|
قسم الأطباق الرئيسية الأطباق الرئيسية حصرية لأعضاء المنتدى |
في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة ( تقرير عن مشاركة سيئة )، و الموجودة أسفل كل مشاركة .
آخر المواضيع |
|
أطباق رئيسية لشهر رمضان الفضيل
|
أدوات الموضوع | انواع عرض الموضوع |
2015-04-10, 11:09 | رقم المشاركة : 16 | ||||
|
يعطيك الصحة
|
||||
2015-04-10, 11:17 | رقم المشاركة : 17 | |||
|
|
|||
2015-04-10, 11:54 | رقم المشاركة : 18 | |||
|
أظرفة دجاج محشوة بالجبن والاعشاب |
|||
2015-04-10, 12:20 | رقم المشاركة : 19 | |||
|
طاجين اصابع المرقاز بالدجاج من اروووووع مايكون |
|||
2015-04-12, 15:26 | رقم المشاركة : 20 | |||
|
بسم الله الرحمان الرحيم
السلام عليكم اخواتي جبتلكم اليوم طريقتي في تحضير غراتان الكرم ذوقها رااائع حتى الاطفال لي مايحبوش الكرم راح تعجبهم لان فيها الدجاج وكمية مليحة من الجبن لذلك ذوق الكرم مايظهرش بزاف اذن بدون اطالة نخليكم مع الوصفة. https://إضغط هنا لرؤية الصورة بحجمها الطبيعي. المقادير: صدر دجاجة حجم كبير راس كرنب صغير الحجم جبن حبات بيض حوالي 3 حبات او اكثر حسب المول المستخدم حبة بصل سنينة ثوم ملح فلفل اسود 2 م ك شابلير معدنوس طريقة التحضير: اولا نحضر مرقة بيضا بالطريقة العادية في طنجرة نحط نصف كمية صدر الدجاجة +بصلة مسكرفجة+سنينة ثوم+م ك زبدة+ملح+فلفل اسود https://إضغط هنا لرؤية الصورة بحجمها الطبيعي. نحط الطنجرة على النار ونخليها تتقلى على نار ناقصة من بعد نمرق بشوية ماء مانكثروش بزاف الماء ونخليها تطيب حتى نتحصل على مرقة او صوص خاثرة. من جهة ناخذ الكرم https://إضغط هنا لرؤية الصورة بحجمها الطبيعي. نغسله ونحط يفور حتى يطيب من بعد نحط في كسكاس يقطر مليح ونرحيه بيدي وهو فوق الكسكاس وفي نفس الوقت نتخلص من القطع الخشينة لي تكون فيه. ناخذ نصف كمية الدجاج المتبقية ونرحيها ونضيفلها الكرم والكمية من الجبن https://إضغط هنا لرؤية الصورة بحجمها الطبيعي. من بعد نضيف لاشبلير وكمية من البصل يكون مسكرفج ومعدنوس يكون مقطع رقيق وملح وفلفل اسود ونلمها بالبيض ممكن نحتاج بيضة او اقل حسب الكمية يعني نضيف بالشوية كمية البييضة لازم الخلطة تكون متماسكة نقدر نكورها من بعد نشكلها كويرات او صبيعات ثم نقليهم في شوية زيت على نارقليلة حتى تطيب وتاخذ لون ذهبي لازم نراقبها لانها تتحمر بسرعة https://إضغط هنا لرؤية الصورة بحجمها الطبيعي. ناخذ كمية الدجاج لي طيبناه في المرقة ونفتتوه ونضيفلو كمية مليحة من الجبن المقطع ناخذ مول ندهنه بالزبدة ونحط الكويرات لي قليناهم ونزيد قطع الدجاج والجبن ونسكب عليه كمية المرقة ونخفق البيض ونسكبه من فوق https://إضغط هنا لرؤية الصورة بحجمها الطبيعي. ندخل الغراتان حتى يتماسك وياخذ لون ذهبي https://إضغط هنا لرؤية الصورة بحجمها الطبيعي. نقطعها ونقدمها بالصحة والهناء https://إضغط هنا لرؤية الصورة بحجمها الطبيعي. لاحظوا طبقات الدجاج مع الجبن امممممم https://إضغط هنا لرؤية الصورة بحجمها الطبيعي. ان شاء الله تعجبكم الوصفة وتجربوها في امان الله |
|||
2015-04-12, 15:27 | رقم المشاركة : 21 | |||
|
البسملة1 الوصفة 16 هاذي الوصفة ماشي نتاعي ، شفت الأخت fyfy_top216 حطت تطبيقها في قسم التطبيقات وقالت أن الموضوع حذف و حطت رابط لمنتدى آخر ، صراحة شفت الوصفة البارح مساء ضربتلي في راسي حفظت الوصفة و طبقتها للعشاء مباشرة (طبعا كيما العادة والعوايد بدلت في الوصفة حسب ذوقي الخاص في الطهي) . كي حطيت العشاء ، اللي يذوق ملعقة أو 2 يحبس ويقلي هاذي المرة راهو بنين و مختلف على العادة واش درتيلو وأنا الصراحة راني أول مرة ندير الأرز في الفرن ( راني متبهدلة بصح كيما تقول الحكمة : هناك دائما مرة أولى ) ، كي شفتو جاب سوكسي قلت نحط الصور باش تستفادو من الوصفة وتبقى في المنتدى للأخوات اللي حابين يجربوها . المكونات : * رطل أرز مفور وليس العادي وإذا عندك أرز بسمتي أحسن ( أنا استعملت ماركة La Belle ) * قطع لحم أو دجاج حسب أفراد الأسرة * شوية زبدة * شوية زيت * 4 فصوص ثوم * 1 حبة بصلة * شوية جلبانة حوالي 1/2 كاس ( ما كانش في الوصفة الأصلية ) * 3 حبات جزر كبار ( ما كانش في الوصفة الأصلية ) * طماطم مصبرة ( حوالي 2 - 2.5 ملاعق كبار معمرين مليح عينك ميزانك ) * هريسة ( أعتقد ما كانش في الوصفة الأصلية ) * رند ( استعملت 3+2 ورقات ) * توابل : أفاح نتاع تونس + فلفل أسود + كسبر ( كثرت ) + حبة حلاوة ( ما كانش في الوصفة الأصلية ) + ملح والوصفة الأصلية زايد فيها كمون و زنجبيل بصح أنا ما حطيتهمش * 1 ماجي باش الصلصة تخثار وماجيش مايهة الطريقة : 1- نغسل الأرز ونصفيه ونحطو يفور ونغطيه بغطاء الكسكاس إضغط هنا لرؤية الصورة بحجمها الطبيعي. 2- نقلي البصل و الثوم واللحم في الزيت إضغط هنا لرؤية الصورة بحجمها الطبيعي. 3- نضيف الطماطم المصبرة و الهريسة والتوابل و 3 ورقات رند ونقلي شوية برك إضغط هنا لرؤية الصورة بحجمها الطبيعي. 4- نضيف الجزر و الجلبانة ونقلي 5د إضغط هنا لرؤية الصورة بحجمها الطبيعي. 5- نمرق 2 مرات الأولى بنص كاس ماء بين كل مرة ومرة 5د ثم المرة 3 و 4 بالكاس بين كل مرة ومرة 10د ثم بالزوج كيسان بيناتهم 15د يعني حتى يغلي المرق باش نزيد نمرق حتى نتحصل على كمية المرق المناسبة ، لازم نمرق غير بالشوية باش جي بنينة هذا من أسرار الطبخ طبعا للمبتدئات . إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. 6- بعد ما تغلي نرمي 1 ماجي ونغلق الكوكوط حوالي 30-40د حتى يطيب اللحم والخضر . 7- ننزع الأرز من الكسكاس و نضيفلو قطعة زبدة مليحة ( حوالي 3 ملاعق كبار ) ونحرك حتى تذوب فيه إضغط هنا لرؤية الصورة بحجمها الطبيعي. 8- نحط الأرز في إناء الفرن ونحط معاه 2 ورقات رند جدد ماشي هاذوك اللي طابو في لاصوص ( هاذي الإضافة نتاعي ) 9- نسقيه بالمرق حتى يتغطى مليح ( أنا احتفظت بمقدار كاس نتاع صوص للي يحب المرق ) و نغطي الإناء ( أنا استعملت كيس شواء حليتو على 2 بالمقص ) وغطيت بيه إناء الفرن ( هاذي إضافة من عندي باش ماينشفش الأرز بسرعة ) إضغط هنا لرؤية الصورة بحجمها الطبيعي. 10- ندخلوه للفرن ينضج و مانغفلوش عليه، لما نذوق الأرز ونلقاه طاب ننزع الغطاء و نخليه ينشف 11- كل 2-3د نحرك الأرز من أسفل إلى أعلى باش ينشف مليح 12- كي ينشف نخرجوه من الفرن و نقدموه مع الخضر و اللحم إضغط هنا لرؤية الصورة بحجمها الطبيعي. أتمنى اللي ماجربوش يجربو راهو بنة خطيرة يجي يذرى وكل حبة مفصولة وحدها و خفيف مممممممممممم والله كليت 2 صحون ههههههههه قبلاتي |
|||
2015-04-12, 15:30 | رقم المشاركة : 22 | |||
|
السلام عليكم ورحمة الله وبركاته وصفة اليوم رها بنينا بزاف ننصحكم تجربوها إضغط هنا لرؤية الصورة بحجمها الطبيعي. قطعة سكالوب الحجم على حساب عايلتك اطرقيها بالمطرقة الخاصة باللحم إضغط هنا لرؤية الصورة بحجمها الطبيعي. ثم تبليها بالفلفل الاسود والملح والافاح موطارد ثوم وهريسة وعصير القارص إضغط هنا لرؤية الصورة بحجمها الطبيعي. ادهني مليح وخليه يرتاح قطعي المعدنوس مع راس فلفل حار إضغط هنا لرؤية الصورة بحجمها الطبيعي. غطيه بطبقة من المعدنوس المقطع مع الفلفل الحار [I إضغط هنا لرؤية الصورة بحجمها الطبيعي. دردري الفرماج المرحي هو لازم تغطي كامل المعدنوس لكن انا ما كانش عندي بزاف [I إضغط هنا لرؤية الصورة بحجمها الطبيعي. من بعد زيدي اعملي طبقة من المرقاز يكون طايب مسبقا ومفتت إضغط هنا لرؤية الصورة بحجمها الطبيعي. نحط فرماج طري على الجنب ان شخصيا نفضل فرماج بربار طري وبنين إضغط هنا لرؤية الصورة بحجمها الطبيعي. [ نرولي غير بالشوية إضغط هنا لرؤية الصورة بحجمها الطبيعي. ثم نخلط شوية موطارد وهريسة وشوية زبدة طرية عصير الليمون إضغط هنا لرؤية الصورة بحجمها الطبيعي. وندهن كامل السكالوب المرولي إضغط هنا لرؤية الصورة بحجمها الطبيعي. ثم نحطو في اليمنيوم ونلف عليه مليح ثم في مول الكيك وندخلو يطيب حوالي ساعة إضغط هنا لرؤية الصورة بحجمها الطبيعي. نحمرو في الزبدة والزيت إضغط هنا لرؤية الصورة بحجمها الطبيعي. ونقطعو حلقات إضغط هنا لرؤية الصورة بحجمها الطبيعي. انا قدمتو مع لي فريت ممكن تقدميه مع بيري او اي شيئ خفيف إضغط هنا لرؤية الصورة بحجمها الطبيعي. صدقوني را ه يجي بنين بزاف ويستحق التجربة في امان الله |
|||
2015-04-12, 15:32 | رقم المشاركة : 23 | |||
|
السلام عليكم ورحمة الله وبركاته
حبيباتي حبيت نفيدكم اليوم بوصفة للشيفلور راااااائعة وبنينة كليتها عند وحدة حبيبتي مع اختلاف بسيط هي بسطتها في بلا نتاع الفور ومن بعد قطعتها مربعات وانا هنا عملتها بولات كبار إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. شوفي من الداخل إضغط هنا لرؤية الصورة بحجمها الطبيعي. نبدا بسم الله نحتاج راس شيفلور صغير مغلي في الماء ثم نغمسو في التتبيلة وهي بيضة نزيدولها 1 م ك فرينة 2 م ك حليب ملح وفلفل اسود 1 م ك هريسة شوية كسبر مرحي نخلط مليح ثم نضع فيها الشيفلور إضغط هنا لرؤية الصورة بحجمها الطبيعي. ومن بعد نقليه حتى يحمار مليح إضغط هنا لرؤية الصورة بحجمها الطبيعي. لما يبرد نعبزو بالفرشيطة ثم نضيفلو 2 حبات قرنون منقيين إضغط هنا لرؤية الصورة بحجمها الطبيعي. ومبشورين وزيديلو طرف صدر دجاج وشوية لحم مرحي و2 م ك شابليروشوية معدنوس او دبشة وصفار بيضة خلطي غير بالشوية إضغط هنا لرؤية الصورة بحجمها الطبيعي. ثم اعملي بولات كبار حطي في وسطهم طرف فرماج ثم لفي إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. ورمديهم في الفرينة إضغط هنا لرؤية الصورة بحجمها الطبيعي. واقليهم في الزيت حتى يحمارو مليح حطيهم في بلا نتاع الفور بجنب بعض وتكوني وجدتي صوص الطماطم انا عملتها على طريقة اللهلوبة الهام الصوص اللي عملتها في البيتزا وهاذا هو الرابط https://www.djelfa.info/vb/showthread.php?t=1734788 فرغي عليها الصوص ثم غطيها بالفرماج رابي ان هنا استعملت فرماج قريار راه بزيدلو في البنة إضغط هنا لرؤية الصورة بحجمها الطبيعي. ولوحيها في الفور حتى تحمار وتنشف هنا كي طابت إضغط هنا لرؤية الصورة بحجمها الطبيعي. قدميها بالصحة والهناء إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. في امان الله |
|||
2015-04-12, 15:38 | رقم المشاركة : 24 | |||
|
جبتلكم اليوم أسهل وصفة للدجاج المحمر في الفرن و هي لذيذة وصحية ، أتمنى أن تعجبكن و نشوف تطبيقاتكم : المقادير: * قطع دجاج حسب أفراد الأسرة (أنا استعملت 8 قطع ) * حبات بطاطا مقشرة و مقسمة إلى أرباع ، أيضا حسب عدد الأفراد ( أنا استعملت 1 كغ ) * 3-2 حبات جزر كبيرة مقطعة ( ممكن أكثر إذا حبيتي ، هذا يتوقف على كمية الدجاج والبطاطا اللي استعملت ) * نصف ربطة معدنوس مقطعة * 6-5 فصوص ثوم مقسومة على 2 * 2 حبات بصل أخضرمقطعة أو بصلة عادية * كمشة من الزيتون الأخضر ( اختياري ، ساعات نحط و ساعات ما نحطش ) * نصف قرن فلفل حار أخضر مقطع ( اختياري ) * 4 ملاعق زيت عادي * شوية ماء * 2 ملاعق عسل ( تعادل الطعم الحامض للطماطم المصبرة و تعطي لون عسلي للدجاج و البطاطا روعة ، ما تحسيش طعم العسل بتاتا ) * 1 ملعقة موطارد * 1 ملعقة هريسة * 1ملعقة طماطم مصبرة * كصبر * فلفل أسود * فلفل أحمر حار * أفاح ( اختياري ) * حبة حلاوة ( راهي تعطي بنة سحرية للطبق ) * ملح * zest ليمون أو برتقال ( اختياري ) نخلط الكل مع بعض جيدا و نضع الكل في إناء كبير نتاع الفرن ونغطيها بألمنيوم وندخلها للفرن وكي طيب نحي الألمنيوم وحمريها من فوق . شوفو هذا درتو أول مرة بالأجنحة فقط ( كان خلاص عندي المصروف ههههه ) إضغط هنا لرؤية الصورة بحجمها الطبيعي. وهذا درتو للضياف نهار المولد ( حطيت فيه زيتون اخضر ) : إضغط هنا لرؤية الصورة بحجمها الطبيعي. وهذا ثاني درتو للضياف نهار الجمعة : إضغط هنا لرؤية الصورة بحجمها الطبيعي. زادت ماما معاه كسرة رخسيس و سلاطة و شربة فريك و زيتون كاسي : إضغط هنا لرؤية الصورة بحجمها الطبيعي. أخص بالشكر الأخت أم ماجد اللي ساعدتني في هذه الوصفة . أرجو أن تعجبكم و طبقوها راهي ساهلة و بنينة تحمر الوجه ، تقدري تحطيها الطيب و تقعدي تحكي مع الضياف بكل راحة. أهم حاجة في الوصفة أنها جي بنينة بكمية قليلة نتاع دجاج وإذا ماعندكش دجاج عوضيه بقطعة أو 2 ماجي وحمري البطاطا و استغناي عن البطاطا المقلية راهي صحية وبنينة تحياتي |
|||
2015-04-12, 19:18 | رقم المشاركة : 25 | |||
|
زيتون دولمة إضغط هنا لرؤية الصورة بحجمها الطبيعي. اليوم باغية نقدملكم طبق زيتون دولمة رفدته على ماما من بكري تخدمه لنا دار كاملة نبغوه سيرتو في رمضان نبدا بالمقادير نحناج الى صدر تاع دجاج انا ماكانش عندي دجاج درت دناند (ديك رومي) وزيتون مغلي مرة او مرتين باش نحوله الملوحية نتاعه وربطة حشاوش (قصبر) ونص بصلة وسنات ثوم نقوم برحي اللحم مع البصل والثوم والحشاوش ونرحي الزيتو وحده هذا بعد مارحيت اللحم والزيتون من بعد نخلط اللحم مع الزيتون ونضيف قليل من الملح وفلفل اسود وشوية قرفة مطحونة اذا كان الكمية الخليط كبيرة نضع 2حبات بيض واذا كانت الكية قليلة 1حبة فقط انا استعملت 2حبات صغار نخلط الكل جيدا وبعد ذلك نضيف كمية من الارز(ملعقة اكل) نترك الخليط بجنب ونروح نخدم المرقة نحكم 3حبات جزر نقطعهم دوائر ونرابي نصف حبة بصل وسنة صغير ثوم وقليل من الملح والفلفل اسود والزعفرام وقليل من الطماطم حوالي ملعقة صغيرة وشوية زيت ونقليهم مع بعض مليح مع العظم تاع صدر الدجاج اللي بقى ونمرق ونخليها تغلي كي ولي قريب الجزر يدخلو الطياب (حوالي 10 الى 15 دقيقة) نحي الطاجين من فوق النار وبعد اعملي كورة من الخليط وارميها في المرقة وشوفيها اذا حكمت روحها كملي البقية مثل ماهو مبين في الصورة من بعد رجعوها فوق النار متوسطة وخلوها تطيب كي تولي قريب توجد عقدي المرقة بنصف ملعقة مايزينة مع نصف فنجان ماء مخلطين مع بعض وتضيفهم للمرق كي تعقد طفوعليها هاذا هو الطبق
انشاء الله يكون عجبكم نتمنى انكم تجربوه وااااااااااااااااااااااااش رايكم |
|||
2015-04-12, 19:52 | رقم المشاركة : 26 | |||
|
روتي اسكالوب باللحم والبيض من مطبخ ام اية |
|||
2015-04-13, 17:34 | رقم المشاركة : 27 | |||
|
بارك الله فيكن الحمد لله هذا رمضان راني نشوف بلي ماراحش نحيرو ربي يجازيكم خير اخواتي |
|||
2015-04-13, 21:45 | رقم المشاركة : 28 | |||
|
44444444444444444 |
|||
2015-04-14, 13:42 | رقم المشاركة : 29 | |||
|
صلصة البيتزا على طريقة المحترفين هذه الطريقة شفتها في قناة فتافيت في حصة مدرسة طبخ "مارثا ستيوارت" جربتها وفعلا عطاتني أحسن نتيجة في الطعم والقوام فعلا تتحصلو على صلصة طماطم مثالية بطريقة محترفة. هذه المقادير ل1كغ من الطماطم ننصحكم تعملو كمية معتبرة وتحتفظو بيها في الثلاجة أو المجمد إذا كانت عائلتكم من محبي البيتزا والمعجنات. * 1 كغ طماطم * حبة بصل * 5 فصوص ثوم * 5 أوراق رند * 4 ملاعق كبيرة زيت للتقلية * التوابل: ملح ، فلفل أسود ، زعيترة ، 1 مكعب مرق دجاج ، شوية هريسة ، رشة سكر، ثوم بودرة. التحضير: 1- نقطع الطماطم والبصل والثوم شرائح ونحطهم في كاسرول مع الزيت وباقي المكونات كلها ونخليهم على نار هادئة يطيبو في غرضهم ومرة على مرة نحركها بملعقة خشبية ( سر بنة صوص الطماطم الحقيقية أنك تخليها طيب على مهل ). 2- كي تشوفيها طابت نحي أوراق الرند وميكسي الخليط إما بالبرا ميكسور أو في الروبو ونعاودها في رحاية اليد باش تحكملي القشور والبذور وتبقى عندي صوص نظيفة وناعمة . 3- نرجع الصوص للنار ونخليها على نار خفيفة جدا حتى تثقال . نذوقها غذا محتاجة ملح او سكر أو توابل، لازم تكون شوي ناقصة ملح باش ماجيش البيتزا مالحة . رايحة نتحصل على صوص ناعمة مخملية رائعة نخليها تبرد ونستعملها . * ملاحظة: الصوص ماتكونش جارية وماتكونش ناشفة خلاص من الماء ، تكون متوسطة الثقل. ماتقولوليش علاه مانرحيهاش من الأول أنا كنت نرحيها وفعلا بالطريقة هذي الطعم مختلف تماما. إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. طريقة عمل بيتزا الشاورما أنا معتمدة طريقة الأخت نينافرات " وصفة شاورما اكسبرس " ، فعلا الوصفة أكثر من رائعة ساهلة وسريعة وتعطيني طعم شاورما لذيذ أحسن وأنظف من اللي تتباع ، نقلتهالكم من دفتر وصفاتي. * نقلي شرائح نتاع اسكالوب في شوية زيت مانكثرش ونحمرهم على الجهتين ) الكمية على حساب عدد القرصات نتاع البيتزا وكل واحد وإمكانياتو ). نخلي الاسكالوب يبرد شوية قبل مانفتتو باش مايطلقش الماء نتاعو . * نوجد صوص الشاورما: أرحي في الروبور نصف حبة صغيرة بصل مع زوج سنات ثوم زيديلهم ملعقة كبيرة خل ونصف ملعقة صغيرة من الفلفل الأسود والكسبر المرحي والكمون وبودرة ثوم ومعاهم الملح وملعقة من الهريسة وزوج ملاعق ماء وملعقة من الموطارد خلطي الكل وصبيه فوق الاسكالوب المفتت فوق النار. خليهم على نار متوسطة زوج دقائق مع التحريك حتى تدخل المكونات مليح فيه وطفي النار وزيدي زوج ملاعق كبيرة ماء وزيدي خلطي والشاورما واجدة. * الآن تحضير بيتزا الشاورما: - نشعل الفرن يسخن على أعلى درجة حرارة . - ندهن صينية البيتزا بشوية زبدة ( طبقة خفيفة جدا ) ، صينية البيتزا راهي ضرورية باش تعطينا بيتزا كيما اللي تتباع في القوام والطعم. - نرش مكان العمل بالفرينة و نطرح العجينة بالرولو على شكل دائري على حساب حجم الصينية. - نحط العجينة في الصينية وندهنها بصلصة الطماطم ( لازم نحط الكمية المناسبة لأنو لو تكون قليلة رايحة جي البيتزا ناشفة ولو كان نكثر بزاف العجينة ماطيبش مليح ). إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. - التزيين : نوزع بالتساوي : شرائح فلفل أخضر ( ضروري راهو يبنن البيتزا روعة ) + معدنوس مقطع + زيتون مقطع ( مانكثرش باش ماجيش البيتزا مالحة )+ قطع الشاورما +قطع جبن ( انا استعملت جبن كامومبير وجبن أبيض وفي الفراغات حطيت كميات صغيرة نتاع كرام فراش بواسطة ملعقة صغيرة ( نحب دائما نحط الكرام فراش في البيتزا لأنها ماتخليش البيتزا جي ناشفة وتساعد على تمييع الأجبان ). - نبشر جبن شيدار أو قرييار أو جبن أحمر حسب الرغبة وندخلها للفرن في الرف الوسطاني على 180° حتى تحمار من تحت ومانشعلش من فوق لأنو الجبن المبشور يتحرق بسرعة ومايبقاش مائع . إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. - نقطعها وهي سخونة وتقدم مباشرة بالصحة والهناء. إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. في الأسفل اقتراحات لتنويع حشوات البيتزا من مطبخي لذيذة جدا بيتزات مختلفة مقترحة هذي البيتزا اللي معتمدتها لأسرتي ( بيتزا اللحم المفروم والمرقاز – ممكن تستغناو على المرقاز لكنها المفضلة لدى أسرتي أنا - ). نفس العجينة والصوص والطريقة المذكورة فقط الاختلاف في التزيين لا غير، الصور واضحة كفاية. في البيتزات اللي في الأسفل لفيت جبن على الأطراف إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. بيتزا بالطون والأجبان وزدت رابيت شوية شيدار : إضغط هنا لرؤية الصورة بحجمها الطبيعي.إضغط هنا لرؤية الصورة بحجمها الطبيعي. بيتزا باللحم المفروم والموزاريلا رشيتها بشوية زيت زيتون وزدت رابيت شوية شيدار من فوق إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. بيتزا بالاسكالوب المشوي ( متبل بملح وفلفل اسود وثوم بودرة ) والفطر الطازج محمر في شوية زبدة والموزاريلا إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. بيتزا بكرات اللحم المفروم والاجبان : إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. بيتزا بالمرقاز وجبنة الروكفور روعة ايضا لكن لازم نوزع قطع صغيرة جدا من الروكفور لانه مالح وحامض ونكهته قوية جدا انا خلطت معاه كامومبير وشيدار : إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. * ملاحظة: لما نلف جبن على الحواف مانحطش الجبن المبشور باش مايتحرقش حتان طيب البيتزا من تحت نخرجها ونبشر عليها جبن ونهبطها للرف السفلي ونشعللها من فوق تتحمر ونعسها لانو تتحمر بسرعة. كل البيتزات المقترحة روووووووووووووووووووعة على ضمانتي . آسفة على الإطالة لكن حبيت نشرح كل شيء بوضوح باش مايبقالكم حتى نقطة استفهام. تحياتي ................... لهومة .
|
|||
2015-04-14, 14:10 | رقم المشاركة : 30 | |||
|
قراتان الكبدة تاع الجاج والباطاطا لام محمد تاج |
|||
الكلمات الدلالية (Tags) |
أطباق, تشهر, رمضان, رئيسية, شاركو, إنجاز, كتاب |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc