السلام عليكم اخوتي
حبيت اليوم نشاركم وصفة خبز الدار بطريقتي صراحة كلمة روعة قليلة فيه يجي طالع وخفيف لي يذوقو عندي يطلب الوصفة ان شاء الله نتوماتاني يعجبكم وتجربوه
المقادير:
راح نعطيكم المقادير لقرصة واحدة لي نطيبها في البلاطو نتاع الكويزينيار
انا نكيل بعلبة مرقرين صغيرة نتاع250 غ ولي حابة تعمل عينها ميزانها
2كيلات دقيق من النوع الممتاز
كيلة فرينة
ملح
م ك سكر
ملعقة صغيرة ونص خميرة الخبز
فنجال قهوة زيت
3 الى 4 م ك حليب غبرة
سنوج
ماء دافيء
https://
نخلط المقادير مع بعض ونلم بالماء حتى نتحصل على عجينةمتماسكة مالازمش تكزن جارية
https://
نعجنها جيدا من بعد نبدا نضيف الماء الدافيء تدريجيا مع الاستمرار في العجن حتى نتحصل على عجينة تتلاصق نوعا في الايدي
https://
نغطيها ونخليها تختمر
بعدها نضيفلها نصف باكي خميرة وبياض بيضة والصفار نحتفظ به لدهن الخبز وقطعة زبدة حوالي نصف ملعقة ونعجن حتى تتداخل المقادير
https://
ندهن البلاطو نتاع الكويزنيار بالزبدة ونحط كويرة العجين داخله ونغطيها ونخليها 5د من بعد نبسطها
https://
نغطيها ونخليها تختمر حتى يتضاعف حجمها
https://
نخلط صفار البيضة مع م ص حليب وقطرات خل وندهن غير بالعقل الخبر باه مانخرجش الهواء منه ونرش عليه السنوج والجلجلانية او نكتفي بالسنوج فقط ونثقبوه بالكوردن عدة ثقبات مانكثروش بزاف
https://
ندخل لفرن يكون مسخن مسبقا على اقصى درجة كي يطيب من تحت نشعل عليه من فوق حتى يتحمر بعد مايطيب مباشرة نحط فوق مشبك يبرد مانخليهش في البلاطو باه مايتنداش
https://
نخليه يبرد شوية مانقطعوهش وهو سخون ونقدمه
https://
عن قرب اممممم لاحظو الثقوب
https://
نتمنى تعجبكم الوصفة وتجربوها وتنجحوا فيها
في امان الله
( تقرير عن مشاركة سيئة )، و الموجودة أسفل كل مشاركة .
2015-05-13, 21:22
ما شاء الله عليك ام اماني
العرض العادي
