ارووووووع مقروظ مقلة بالخطوات لعيونكم

[ام اماني77]

السلام عليكم اخواتي
الكثير من الاخوات يعملو مقروظ المقلة لكن يلقاو مشكل اثناء القلي حيث ان كي يحطوه في الزيت يتفتح جبتلكم اليوم وصفة ناجحة نعملوه بالزيت يجي مرمل وما يتفتحش اثناء القلي

المقادير:

كيلو سميد متوسط من النوع الممتاز انا في المقروظ دائما نستعمل سميد السفينة المتوسط
200غ فرينة
نصف لتر زيت
ملح
ماء وماء الزهر
الحشو
نحتاج الى غرس
قرفة
م ك سمن وشوية ماء الزهر
الطريقة
اولا نحضر مقادير العجين

https://

نخلط السميد مع الفرينة والملح ونضيف الزيت

https://

ونبسس جيدا الخليط لمدة 10د هذي نقطة مهمة حتى يتشرب السميد والفرينة الزيت
الخليط يكون شوية جاري عادي
https://

نغطي الخليط ونخليه يرتاح على الاقل ساعة وممكن نخليه يبات وغدوى من ذاك نكمل بقية المراحل
من بعد نضيف للخليط كمية من الماء وماء الزهر ونخلط بدون عجن العجينة حتى يجي مرمل وكمية الماء على حساب نوعية السميد المهم نتحصل في الاخير على عجينة متماسكة مثل ماهو موضح في الصورة

https://

نغطيها ونخليها ترتاح مدة ساعة
في هذا الوقت نحضر الحشو نضيف للغرس شوية قرفة وم ك سمن ونعجن بشوية ماء الزهر نشكل حرابش .
ناخذ كمية من العجين نشكل منه حربوش خشن ونحط داخله الغرس

https://

نغلق ونشكل حربوش يكون رقيق شوية وبومبي

https://

نقطع مقروضات بواسطة الطابع

https://

https://

بعد مانكمل كامل الكمية
نسخن الزيت ولازم تكون كمية مليحة والنار متوسطة حتى يطيب من الداخل نحط الحبات في الزيت ونخليهم يطيبو بلا مانقلبهم حتى ياخذو لون ذهبي محمر

نحطهم في العسل يكون مخلط مع شوية فقط من ماء الزهر يعني ثقيل نخليهم يتشربو مليح من بعد نحهم في كسكاس يقطرو
عند التقديم نعاود نعسله في عسل يكون ثقيييييل ونحطه في ليكيسات ويقدم مع التاي

https://

https://

عن قرب

https://

https://


نتمنى تعجبكم الوصفة وتجربوها ولاتنسوني من صالح الدعاء في هذا الشهر الكريم
في امان الله