وصفة جديدة للقريوش وبشكل جديد في قمة الروعة من مطبخي

[saida08]

حقا ابداع متميز
كم هو الطول و العرض
ان شاء الله نجربه في العيد

[bint aljazair]

ما شاء الله,, ربي يبارك

[ليلى المستغانمية]

ya3tik saha jatek chaba

[bessoumarchi]

المشاركة الأصلية كتبت بواسطة ام اماني77

السلام عليكم
كيف حالكم غالياتي نتمنى راكم كامل بخير
راني رجعت بعد غياب قصير وجبتلكم وصفة جديدة للقريوش وبشكل جديد روعة نتمنى ينال اعجابكم
المقادير:
الكيلة المستعملة هي كاس نتاع 250مل
3كيلات فرينة
نصف كيلة نشاء
نصف كيلة سمن ذايب وبارد
صفار بيضة
رشة ملح،فاني ،م ص خميرة الحلوى
ماء+ماء الزهر
عسل وجلجلانية للتزيين
الطريقة:
نحط الفرينة مع النشاء ورشة ملح والفاني والخميرة والسمن الذايب والبارد ونفرك جيدا باليد ثم نضيف صفار البيضة ونفرك ومن الاحسن نسير الخليط في السيار هكذا نتاكدو ان ماكانش تكتلات وبعدها نلمها بالماء وماء الزهر حتى نتحصل على عجينة متماسكة نشكلها كويرات ونغطيها ونخليها ترتاح
https://
ناخذ كويرة نبسطها بالحلال ونرققها في الماشينة حتى الرقم ما قبل الاخير ومرة على مرة نرش شوية فقط من النشاء
https://
نطبقها كيما نعملو في العجينة المورقةالصور توضح اكثر
https://

https://

ونعاود نفوتها في الماشينة ونكرر نفس العملية وهذا لي يخلي القريوش مورق ويذوب في الفم
بعد ما نرققها نقطع بالجرارة مستطيلات كبار انا عملت العرض12سم ونقطع 24 خط بالجرارة ما تخلعوش ههههههه
https://
بعدها نحسب4 خطوط ونطبق
https://
ونكمل نحسب 4 خطوط ونطبق حتى نكمل ونتحصل على هذا الشكل
https://
نفتحها شوية في المنتصف
https://
ونقلب من الجهة العلوية فقط كما في الصورة
https://

https://
راح نتحصل على هذا الشكل هذي الطريقة الاولى
اما الطريقة الثانية
نطبق المستطيل على اثنان
https://
ثم نعاود نطبقو على اثنان ونعاود مرة ثالثة حتى نتحصل على الشكل السابق ونشكلو بنفس الخطوات
وكل ما نشكل حبة نغطيها حتى نكمل العجينة
بعدها نقليهم في زيت يكون سخون مليح والنار ناقصة ونقلي بالحبة وكل مانحط حبة نرمي عليها الزيت بالملعقة باه تتنفخ شوفو شكلها ما احلاه
https://
بعدها نحطهم يقطرو ويبردو ثم نعسلهم في عسل مسخن مع شوية ماء الزهر لازم يكون ثقيل شوية باه القريوش يبقى مقرمش ونزين بالجلجلانية محمصة

https://

شوفو شكلو رااائع والذوق اممممممممم

https://
نتمنى يعجبكم ونشوف تطبيقاتكم
لاتنسوني غالياتي من صالح الدعاء ولكن بالمثل
في امان الله

ya khti 3tik esaha ana chhftou mana3ref wech men photo w skhaft 3lih w ki lgitou 3andek allah yanawerlek yamatek

[farah16]

شكرا على الوصفة و الطريقة

[yasmine19]

مااااااا شاء الله اختي

[mystiq1]

بارك الله فيك يا اختي في القمة

[The Pink cloud]

44444

يعطيك الصحة

[السلطانة هيام]

واااااااااااااو رائع كما عهدناكي يعطيك الصحة ام اماني

[ازهار26]

السلام عليكم ورحمة الله وبركاته
بارك الله فيك أختي ,, الله يبارك هذا قريوش وعليه لكلام
أختي تقدر نطمو بالماء برك لخاطرش ماكنتش علبالي بلي خلاصلي الماء الزهر
وتانيت ويلا نقدر نخلي لعجينة تبات
يعطيك الصحة
في امان الله

[TINHINAN2]

ربي يحفدك الاخت ام اماني علي هذه الوصفه وكل وصفاتك الرائعه لدي فقط سؤال كيفاش تحصلت علي هذاك اللون بعد القلي اي ماخرجتلكش حمرا هل هناك حيله باش نتحصلو علي هذا اللون الاصفر الذهبي وشكراااااااااااااا

[نسرين سامي]

روعة شكراااااااااااااا

[زهرة الهضاب 19]

شكرا جزيلا أختي

[ام تقوى 2009]

[ياسمين20]

يعطيك الصحة على وصفة رائعة