تجهيزاتنا للشهر الفضيل

[جهينة اليقين]

المشاركة الأصلية كتبت بواسطة عروبة وطن

السلام عليكم
ربي يوفقكم كامل .

اهلا عروبة واش الاحوال يا الله شاركينا تحضيراتك للشهر الفضيل ما تطليش وتهربي هكذا نتبادلو تجاربنا وخبراتنا

[جوهرة الشرق سكيكدة]

السلام عليكم عجبتني لمتكم ماشاء الله

[جوهرة الشرق سكيكدة]

انا ام لثلاثة ابناء وحامل في شهر السادس ارجو الانضمام اليكم سلام

[جهينة اليقين]

المشاركة الأصلية كتبت بواسطة جوهرة الشرق سكيكدة

انا ام لثلاثة ابناء وحامل في شهر السادس ارجو الانضمام اليكم سلام

اهلا و سهلا ومرحبا يا جوهرة راكي بين اخواتاتك واهلك ان شاء الله راح تستفادي معانا ربي يثبت حملك ويشد لك في وليداتك

[عروبة وطن]

سلام لبنات وشراكم
انا اليوم غسلت الثلاجة ونقيتها مليح ورتبتها .
بالاضافة الى اعمالي اليومية .
وخبيت شوي قارص وبرتقال للرمضان ان شاء الله.
وهذا الاسبوع نبدا الميناج العميق ان شاء الله.
والله يقدرنا ويبلغنا رمضان .

[عروبة وطن]

لبنات يعطيكم الصحة عجبتني فكرة تجمعي مبلغ مالي قبل رمضان وتصدقي بيه مكاش كيما الصدقة نوصيكم بيها بزاف لابغى شق تمر فهي تدفع البلاء والكثير الكثير.

وايضا افطار صائم حاجة مليحة

[ام هزار]

[COLOR="DarkOrchid"]مرحبا بالجميع و اهلا و سهلا بعروبة و جوهرة
انا اليوم كملت فرز و ترتيب المنظم البلاستيكي و غسلت الريددو تاع الكوزينة و غسلت شوية قش ثاني بيدي اضافة الى الروتينات اليومية ما زالني نريح شوية و نكمل نغسل النافدة و ما جاورها/COLOR]

[جهينة اليقين]

المشاركة الأصلية كتبت بواسطة ام هزار

[color="darkorchid"]مرحبا بالجميع و اهلا و سهلا بعروبة و جوهرة
انا اليوم كملت فرز و ترتيب المنظم البلاستيكي و غسلت الريددو تاع الكوزينة و غسلت شوية قش ثاني بيدي اضافة الى الروتينات اليومية ما زالني نريح شوية و نكمل نغسل النافدة و ما جاورها/color]

الله يعينك يا ام هزار مع الخدمة وشغل البيت بالعقل عليك اخدمي على قد صحتك ماشي على حسابها المهم كي نصومو ان شاء الله تكون الدنيا كامل نقية حتى نتفرغو للعبادة والروتينات تكون خفيفة فقط

[جهينة اليقين]

عروبة الله يبارك على النشاط المهم في التنظيف العميق ان لايتجاوز ساعة حتى ما تكرهيش وتبقاي غير تسلكي اخدمي مثلا 45 دقيقة والباقي كمليه في وقت اخر
كل مرة شوي حتلى تخلصي قبل رمضان ان شاء الله
شعارنا دائما لا للتعب لا افراط ور تفريط

[قرويجة]

السلام عليكم فراشات
اليوم نظفت الثلاجة و المجمد و حضرت شوي شابلور بالخبز اليابس للبسبوسة في رمضان
اللهم بلغنا رمضان لا فاقدين ولا مفقودين

[جهينة اليقين]

المشاركة الأصلية كتبت بواسطة قرويجة

السلام عليكم فراشات
اليوم نظفت الثلاجة و المجمد و حضرت شوي شابلور بالخبز اليابس للبسبوسة في رمضان
اللهم بلغنا رمضان لا فاقدين ولا مفقودين

ممكن اختي قرويجة تعطيني وصفة البسبوسة بلا شابلير لاني نديرها فقط بالسميد

[قرويجة]

المشاركة الأصلية كتبت بواسطة جهينة اليقين

ممكن اختي قرويجة تعطيني وصفة البسبوسة بلا شابلير لاني نديرها فقط بالسميد

السلام عليكم
ختي أم راضية أنا نعتبرك قدوى و مثل اعلى في أمور البيت ونحشم نعطيك وصفة البسبوسة ولكن مادام أنت طلبتيها حاضر ومن عيوني
الوصفة الاصلية هي تع سليمة يعلي لي تفوت في قنات سميرة أنا نقصت منها على حسب المول لي عندي يرفد 6 حبات بيض
6 حبات بيض
كاس إلا ربع سكر
كاس إلا ربع زيت
كاس إلا ربع حليب
2 كيسان خبز مرحي يكون خشين شوي
2 ليفار شيميك
زاست تع القارص أو تع البرتقال حسب الرغبة
هي تزيد نص كاس جلجلان محمص و نص كاس كوكاو محمص أنا كل مرة ندير كي يكونو عندي مرات منديرش
بالنسبة للشاربات
كاس عسيلة
كاس سكر
3 كيسان ماء
نص لب حبة قارص بدون قشر
هذي هي الوصفة أنا كي طيب نشربها مباشرة وهي سخونة و الشاربات باردة تي روعة نزيد نقطعها ونديرها في ليكيسات بيوضا و نخبيها في بورت مونجي تبقى 3 أيام طرية وصالحة للأكل ننصحكم مديروهاش في الثلاجة تيبس

[رندة.]

مرحبا فراشات
حبيت نذكّر نفسي ونذكرّكم بحديث الرسول صلى الله عليه وسلم " يا معشر النساء تصدّقن"
نعرفو كامل فضل الصدقة علينا وبالأخص احنا النساء على هذا حبيت نديرو سلسلة عن الصدقة والسُبل تاعها، والدال على الخير كفاعله، خاصة في موضوعنا هذا و تحضيراتنا لاستقبال الشهر الكريم.

أنا راح نبدأ في هاذي السلسلة: يا معشر النساء تصدقن " قفة رمضان".
فضل إطعام الطعام ما يخفى على حتى واحد، وبالتالي الكثير من ربات البيوت يشرو المواد الغذائية إلي تكفيهم الشهر كامل وأحيانا تنقص وأحيانا تزيد.

في البداية نجيبو كرطونة كيما هاذي



نخبّوها في مكان مخفي عن الأنظار مثلا تحت السرير، ونحاولو كل يوم نحطو فيه حاجة من المواد الغذائية: قرعة زيت، كيلو سكر، باطة قهوة، باطة لحظة، كيلو حمص، كيلو طعام، ملح، روز. خل. ماء زهر. تاي.....الخ وكل وحدة وامكانياتها.




ما يجي يلحق رمضان تكون عمرّتها بالمواد الغذائية. وبالتالي ماييقى غير تشري البيض واللحم أو دجاجة باش تكون قفة كاملة وتربح أجر إفطار عائلة لعدة أيام.

ليلة رمضان تديّها أو تبعثها لعائلة فقيرة تعرفها وإذا كانت من صلة الأرحام الأجر مضاعف.

أما إذا كانت ما تعرف حتى واحد تبعثها لإمام المسجد تاع الحي إلي تسكن فيه وهو يتصرّف فيها بمعرفتو.


ربي يحفظكم ويباركلكم في أرزاقكم ان شاء الله.

[جهينة اليقين]

المشاركة الأصلية كتبت بواسطة randa2017

مرحبا فراشات
حبيت نذكّر نفسي ونذكرّكم بحديث الرسول صلى الله عليه وسلم " يا معشر النساء تصدّقن"
نعرفو كامل فضل الصدقة علينا وبالأخص احنا النساء على هذا حبيت نديرو سلسلة عن الصدقة والسُبل تاعها، والدال على الخير كفاعله، خاصة في موضوعنا هذا و تحضيراتنا لاستقبال الشهر الكريم.

أنا راح نبدأ في هاذي السلسلة: يا معشر النساء تصدقن " قفة رمضان".
فضل إطعام الطعام ما يخفى على حتى واحد، وبالتالي الكثير من ربات البيوت يشرو المواد الغذائية إلي تكفيهم الشهر كامل وأحيانا تنقص وأحيانا تزيد.

في البداية نجيبو كرطونة كيما هاذي



نخبّوها في مكان مخفي عن الأنظار مثلا تحت السرير، ونحاولو كل يوم نحطو فيه حاجة من المواد الغذائية: قرعة زيت، كيلو سكر، باطة قهوة، باطة لحظة، كيلو حمص، كيلو طعام، ملح، روز. خل. ماء زهر. تاي.....الخ وكل وحدة وامكانياتها.




ما يجي يلحق رمضان تكون عمرّتها بالمواد الغذائية. وبالتالي ماييقى غير تشري البيض واللحم أو دجاجة باش تكون قفة كاملة وتربح أجر إفطار عائلة لعدة أيام.

ليلة رمضان تديّها أو تبعثها لعائلة فقيرة تعرفها وإذا كانت من صلة الأرحام الأجر مضاعف.

أما إذا كانت ما تعرف حتى واحد تبعثها لإمام المسجد تاع الحي إلي تسكن فيه وهو يتصرّف فيها بمعرفتو.


ربي يحفظكم ويباركلكم في أرزاقكم ان شاء الله.

اسمحي لي راندا قريت مداخلتك هذا الصباح ونسيتها
المهم فكرة طيبة وجميلة والي ما تلحقش تمد مبلغ مالي الي تقدر عليه ماراهيش مقيدة المهم تفرح عايلة فقيرة
ايضا الجيران اذا درتي مطلوع ابعثي واذا درتي قلب اللوز ابعثي او الوالدين اذا كانو قراب ابعثي لهم من ذاك افطار كامل ونوي كلش صدقة
خاصة المرضى واصحاب الحميات عندي جارتي فيها السكر كل مرة نبعث لها عصير المخدوم في البيت تفرح بيه بزاف ن اودها يشرو العصير وهي تبفا تشوف ربي يقدرنا على فعل الخير

[جهينة اليقين]

المشاركة الأصلية كتبت بواسطة قرويجة

السلام عليكم
ختي أم راضية أنا نعتبرك قدوى و مثل اعلى في أمور البيت ونحشم نعطيك وصفة البسبوسة ولكن مادام أنت طلبتيها حاضر ومن عيوني
الوصفة الاصلية هي تع سليمة يعلي لي تفوت في قنات سميرة أنا نقصت منها على حسب المول لي عندي يرفد 6 حبات بيض
6 حبات بيض
كاس إلا ربع سكر
كاس إلا ربع زيت
كاس إلا ربع حليب
2 كيسان خبز مرحي يكون خشين شوي
2 ليفار شيميك
زاست تع القارص أو تع البرتقال حسب الرغبة
هي تزيد نص كاس جلجلان محمص و نص كاس كوكاو محمص أنا كل مرة ندير كي يكونو عندي مرات منديرش
بالنسبة للشاربات
كاس عسيلة
كاس سكر
3 كيسان ماء
نص لب حبة قارص بدون قشر
هذي هي الوصفة أنا كي طيب نشربها مباشرة وهي سخونة و الشاربات باردة تي روعة نزيد نقطعها ونديرها في ليكيسات بيوضا و نخبيها في بورت مونجي تبقى 3 أيام طرية وصالحة للأكل ننصحكم مديروهاش في الثلاجة تيبس

شكرا قرويجة عجبتني الوصفة بصح نحاول ننقص من الحلاوة راكي تعرفي السكريات مضرة للصحة