تجهيزاتنا للشهر الفضيل

[جهينة اليقين]

المشاركة الأصلية كتبت بواسطة توتة2008

سلام
انا اليوم شريت لي بول تاع الشربة وقدر وبعض الاواني ..والبارح نضفت الصالون والبالكون تننظيف عميق وان شاء الله نكمل باقي الغرف الايام القادمة....راكم تعرفو مع الحمل نتعب بسرعة
لا حول ولا قوة الا بالله

بصحتك المشتريات اختي توتة بالصحة والهنا
نعم التنظيف كل يوم حاجة يا لو كان لنصف ساعة راكي درتي انجاز تفرحي بيه اختاري الوقت الي تكوني في كامل نشاطك يا اما في الصباح او بعد اخذ قيلولة
في الحقيقة في الصباح لما تكوني ملمعة الحوض وتكوني غسلتي الماعين ونظفتي المطبخ تصبح الدنيا نقية فقط ماعن القهوة وتديري الفطور فوق النار يبقا لك الوقت للتنظيف العميق ونصيحة اخدمي وكي تحسي بالتعب احبسي فورا وارتاحي وكملي في وقت لاحق صحتك وحملك اهم
المهم ما تطلقيش هههه اي حاجة تنقصيها عليك راكي درتي انجاز

[قرويجة]

السلام عليكم
صباح النشاط على كل الفراشات
الجو اليوم صبح بارد شوي بالنسبة ليوم البارح
الله يعينا جميعا على ذكره و شكره و حسن عبادته ويعينا على أشغالنا

[جهينة اليقين]

المشاركة الأصلية كتبت بواسطة حياتي كلها امل

اصبحنا واصبح الملك لله ولاحول ولا قوة الا بالله
صبحكم الله بكل خير
اهلا بالجديدات معنا وربي يزيد تلتحق بنا كل الغائبات

اهلا حبيبتي ام هاجر ان شاء الله ام متين تلتحق بنا كانا تنور الصفحات مع الصباح وانت واش هذا الغياب المتكرر ما راكيش تباني بزاف ؟

[جهينة اليقين]

المشاركة الأصلية كتبت بواسطة randa2017

بالنسبة للطبخ في رمضان يكون في الصباح الباكر أحسن من الطبخ في وقت الظهيرة فما فوق ، فهناك العديد من النساء ييبدأن من وقت الظهيرة ، وعند صلاة الظهر ، والعصر إما لا تصلي في الوقت ، وإما تجمعهما ، وإن تصليهما وبالها مشغول في طبخها ، فتصلي صلاة بلا خشوع ، والرواتب تتركها لضيق الوقت
وبالعكس لو بدأت التحضير في الصباح الباكر يكون عندك متسع من الوقت ، وصلاتك بإذن الله لن يكون فيها تشويش الطبخ

عندك الصح يا راندا كاين بزاف الي يطيبو الصباح انا ندير الشربة مع الصباح وننقي السلطة ونوجد الماصيدوان قلب اللوز مثلا ثم نصلي الظهر وناخذ قيلولة
وقبل الصر نعجن الخبز وندير الطاجين الي مبرمج في ذلك اليوم ولما نصلي العصر نكمل واش تبقى

[قرويجة]

المشاركة الأصلية كتبت بواسطة جهينة اليقين

ممكن اختي قرويجة تعطيني وصفة البسبوسة بلا شابلير لاني نديرها فقط بالسميد

السلام عليكم
ختي أم راضية أنا نعتبرك قدوى و مثل اعلى في أمور البيت ونحشم نعطيك وصفة البسبوسة ولكن مادام أنت طلبتيها حاضر ومن عيوني
الوصفة الاصلية هي تع سليمة يعلي لي تفوت في قنات سميرة أنا نقصت منها على حسب المول لي عندي يرفد 6 حبات بيض
6 حبات بيض
كاس إلا ربع سكر
كاس إلا ربع زيت
كاس إلا ربع حليب
2 كيسان خبز مرحي يكون خشين شوي
2 ليفار شيميك
زاست تع القارص أو تع البرتقال حسب الرغبة
هي تزيد نص كاس جلجلان محمص و نص كاس كوكاو محمص أنا كل مرة ندير كي يكونو عندي مرات منديرش
بالنسبة للشاربات
كاس عسيلة
كاس سكر
3 كيسان ماء
نص لب حبة قارص بدون قشر
هذي هي الوصفة أنا كي طيب نشربها مباشرة وهي سخونة و الشاربات باردة تي روعة نزيد نقطعها ونديرها في ليكيسات بيوضا و نخبيها في بورت مونجي تبقى 3 أيام طرية وصالحة للأكل ننصحكم مديروهاش في الثلاجة تيبس

[قرويجة]

المشاركة الأصلية كتبت بواسطة randa2017

بالنسبة للطبخ في رمضان يكون في الصباح الباكر أحسن من الطبخ في وقت الظهيرة فما فوق ، فهناك العديد من النساء ييبدأن من وقت الظهيرة ، وعند صلاة الظهر ، والعصر إما لا تصلي في الوقت ، وإما تجمعهما ، وإن تصليهما وبالها مشغول في طبخها ، فتصلي صلاة بلا خشوع ، والرواتب تتركها لضيق الوقت
وبالعكس لو بدأت التحضير في الصباح الباكر يكون عندك متسع من الوقت ، وصلاتك بإذن الله لن يكون فيها تشويش الطبخ

السلام عليكم
يعطيك الصحة ختي رندة وبارك الله فيك أنا شخصيا كانت تصرالي لكن هذا العام إذا حيانا ربي قررت ندير برنامج كالاتي
صبح بعد صلاة الفجر نقرا ماتيسرمن القرأن و الاذكار الفجر راح يبقى يطلع حتى 3ونص عندنا
نرجع نرقد شوي حتى ينوض وليدي على 9 ونبدأ بسم الله حبيت صبح نطيب شربة و دوزيام بلااا نخدم تحلية أو فلان نضر لوازم العصير و السلطة مع لوازم البوراك أو المملحات ونخليهم جاهزين فالثلاجة
يلحق الظهر ننعش روحي بالماء ......مشي نشرب نتوضئ نصلي نقرأ وردي نسبح وندير قيلولة مع وليدي
بعد العصر نوض نصلي ونزيد نقرأ وردي ونسبح حتى 6 نرج للكوزينة نكمل تحضير السلطة و العصير و المملحات أو البوراك كل نهار و باركتو
نحضر طاولة الفطور و بعد المغرب و الفطور نغسل ماعني مباشرة باش نقرأ وردي ونسبح مابيد تلحق العشاء نزيد نفس الشئ بعدها مع ماتيسر من ركعات قيام و أدعية ثم إلا النوم
يارب نكونو ممن يرحمهم الله و يغفر لهم و يعتقهم من النار يارب يارب
أنا هذا نظامي لهذا العام إذا نسيت كاش حاجة أو عندكم إضافة نبهوني

[رندة.]

مرحبا فراشات
حبيت نذكّر نفسي ونذكرّكم بحديث الرسول صلى الله عليه وسلم " يا معشر النساء تصدّقن"
نعرفو كامل فضل الصدقة علينا وبالأخص احنا النساء على هذا حبيت نديرو سلسلة عن الصدقة والسُبل تاعها، والدال على الخير كفاعله، خاصة في موضوعنا هذا و تحضيراتنا لاستقبال الشهر الكريم.

أنا راح نبدأ في هاذي السلسلة: يا معشر النساء تصدقن " قفة رمضان".
فضل إطعام الطعام ما يخفى على حتى واحد، وبالتالي الكثير من ربات البيوت يشرو المواد الغذائية إلي تكفيهم الشهر كامل وأحيانا تنقص وأحيانا تزيد.

في البداية نجيبو كرطونة كيما هاذي



نخبّوها في مكان مخفي عن الأنظار مثلا تحت السرير، ونحاولو كل يوم نحطو فيه حاجة من المواد الغذائية: قرعة زيت، كيلو سكر، باطة قهوة، باطة لحظة، كيلو حمص، كيلو طعام، ملح، روز. خل. ماء زهر. تاي.....الخ وكل وحدة وامكانياتها.




ما يجي يلحق رمضان تكون عمرّتها بالمواد الغذائية. وبالتالي ماييقى غير تشري البيض واللحم أو دجاجة باش تكون قفة كاملة وتربح أجر إفطار عائلة لعدة أيام.

ليلة رمضان تديّها أو تبعثها لعائلة فقيرة تعرفها وإذا كانت من صلة الأرحام الأجر مضاعف.

أما إذا كانت ما تعرف حتى واحد تبعثها لإمام المسجد تاع الحي إلي تسكن فيه وهو يتصرّف فيها بمعرفتو.


ربي يحفظكم ويباركلكم في أرزاقكم ان شاء الله.

[توتة2008]

صباح الخير
شكرا لك رندة وجهينة وكل اللي دعاولي بالخير .....اليوم راني معولة على تنظيف البيفي تاع الكوزينة ..
قرويجة ..هذيك الوصفة تاع خبز تونس هو اللي يجي بلا شابليغ..لالا...؟

[arwa alaa]

اهلا فراشات صباح الخير والنشاط والهمة

[crono]

السلام عليكم
عذرايا فراشاتتى سأعود لاحقا
اليوم أصدم بخبر لا أصدّق الأمر
وفاة الزميلة وفاء الياسمين
تعزية...أختنا https://www.djelfa.info/vb/showthread.php?t=2140222

رحمها الله و أسكنها فسيح جناته

[عروبة وطن]

سلام لبنات وشراكم اليوم بداية ربي يوفقكم ويعينكم.
اختي رندا حتى انا نخدم شغلي اغلبه في الفترة الصباحية في رمضان باش يبقالي متسع فيما بعد والواحد يلهى بطاعاتو ربي يقدرنا.

اليوم راني خدامة من الصباح للمساء دعواتكن لي.

حتى للمساء ان شاء الله

[عروبة وطن]

رحم الله الاخت وفاء الياسمين والله يجعل مثواها الجنة ويصبر اهلها

[توتة2008]

رحمها الله واسكنها فسيح جنانه

[توتة2008]

عروبة ربي يكون في عونك ان شاء الله

[جهينة اليقين]

نعم يا كرونو لقد وقع الخبر علي كالصاعقة ربي يرحم وفاء الياسمين ويسكنها فسيح جنانه
والله هذا الدنيا ما فيها والو ربي يهدينا ويثبتنا ان شاء الله