موضوع جذيذ - الصفحة 2

hakim3148 · 2012-04-22, 08:50

اهلا اخواتي للعلمانا ام مصطفى بسيف سجلني زوجي باسمه معقد شوية في هذه الامور حبيت نشاركم في هذا الموضوع اللي اني نعاني معاه عندي 4بنات وولد الكبيرة عمرها11 والصغيرة1عاموعمري ماخممت في جهازهم دائما تخمامي الكبير في ملابس الدراسة وخصوصا الاحذية كل شهر نشري ميشدولهم والصغيرة راكم عارفين مصروفها اكثر ليكوش والحليب والله يا اخواتي زوجي موضف كي يجيب الشهر نبدا نقسم فيه هذه الايامفي البرد كان خاصناكوفيرطات والله قلعنا على روحنا وبسيف شريت 4للضياف وهذه الايام راني نخمم بزام عندي 2من اولادي عندهم امتحان المرحلة الابتدائية والمتوسط الله ينجحم مرة نخمم على نجاحم ومرة نخمم على المنايسبة بالذات راكم عارفين الضيوف والمهنئين ومصروفهم والله نسكن حذا عجوزتي ب100متر حوالي والله يرمو الحم ومايتفكرونيش بخير عليهم بصح ماعندهم الحنانة عاى اولادهم فقط امي الله يشدهالي راهي معاونتي شوية سمحولي طولت بزاف راني معمرة وماعنديش الثقة في احد نعاودلو

ام امجد14 · 2012-04-22, 09:29

صباح الانوار عيكم جميعا واش احوالكم
صح صح سندس راكى نسيتينا واش احوالك
عجبتنى فكرة شحيحة للبنات غادى نطبقها ان شاء الله
وايضا فكرة الكراريس ملابس

ام امجد14 · 2012-04-22, 09:40

يا اختى ام مصطفى ربى ينجحلك اولادك
انا ايضا ولدى امجد راه عندو امتحان الابتدائية رانى نحاول باش نشريلو ملابس جديدة باش يفوت بيها وننصحك ما دريش الزهو عليهم كى ينجحو ان شاء الله
وما تكلفيش روحك مع المهنئين راكى تجيبى العين ليهم
ولى توكليها لناس شريها حاجة تفرحيها بيهم و تكافئيهم بيها

مريم سلسبيل · 2012-04-22, 10:43

رانا نستناو في ام مارية تقلنا على عولة رمضان

وللاخت للي عندها مشكل في الاحدية انقلك نشري لولادي من سبابط الشيفون والله يلبسو السباط عام ومابتقطعش مش غي الزوالي للي يشريهم حتى لل يكاين لهم لانه جلدهم صحيح وميتعبوش ولا واش رايكم

نيفرتيتي. · 2012-04-22, 11:17

اقتباس:

المشاركة الأصلية كتبت بواسطة hakim3148

اهلا اخواتي للعلمانا ام مصطفى بسيف سجلني زوجي باسمه معقد شوية في هذه الامور حبيت نشاركم في هذا الموضوع اللي اني نعاني معاه عندي 4بنات وولد الكبيرة عمرها11 والصغيرة1عاموعمري ماخممت في جهازهم دائما تخمامي الكبير في ملابس الدراسة وخصوصا الاحذية كل شهر نشري ميشدولهم والصغيرة راكم عارفين مصروفها اكثر ليكوش والحليب والله يا اخواتي زوجي موضف كي يجيب الشهر نبدا نقسم فيه هذه الايامفي البرد كان خاصناكوفيرطات والله قلعنا على روحنا وبسيف شريت 4للضياف وهذه الايام راني نخمم بزام عندي 2من اولادي عندهم امتحان المرحلة الابتدائية والمتوسط الله ينجحم مرة نخمم على نجاحم ومرة نخمم على المنايسبة بالذات راكم عارفين الضيوف والمهنئين ومصروفهم والله نسكن حذا عجوزتي ب100متر حوالي والله يرمو الحم ومايتفكرونيش بخير عليهم بصح ماعندهم الحنانة عاى اولادهم فقط امي الله يشدهالي راهي معاونتي شوية سمحولي طولت بزاف راني معمرة وماعنديش الثقة في احد نعاودلو

اختي ام مصطفى مرحبا بيك معانا نقلك فيما يخص جهاز بناتك كي يكبرو ويخدمو يجهزو رواحهم ويمتعوك انت ثان معاهم
اما ولادك ننصحك اشريلها كيما قالت الاخت سلسبيل من الشيفون لانه يشد باكثر من العام لدرجة انك ترميه ووهو مشو مقطع
اما للمناسبات تاع ولادك انشاء الله ينجحولك وبتفوق ديري حاجة ووزعيها على الجيران رفيس مثلا ووفري دراهمك راه جاي رمضان والعيد والدخلة تاع القراية اما اللي يجو يباركولك للدار ديري سبلي راه يزي واشري كاش مشروبات وخليها في الدا رضيفي منها وبالنسبة للناس اللي تقعد للعشا والا للغداء انت وهاد الناس كيما هدرنا في موضوع الضيوف ماتكلفيش روحك خبي طرف لحم في الكونجيلاتير والا ماكلة طايبة تلقايها وبالنسبة للكوش والحليب رانا كامل نعانو راهم يدو نص الشهرية مادام في عام ماتقدريش توفري الحليب لانه ضروري لكن تعود تشرب مع خواتها اما الكوش حاولي ولانك عندك خبرة انك تبدي تنقسيلها حتى تنحيه لانه كاين ناس تنحي الكوش بكري انا ولدي عنده عامين درك برك وين بديت نوالف فيه العجايز كامل كيفكيف يتفكرو ولادهم غير في الشدة لاعندي دار لاوالو ومع المصاريف وراكي عارفة ياربي نكملو الشهركان بالسيف خلي يا نلام ندير دار عدت نشوف في الدار حاجة مستحيلة حتى كي نروح للبلاد كونجي مانلقى وين نقعد ودار عجوزتي يتفكرونا غير بالمرض انا مرضة الشر اللي فات بعثنالها مليون دارت بيه راديو ومازال ماكملش الشهر حتى عاودنا بعثنا كيما قلت ليكم الصباح نروح للابوست ونجي راجلي مد لصاحبو فرسالهم
يعني غير تتهني منهم
انا نقيم مصاريف الدار ولا نلم ندير دار ولا دار شيخي وكل شهر
الحاجة المليحة اني بعيدة عليهم احمدي ربي كي عادو مايدوش من عندك

نيفرتيتي. · 2012-04-22, 11:24

اخواتي انا العام هذا ماني فاهمة فيه والو لاني راح نرحل
راح نكري دار في دزاير بمليون ونص الشهر ونخلص عام
راح نكري كاميو ندي بيه القش
ماعلاباليش قداه يخرجلي كلش على هاديك راهي تالفتلي الحسابات
نحكيلكم على الاعوام اللي فاتو انا مانيش في بلادي كي نجي مروحة ندي معايا الفاح والفريك والطماطم انا نحب الطماطم تاع تونس ومانلقاهاش وين راني درك ثان ندي الملوخية اللي ثارت عليها الحرب ههههههههههه
ايضا نشري حوايج بصح مانكثرش لانه بعيد الحال الماعن كاش موديل ملاح تاع صحونة برمة للشربة
وكي نتفكر نعاود نحكيلكم

ام مرية · 2012-04-22, 11:37

السلام عليكم ورحمة الله وبركاته ام امجد هدهد سندس حبيبتي وام مصطفى ربي معاك ام دودة الحنونة وكل البنات كي راكم والله نشكرك بزاف اختي ولا نقولك خالتي ما علاباليش شحال في عمرك المهم نشكرك على الموضوع راكي لميتي كل الاحبة ربي يدومها والي نسيتها تسمحلي

انا جبت عادت يما لداري كي قرب رمضان نعملو عولة
1الجلبانة نشري كمية حتى ل25 و30 كيلو نفصصها ونعملها في سشيات نعبر قيس كل ليلة في ساشي ونكونجليها

2 الحار نخلل شوية مع كاش خضر ونعمل شوية بالطماطم ونكونجليها واذا حبيتو الطريقة نقلكم عليها

3 الطماطم تاني نرحيها ونطيبها ونحطها في الكونجيلاتور
4 نفس الشي للفلفل الحلو نقليه عادي في الزيت ونكونجليه
5 نخدم في الوقت نتاع الفريك والمرمز شوية نخليها لسيدنا رمضان
6 نفتل شوية طعام وشوية محمصة للسحور
7 نشري كمية برقوق ومششمش ونعملها مجففة في البيت ونخبيها لرمضان
8 تانا السفرجل نعملو بالعسيلة ونخبيه انا نموت عليه
ولي عودة نكمللكم ضيافتي لسيدي رمضان

نيفرتيتي. · 2012-04-22, 11:57

اقتباس:

المشاركة الأصلية كتبت بواسطة ام مرية

السلام عليكم ورحمة الله وبركاته ام امجد هدهد سندس حبيبتي وام مصطفى ربي معاك ام دودة الحنونة وكل البنات كي راكم والله نشكرك بزاف اختي ولا نقولك خالتي ما علاباليش شحال في عمرك المهم نشكرك على الموضوع راكي لميتي كل الاحبة ربي يدومها والي نسيتها تسمحلي

انا جبت عادت يما لداري كي قرب رمضان نعملو عولة
1الجلبانة نشري كمية حتى ل25 و30 كيلو نفصصها ونعملها في سشيات نعبر قيس كل ليلة في ساشي ونكونجليها

2 الحار نخلل شوية مع كاش خضر ونعمل شوية بالطماطم ونكونجليها واذا حبيتو الطريقة نقلكم عليها

3 الطماطم تاني نرحيها ونطيبها ونحطها في الكونجيلاتور
4 نفس الشي للفلفل الحلو نقليه عادي في الزيت ونكونجليه
5 نخدم في الوقت نتاع الفريك والمرمز شوية نخليها لسيدنا رمضان
6 نفتل شوية طعام وشوية محمصة للسحور
7 نشري كمية برقوق ومششمش ونعملها مجففة في البيت ونخبيها لرمضان
8 تانا السفرجل نعملو بالعسيلة ونخبيه انا نموت عليه
ولي عودة نكمللكم ضيافتي لسيدي رمضان

يا الحرة لازم تقوليلنا السفرجل كيفاه
انا الطعام كي نجي نجيب من البلاد نشري ويفتلولي لاني مانعرفش نفتل ههههههههههههههههههه

مريم سلسبيل · 2012-04-22, 12:20

نشكرك ام دودة
خبرينا على السفرجل والبرقوف
وللي عندها تجارب ناس ناجحين من ماليها تقلناعليهم هكدا نستفادو
بالنسبةللدار ان عندياكثر من 10سنين وانا نبني فيها ومازال لوكان تحزمت من الاول راني خلصتها علبيها درتلكم هدا الموضوع كي يكبروا الاولاد الحالة تصعب تندمي على النهارللي ضيعت فيه دورو ب لا فايدة

هبة الكوثر · 2012-04-22, 12:51

اقتباس:

المشاركة الأصلية كتبت بواسطة مريم سلسبيل

سلام لكن انا عندي اقتراح ياريت يلقى التجاوب
1 نتكلمو على عولة رمضان كيفاش نوجدولو ماتقلوش بعيد راهو في الطريق
2 نتكلمو على تجهيز البنات وهم صغار ياك كل شي غلا للي عنده بنت واحدة تحير فمابالك اكثر
3 كيفاش تعملو للالبسة نتاع العيد ونتا ع القراية
4 للي عندها دار تبني فيها كيفاش تحضرلها قش جديد وهي مازالهاتبني
5 نتكلموعلى الشيفون
اسمحولي طولت عليكم ان استفدت من منتدى الجلفة بزاف ياريت نحكي على المواضيع راهم يهموا النساء بزاف مع الوقت للي غلا فيه كلشي

عجبني الموصوع حبيبتي
نبدا بالاولى رمصان ان شاء الله الا حيانا ربي في جوان الواحد يبدا يشري الحاجات لي مايفسدوش
نشري بيدون زيت 5 ليترات
طوماطيش لباطات
ندي للمرا ترحيلي الفريك
نشري 10 كلغ سميد وفرينة
وحتى لوازم الحلوى نتاع العيد نشريهم خاطرش حاشا البعض الناس تولي واهقة وكي يشوفو التجار هكا يزيدو في السلعة ويولوا يليكيدو السلعة لقديمة وزيد تلقاي لاشان وتترتشي مالانشري براحتى من دركا باه يبقى غي بلاطو بيض ههههههه
نكمل ونشري بيدونة قهوة ريادو
هادوهوما لي يصبرو
اللبسة تاع العيد انا وراجلي هدا ماكان بخصوصي انا مازل كاين من قشى مالبستوش وهو يشري ليه باه يبدا بيها الحدمة ان شاء الله الا حب ربي ( رافعين شعار الاقتصاد الكريان خرجنا من عقلنا هههههههه) وهو اكيد يجيبلي حاجة مايقدرش يخليني هكداك كتر خيرو ولد الناس وربي يحسن ليه ان شاء الله
انا الشيفون مانحبوش عندي حساسية منو الله غالب وزيد عادو يبيعو غالي سيرتو كي تشوفي حاجة شابة مالا نفضل نزيد الدراهم نجيب حاجة جديدة وزيد درك القش عادو كاينين كل خير وتلقاي لي اوكازيون رخاس تانيك والمرض عاد غير يتسبب يالطيف ربي يعفينا
مازال ماعنديش الدراري ادعولي معاكم حبيباتي
كي نبني الدار القش يجو وخدهم الدار تتعمر وكي يوم تشوفي الجديد ربي يسهلنا بوحد الدويرة انا وخياتي ان شاء الله

هبة الكوثر · 2012-04-22, 12:54

اقتباس:

المشاركة الأصلية كتبت بواسطة مريم سلسبيل

نشكرك ام دودة
خبرينا على السفرجل والبرقوف
وللي عندها تجارب ناس ناجحين من ماليها تقلناعليهم هكدا نستفادو
بالنسبةللدار ان عندياكثر من 10سنين وانا نبني فيها ومازال لوكان تحزمت من الاول راني خلصتها علبيها درتلكم هدا الموضوع كي يكبروا الاولاد الحالة تصعب تندمي على النهارللي ضيعت فيه دورو ب لا فايدة

قولي الحمد الله حبيبتي وان شاء الله كي نهار اليوم تكمل ونهنولك قولي الحمد الله ربحتها درك اه ديري دار تكحلي بالركيزة وتقولي يايما لعزيزة والاراضي ولاو نااااااااااااااااااااااااااار وكلش بمكتوب ربي ياختي كي يكتبلها تكمل تكمل ان شاء الله وربي يشدلك ولادك ومولا دارك

هبة الكوثر · 2012-04-22, 12:59

احتى انا مرة جربت شريت جلبانة وفصصتها لقيت روحي كي نشري كيلوا تلقاي 500 غرام وزيد راهي غالية 160 للكلغ
مالا بحسبة لقيت روحي كي باه نتحصل على زوج كلغ لازملي نشري 4 كلغ جلبانة فصاصة وساعات تلقايها ماهيش معمرة تسمى جلبانات صغار ولا ماهيش حلوة صامطة **و 4 كلغ يجيوني ب640 دج باه نتحصل على وحد 2 كلغ
ولقيت عند البوشي يبيع صاشيات جلبانة كونجولي ب 220 دج للكلغ وحلوة وجلبانتها كبيرة كي نشري 2 كلغ طيحلي 440 دج راني درت الاقتصاد وخيرت الجلبانة البنينة وعلبالي شحال فيها من كلغ
واش قلتوا في هادي ياخواتي

موسى2207 · 2012-04-22, 13:24

2 الحار نخلل شوية مع كاش خضر ونعمل شوية بالطماطم ونكونجليها واذا حبيتو الطريقة نقلكم عليها
تانا السفرجل نعملو بالعسيلة ونخبيه انا نموت عليه اعطينا الطريقة من فضلك
انا مشكلتي تكمن في الربيع والخريف نتعب فيها بسبب الفوضى الناتجة عن اللباس يتخلط تاع الشتاء مع تاع الربيع بسبب تغير الجو ونقلق من الوضع
اللي عندها طريقة مليحة ومنظمة تقولنا عليها

ام نسمة · 2012-04-22, 13:43

والله الموضوع اصبح قمة في الافادة ربي ايخليك يا مريم سلسبيل على طرحه وانا تاني حبيت نعرف كيفاش تخدمي السفرجل ويا ام دودة راني قريت تعليق نرجس وتقلقت بزاف مين قريتو ماشي حق عليها اتكلمك بهدي الطريقة مي خليهاان دل على شيء انما يدل على مستواها وعقليتها خليك منها وخلينا انكملو هدرتنا وحكايتنا امنوني والله ما عندي حتى صحبة مي انتوما صرتو صحاباتي وحباباتي ومرحبا بيكم حتى في داري خطراتش كي نقعد نحكي مع اختي ولا كاش وحدة على كاش وصفة اي انقوللها صاحبتي وراتلي الوصفة ينخلعو ايقولولي علاش عندك اصحابات انقوللهم في المنتدى يقعدو يضحكو عليا مي انا والله انحبكم كامل راكم اخواتاتي

nari21 · 2012-04-22, 13:50

ana nakatasad fa al omo llama3an nahot sabah raawa jadida naarasal biha ga3 anahar manarmihach