السلام عليكم ورحمة الله تعالى وبركاته
ان شاء الله تكونوا كااااامل بالف خير
اليوم احبي ومثل ما وعدتكم من قبل نقدملكم وصفتي لي معتمدتها مند 20 سنة كانت اعطاتهالي جارتي ربي يدكرها بخير
انا شفت انواع من وصفات هاد الحلوى وكل واحد كيف يزينها انا هنا انا رشيتلها شوية كوكاو وهنا برك لي غيرت الوصفة لان الوصفة الحقيقية تزين في الاخير ببياض البيض والسكر وتوضع كزخرفة فوق الشوكلاطة
اليكم المقادير:6ملاعق كبار سكر + 3صفار بيض + 2 خميرة كيميائية + 250 غ زبدة مدابة + فانيليا + 750غ فرينة + قليل من الحليب باش نلم العجينة + علبة مربى مشمش
فالاول نخلط صفار البيض مع السكر ثم نضيف الزبدة المدابة ثم نخلط وبعدها نضيف الفانيليا ثم نضيف فرينة مغربلة مع الخميرة في الاخير نضيف شوية حليب لنتحصل على عجينة نقدر نحلها بالحلال
نقسم العجينة الى نصفين ونلون نصف باللون الاحمر ونترك القسم الاخر ابيض
نحل العجينة في سنية بدون دهنها لانها ميدومة وما تخافيش سيدة الا جاتك تتفتت وما تقدريش تحليها هدا هو سر نجاح هاد الحلوة
المهم نحاول نحلها غير بشوية الطبقة الاولى راح جينا ساهلة لاننا نضعها مبلشرة في سنية
اما الطبقة التانية راح نحلها على ورق الشمع او على ساشي باش نقدر نرفدها ونحطها على الطبقة التانية طبعا بعد ما ندهن الطبقة التا نية بمربى المشمش
ندخلها للفرن كنا سخناه من قبل وبعد وضع السنية في تعلى الفور نقس للفور باش طيب على مهلها وطيب مليح من الداخل
بعد ما كيب ندهن السطح بالشوكلاطة ثم نرشها بالكاوكاو او نواد كوكو او فرميسال او زخرفة ببياض البيض والسكر
نخليكم مع الصور وان شاء الله الشرح يكون مفهوه
ملاحظة :انا درت 2كيلات لان السنية لي عندي كبيرة لااااااااكن ما زدتش فالخميرة خليتها 2برك لاني ما نحبش نكثر الخميرة فالحلاويات
تحياتي للجميع
( تقرير عن مشاركة سيئة )، و الموجودة أسفل كل مشاركة .
2015-09-28, 11:51
السلام عليكم و رحمة الله تعالى و بركاته
العرض العادي
