جيبي مشينتك و ارواحي .....سطايفيه

[stayfiya]

المشاركة الأصلية كتبت بواسطة farawla01

اختي سطايفية راني جيتك مع ماشينتي هبلتني فهميني فيها كيفاش انريقلها تكسر ليباري وخدتني ههههه زيد الخياطة مشي منظمة يتكبب الخيط تحت القماش في خاطري نخيط بصح كرهتني في الخياطة هذي صورة تشبهلها

صافي مشينتك راهي مهروده
اول حاجه شوفي البرا لمان راهي نتاعها و لكان راهي راكبه مليح يعني ميش هابطه و بالتالي تقيس في البورت كانات
ثانيا لاطونسيون تاع الخيط لازم يفوت الخيط على مراحلو كامل ونوعو يكون مليح ريقلي لاطونسيون في رقم 5 او 7 و ابداي جربي حتي جيك النفده مليحه و صافيه من اسفل و عرض النفده ماتكبريهش ديري 3 و كي تخلطي اعطيها دوش زيت وبالشفاعليها

المشاركة الأصلية كتبت بواسطة om meriem

سطوفة ماعندى واين نلقاك غير هنا قسم الطلبات راهو تقفلوانا نستنا عولت انخيط لغوب الوردى لبنتى الاسبوع هذا عندها حفلة تاع يوم العلم معليش تعيشي شوفيهملي

راني حطيتلك الاجوبه في قسم الطلبات

[stayfiya]

المشاركة الأصلية كتبت بواسطة نخله.

سطايفيه ................ الكل يريد سطايف

الله يحفظك و يسترك على المجهودات جعلها الله في ميزان حسناتك


جبت الزيت زما عرفتش وين نديرو موالفه بماشينات الوالده تع بكري فيهم ثقبات يعني بلايص باينين وتاعي كيما هاذي




وين ندير الزيت....................النجججججده

لالا ياختي ااامبوسيبل ماعندهاش وين ديريلها الزيت من فوق راكي تلقاي ثقب ولكان مالقيتيش ديري في بلاصة لي فيس و افتحي بلاصه البورت كانات بصح لزم يكون زيت خفيييف. خاطر راهم فراجيل ميش كي لاندوستريال

[farawla01]

ربي يحفظك سطوفة الحبوبة

[ام ادم11]

السلام عليكم الحمدلله و اخيرا عندي شهر نسجل في المنتدى غير على جلك اختي السطايفية يعطيك الصحة mais vraiment merci

[ام ادم11]

صدقيني الكلمات لا تكفي mais دخلتي قلبي

[ام ادم11]

وينك يا اختي السطايفية

[romaissadz]

السلام عليكم ورحمة الله
حياكن الرحمن اخواتي اشتريت ما كنة خياطة سانجار مثل سانجار الخاصة بالسطايفية خدمت بها شوي ولكن الجزء لي نعمر بيه الفوالة تكسرتمن الداخل مش عارفة اذا موجودة هذ البياسة ولالا اذا ممكن دلوني اين اجدها لانها ضرورية واذا كان يوجد طريقة اخرى نعمر بها الكانيطة (الفوالة)

[stayfiya]

المشاركة الأصلية كتبت بواسطة ام ادم11

وينك يا اختي السطايفية

راني هنا ختي بصح مانقدرش ندخل ديما بحكم خدمتي نروح غي مالليل لليل

المشاركة الأصلية كتبت بواسطة romaissadz

السلام عليكم ورحمة الله
حياكن الرحمن اخواتي اشتريت ما كنة خياطة سانجار مثل سانجار الخاصة بالسطايفية خدمت بها شوي ولكن الجزء لي نعمر بيه الفوالة تكسرتمن الداخل مش عارفة اذا موجودة هذ البياسة ولالا اذا ممكن دلوني اين اجدها لانها ضرورية واذا كان يوجد طريقة اخرى نعمر بها الكانيطة (الفوالة)

هي نورمالمون كاين بياسها شوفي عند ضحاب لماشن تلقايها و نتي مؤقتا عمريها بطريقتي هههه شوفي دخلي الكانات في توزنوفيس و كبي فيها شوي و حطيها على حاشية العجله و مشي المشينه تاعك راح الدور العجله و تلقائيا يتعمر الخيط هاه واش قلتي في افكاري الجهنميه هههه

[loudjeine2000]

صباحك ورد يا الغالية عندي طلب اذا سمحتي
https://www.djelfa.info/vb/showthread...572815&page=93

[om meriem]

سطوفة الله يعيشك رانى لاحقاتك في كل بلاصة واين نلقاك لازم ندخل السروال الي حطيتيلي الرسم انتاعو كفاش انديرلو باش يجي تحت الركبة بشويا برككيما هذا الله يعيشكhttps://

[nessrine1988]

السلام عليكم أخت سطايفية أنا عضوة جديدة نحب منتدى خياطة راها عندي مشتنة سانجار بيدال

[ام ادم11]

واخيرا رديتي عليا صدقيني راني فرحانة بزاف ,تعرفي بلي حابة نتعلم لخياطة و انت سهلتيلي شوية المهمة بالورشات نتاوعك يعطيك الصحة بح راني ما طبقت والو لانتي نستنى في عجوزتي تمدلي المشينة تاع الخياطة نتاعها

[ام ادم11]

قلت دورها خياطة مادامني نافحة فيها خير ما نبقى نستنى في الخدمة باش نخدم

[رحمانية]

السلام عليكم اختي سطايفية انا عندي ماكينة خياطة سوبر زقزاق و اريد ان اطرز بها فارجو تعليمى العمل عليها ضروري جدا و شكرا مسبقا

[fatma1977]

{ كُلُّ نَفْسٍ ذَآئِقَةُ الْمَوْتِ وَإِنَّمَا تُوَفَّوْنَ أُجُورَكُمْ يَوْمَ الْقِيَامَةِ فَمَن زُحْزِحَ عَنِ النَّارِ وَأُدْخِلَ الْجَنَّةَ فَقَدْ فَازَ وَما الْحَيَاةُ الدُّنْيَا إِلاَّ مَتَاعُ الْغُرُورِ }

[size="5"]ببالغ الحزن والاسى تلقينا نبأ وفاة والد السطايفية المغفور له (إن لله وإن إليه راجعون)
ولا حول ولا قوة إلا بالله العلي العظيم ...

اللهم ألهمها ووالدتها وإخوانها الصبر والسلوان

وصللى اللهم وسلم وبارك على سيدنا محمد صلى الله عليه وسلم