علابالي طولت عليكم راني وفيت بوعدي ال Mille feuille sallé من مطبخي

[lyllia30]

السلام عليكم و رحمة الله تعالى و بركاته و أخيرا حباباتي وفيت بوعدي ليكم والله اسمحولي علابالي زعفانين مني و طولت عليكم لكن عندي ظروفي والله


اتفضلوا الميلفاي الحار من مطبخي والله ذقتوا و نضت طووول قبل الماعن نديرلكم الصورة و من بعد نرجع نحط ليكم المراحل و المقادير والله روووووووووووووووعة اتفضلوا







هههههههه بعد ما عجبكم و كملت خالوطة العيد راني جيت نحطلكم المراحل و المقادير
المقادير :
عجينة مورقة
دنجال مقطع دوائر و مقلي
بطاطا مقطعة دوائر و مقلية
لحم مرحي طااايب
فرماج للدهن و فرماج مبشور أو للذوبان
هريسة أو كاتشب للتزيين


نبداو بتحضير العجينة المورقة ندير 3 مستطيلات متساوية و نثقبها مليح بالفرشيطة باش متتنفخش
بعد ما يطيبو نحطو أول كووش و ندهنوها بالفرماج مبعد نحطو فوقها الللحم مرحي يكون سخون باش يساعد في تماسك الميلفاي
من بعد نحطوا البطاطا مرصوصة سخونة من بعد البذنجال مقلي و سخون ( و اختياري اللي عندها الفرماج بين الكوش و الكوش تحط فرماج باش يتماسك الميلفاي و بالنسبة للبطاطا و البذنجال اذا قليتيه بكري عاودي سخنيهم فالميكرووند )
من بعد نزيدو الطبقة الثانية و نعاودو نفس المراحل اللي عملناهم فالطبقة الأولى بداية من الفرماج من بعد لما نحب نزيد الطبقة الثالثة و الأخيرة من العجينة المورقة نحطها بالمقلوب باش تكون مسوية و ميكونوش الثقوب تاع الفرشيطة فالتزيين من بعد ندهنوه بفرماج يكون كريمي من بعد نديرو خطوط طويلة بالهريسة و اللي متحبش الحار تدير بالكاتشب و من بعد بعود الأسنان ولا ورقة نديرو خطوط طوليا كيما رسمة الميلفاي خط رايح و خط جاي و نقصوهم كيما الميلفاي و تاكليهم بالصحة و الهناء الله الله على شكلهم و بنتهم يشرفوووو قدام الضيوف حاجة جديدة



راني نحملكم فصور كاااافة المراحل ارضااو عليا برك و متزعفوش و اعطوني دعوة الخير*




3 مستطيلات متساوية




















































والله تعبااانة مقدرتش نكتب اسمي فوق الصور ادعولي ربي يخلييكم
سلام