامر راجع ليك وما تخافيش تقةلي يروح ممكن ما نتزوجش لا على العكس ربي بينولك على حقيقتك وما تحسيش باللي مصيبة لالا على العكس راحة بالك ربي يكون معاك

[•~ندية الجوري~•]

المشاركة الأصلية كتبت بواسطة خديجة 1010

سفتي ياختي وش صرا فيا خطرة كنا نهدرو وريتلو تصويرة تع اخني قالي خسارة حصلت بيك انتيا لوكان شفت اختك راني خطبتها قبلك وزيد وزيد وزيد مرات نقولو علاش خطبتني يقولي المهم نتزوج وسلام عمري محسيت بلي يحبني ولا يحن عليا ولا حتي كاش مشاعر طيبة والو كلي راني مع حجرة وكي يتكاكا مع روحو يقولي علابالي بلي راني ظالمك وعلابالي بلي راكي حاملة مني بزاف كي نقولو انا راني بنت فاميليا ومتسمعش مني العيب يقولي علي هادي لي راكي معايا درك لوكان جيتي كيما لخرين راكي طرتي هو في الاصل كان خاطب وحدة وبطل منها بصح كي يحكيلي كيفاش كانت تسبو بيماه والاهل ديالو ننخلع هي طيحلو وهو يطيحلها عادي وقيلا علي هادي ولا يهدر معايا هكا داير في راسو بلي لبنات كامل كيفكيف

ربي يسعد قلبك
و يعوضك على صبرك بما يزيح الألم عنكِ

أعلم انكِ مهما تكلّمت يبقى ما في القلب
أعمق من أن تعبّر عنه كلمات

لا أدري لا احد يحب الفراق و الإفساد بين إثنين

ولا أحب لغيري إرّ ما أحبّه لنفسي

و لكن الإستقرار العاطفي و النّفسي بين الزّوجين مهم جداً
أختي
هذه حياة
إن لم يوجد بينكما الحب
على الأقل يكون الإحترام

أنت الآن أدرى و أعلم بـ ما يستطيع قلبك تحمله
و بـ مقدار صبرك

فحاوري نفسك
هل يُمكنكِ تغييره
تغيير أسلوبه معك
فرضَ إحترامك عليه

أم عليكِ تحمّل ثقله و ثقلَ طبعه طول حياتك


و أعرف أنّ الأمر صعب
و لكن

مازلتم على البر
فلا تغوصي فيما يؤذيك أكثر

[الزير سالم]

استخيري الله عزوجل

[مسلمة وافتخر17]

ربي يعينك ياختى انا من اسبوع صرالي نفس المشكل تاعك بلا سبة قالى خلاص لي بينا مافهمت والو هدو رجال يزربو يعقدو علينا ومن بعد يدرونا كالخاتم فالصبع لو مادخلتش ماما وحكات معاه لوكان رانا طلقنا المشكل والله بلا سبة كنت نقولو حاساتك تبدلت عليا قالى ياختى عقلبيتك ماهيش عاجبتنى وتربحى تخيلي نسى بلي ضيعت عامين من عمري على جالو لاقرايا لا والو قاعدا غير فالدار نستنى فيه من بعد بكل بساطة تسمعى منو كلام يقطع القلب الله يعينا المشكل جيت عاقدة وانا من نوع لي يخاف ويهاب كلمة طلاق الصبر وخلاص بلاك ربي يهدى نفوس

[biologie2001]

يا اختي ربي يكون في عونك .... راكي متحملة كل هذا الشيء و مازالك تخممس ادا تنفسخ الخطوبة او لا ...... ياحبيبتي لوكان جيت في بلاصتك النهار الاول اللي يطيحلي فيه الكلام نقولو روح تروح انا مارانيش مرمية عليك...... سامحيني اختي ممكن نكون قاسية عليك شوية لكنها الحقيقة ... اين كرامتك من كل هدا ... يعايرك بحوايجك و يتمنى اختك... هذا ماشي انسان عندو قلبو..... يا اختي ادا راح الاحترام بين اثنين تاكدي انهم مايقدروش يعيشوا مع بعض

و للاسف الان الكل يجري للعقد و من بعد على اي مشكل يطلقو و البنات بطبيعتهم يهابوا هدي الكلمة......... اختي وقفيه عند حدو و هدا بكل صراحة لا معيشة معاه...... و ماشي انت الاولى و لا الاخيرة اللي تطلق قبل الدخول.

[مريم الصابرة]

المشاركة الأصلية كتبت بواسطة مسلمة وافتخر17

ربي يعينك ياختى انا من اسبوع صرالي نفس المشكل تاعك بلا سبة قالى خلاص لي بينا مافهمت والو هدو رجال يزربو يعقدو علينا ومن بعد يدرونا كالخاتم فالصبع لو مادخلتش ماما وحكات معاه لوكان رانا طلقنا المشكل والله بلا سبة كنت نقولو حاساتك تبدلت عليا قالى ياختى عقلبيتك ماهيش عاجبتنى وتربحى تخيلي نسى بلي ضيعت عامين من عمري على جالو لاقرايا لا والو قاعدا غير فالدار نستنى فيه من بعد بكل بساطة تسمعى منو كلام يقطع القلب الله يعينا المشكل جيت عاقدة وانا من نوع لي يخاف ويهاب كلمة طلاق الصبر وخلاص بلاك ربي يهدى نفوس

السلام عليكم اختي
ربي يهدي سركم شوفي المشاكل يكونو كاينين خاصة منين تعقدي خلاص الراجل يحسك ملكو وصح ملكو راكي مرتو المهم الإحترام وشويا صبرمنك وتساعفي كاين راجل يقدر يغلط ويجي يطلب السماح وما تنسايش الإنسان ماشي دايما مليح مرة هكذا ومرة هكذا ولازم تتعلمي تتحملي لكن الاخت خديجة مسكينة تحملت بزاف صح ماكانش اللي يحبلها تطلق محال ربي يهدي سرهم ويهديه خاصة هو لكن أقراي واش كتبت تخيلي المعاير اللي يعايرهملها لو مرة معليش مرتين معليش نقولو زعاف لكن هذا متعمد يجرحها ويهينها
الامر الاول والاخير يرجعلها لازم على الأقل تخوفو بأهلها ولازم يديرولو شروط يسقم روحو لأانو التخمام للقدام لحياتهم مع بعض ثم وين اهلها ما يقدروش يدخلو يقولهم هذي مرتي وزيدي يولو فيها اطفال يعني تسكت وتحملها وقادر يدير فيها رايو لازم منا تشد الحبل عليه والخيرة فيما إختاره الله
وإنت ماشي حاجة إصبري عادي دقيقة نتاع زعاف إحنا النسا ثاني مقلشات كل دورة راك متبدل رهي عندك وحدة راك كذا راك كذا الرجال القرمود يطيرلو لالا شويا منكم وشوبا منهم ربي يهدي سركم موفقات يا رب

[خديجة 1010]

يعطيكم الصحة علي ردودكم حتي انا قررت بلي اليوم خير من غدوة معندي مراح ندير الكاتبة تلحق علي الاقل الانسان يربح كرامتو لكن المشكل راني متخوفة من اهلي عمري موصلتلهم بلي كاين مشكل بيني وبينو دايما رامية كلش في قلبي