Mh47 الجزء الــــ84 من واش طيبتي اليوم - الصفحة 22

عطرالذهب · 2014-08-10, 22:27

نبدالكم بصور البقلاوة نتاع الصباح هاهي

وهاهي حبة عن قرب باش تحسبو الطبقات

نروح نحمل باقي الصور ونرجع

malek nour hane · 2014-08-10, 22:35

اووو شكون لي هنا عطووور عاسلامتك يالعزيزة... الله غالب جيت بعيدة عليك كون عاونتك... ربي يعينك و راني نسنا فلي فوطو
أن شاء الله ربي يشفي كل مريض و يشفي السعيدة بربها سارة إن شاء الله تكون تحسنت
هيا مولات السلاطة حرز فزر تاعك طولت... واقيلا سلاطة خضرة... الحكومة تاعكم ظاهرة تشوف فيك ارنوبة

fatalim · 2014-08-10, 22:39

سعيدة انتوما مرضى علبيها مدايرين ريجيم شلايض

malek nour hane · 2014-08-10, 22:39

اممممم هذيك البقلاوة رووووعة عطر... قوليلي خي حليتيها بالرولو ماعنديش الآلة تاع الرشتة... و فالحشو ماعنديش ماء الزهر.. عندي ماء الورد مايعجبنيش نزيد نحوس على ماء زهر و نجربها إن شاء الله اكييييد كي نجي نجربها تزيدي تفهميني كتر يا معلم علابالك راسي بيدون ههههه

سعيدة8888 · 2014-08-10, 22:41

اقتباس:

المشاركة الأصلية كتبت بواسطة malek nour hane

اووو شكون لي هنا عطووور عاسلامتك يالعزيزة... الله غالب جيت بعيدة عليك كون عاونتك... ربي يعينك و راني نسنا فلي فوطو
أن شاء الله ربي يشفي كل مريض و يشفي السعيدة بربها سارة إن شاء الله تكون تحسنت
هيا مولات السلاطة حرز فزر تاعك طولت... واقيلا سلاطة خضرة... الحكومة تاعكم ظاهرة تشوف فيك ارنوبة

يخي راني حليتها
سلاطة فلفل وطماطم

ام سهام 02 · 2014-08-10, 22:42

يعطيك الصحة عطورة البقلاوة جات مورقة هااايلة

ليزا صح عشاكم

ملاك نورهان شكرا على الوصفة

تعشينا غير دلاع شبعو من الرفيس

ام سهام 02 · 2014-08-10, 22:47

معليش سعيدة8888 اصبري كتروحي لدارك تنساي كل شيء

oum malek · 2014-08-10, 22:53

[QUOTE=malek nour hane;3991474318]اااااا مالا كاين زوج أم ملك هههه هيا لي حطت فيكم الزفيطي تحط لاغوسات
مساء النور اختي راهم كثرو لملكات هنا ههههههه أتفضلي راهي كيما لحطتها ام إناس ربي يذكرها بآلخير بالنسبه للكسره تعجنيها بآلماء والملح بلا زيت ثم تشوي الفلفل والثوم والطماطيش طيبيها في الماء وبعد حطي في المهراس آلفلفل والثوم و شويه كسبر أخضر وهرسي مليح زيدي الكسره سخونه وهرسيها ثم الطماطيش والكسبر وهذاك الماء لطيبتي فيه طماطيش ديري فيه مغرف طماطم مصبره والملح وغلي الماء نتاعك وديريه لزفيطي نتاعك و قعدي هرسي هذا مكان ولا كشما سؤال راني لهنا

سعيدة8888 · 2014-08-10, 22:54

اقتباس:

المشاركة الأصلية كتبت بواسطة ام سهام 02

معليش سعيدة8888 اصبري كتروحي لدارك تنساي كل شيء

شكرا حنونة ربي يخليك
بنات تصبحو بخير زوجي تعبان وقالي لازم نرقدو باش نقدر نوض بكري
تصبحو بخير

عطرالذهب · 2014-08-10, 22:55

ملاك ماتقوليش على صحيبتي راسها بيدون راكي فحلة وللات النسا والعجينة حليتها بالرولو فقط
ام سهام ميرسي حنونة
هاهم القاطوات الاخرين
عملت دزيريات لجارتي عندهم تهنئة

وخدمت قاطو الكابريس نتاع باتيلا يهببل وزاكي انا كبرت الحبات بطلب من الزبونة خرجتلي 60 حبة

malek nour hane · 2014-08-10, 22:56

سعيدة والله ماشفت الحل ههههه وانا قاتلا روحي هنا... قريب زدت قتلك سلطة الأرز جيت راح نكتبها هههه....على كل حال بصحتكم واصبري حنونة يفرجها ربي إن شاء الله

أم ملك · 2014-08-10, 22:56

اقتباس:

المشاركة الأصلية كتبت بواسطة lyzzabel

ام ملك تاع فرنسا يعطيك الصحة اطباقك كلها تشهي بصحتكم حبيبتي

ام ملك تاعنا هههههه المطلوع يهببببللللل ممممممم أعطيني غير خبزة انا ختك

:d:d
توووووتة بصحتك الكورجاااات ههههههههه الله يحفظك توحشنا طوايشك موااااااااح

اولادي يعطيك الصحة درتي الرشتة نمووووت عليها و دار ن ع ما عندهم حاجة فيها ،، و بصحتكم التشكتشوكة و الخضر ربي يرزق العبد من حيث لا يحتسب و الحاجة تاع الغفلة تجي حلوووووة

طالبة الجامعة بصحتكم الطعام

ميمتيييي ام ريااااض صح صيامكم و حقكم فالجنة و بصحتكم كلشي راني عارفة بلي بنيييييين

عشانا طعاااام بالحليييييب مممممم :d

اللهم انك عفو تحب العفو فأعف عنا

بتموني حبيبتي بدل الوحدة نعطيلك عشرة
بصحتكم حنونة الطعام بالحليب دريه مرقة و لا تسقي بيه بلا طياب
أنا نمووووووت على الطعام بالمرقة تاع الحليب

ناهدوران · 2014-08-10, 22:57

السلام عليكم خواتاتي
اولا انقوللكم صح عيدكم وينعاد علينا انشاء الله بالصحة و العافية
اختي طير الرحمة الف مبروك على كوزينتك انت و2 كوزينات الي فاتوا وهادو حلوياتي للعيد و باروك ليكم وسامحوني خواتاتي كنت رايحة نحطهم في الكوزينة انتاع ام ساجد بصح كتبوا لطير الرحمة

أم ملك · 2014-08-10, 23:00

اقتباس:

المشاركة الأصلية كتبت بواسطة oum malek

مساء الخير هذا عشايا طجين اللحم بآلجلبانه والبطاطا تفضلوhttps://

بصحتكم حنونة تشهي الجلبانة تاعك

أم ملك · 2014-08-10, 23:03

هدا عشانا كيما قلتلكم سردين و روز بصوص السردين
و زتد زوجي جاب بيتزا بنتي قعدت تقولو بابا جيبلي بيتزا قوتلو ما يشقاش
غدوة إن شاء الله نخدملها قالي لا ما نخليهاش في قلبها
قعدت كيما هي ما كلينهاش